سطام صحى متكسره عضامه ويدور العيال وحصلهم وراء البيت يسولفون ونايف وجهه مشلخ ويده استغرب
شجاع كان يطالع سلمان بحده وسلمان مو حوله ويسولف
سطام برضو انتبه له وجلس جنب سلمان
سلمان ضحك : اي صادق مابيفرق شي راح ولا جاء
نواف : تصدق اني انا ماعلي الي يجي يجي والي يروح يروح ماهمني
نايف بستهزاء:واضح واضح مصدقينك كمل بالله
نواف طنشه وكمل سوالف مع العيال
فارس دخل : يعيال شفتو سراج؟
احمد بستغراب: لا والله من امس ماشفته ليه وش تبي فيه
فارس: ماابي شي بس بغيت اسولف معاه
شجاع : من متي طلع لك صوت انت ؟ تبي تسولف وتتكلم من متي اعقب اعقب ابرك لك
بهاج مشي ودفع شجاع وركب فوقه ومسكه مع رقبته : ورب الكعبه يذا الرخمه لتاكل كفوف لو مااتمسك لسانك
شجاع كان اضخم من بهاج ودفع بهاج وركب فوقه : تخسي وتعقب
سلمان كان الوحيد في ال جسار جسمه وبنيته متعافي ومعضل سحب شجاع مع ثوبه ودفعه وطاح : اعقبببب تتتحدي عيال ال جسار وشيخهم فيه اعقببب ولاااسمع لك حس
شجاع وقف بقهر : وطلع الحوش وهو ساحب فارس
فارس كان يحاول يدفعه بس ماقدر لئنه نحيف وقصير
سلمان والعيال تطلعو وراه
نايف كان يضحك وبيلحق شجاع
نواف وتركي سحبوه : تعال يحلووو والله ماتطلع
الحريم سمعو اصوات ضرب وصراخ وطلعو ملاذ خافت من شافت سلمان
سلمان مشي لشجاع وسحب فارس وراه وشمر اكمامه وعطاء شجاع علي وجهه 👊🏻
شجاع ابتعد من ضربته ونزل راسه ونزل من خشمه دم ومسحه
سلمان صرخ: محترمينك انت واخوك علشان شايبكم لاكن مامنكم احترام ولا لكم تقدير
شجاع انقهر ومشي لسلمان وكان بيرد الضربه وسلمان لواء يده
شجاع صرخ
سلمان بحده: بتضربني اجلل!!
الجد وابو شجاع وابو فارس وابو طلق وابو تركي طلعو
ابو شجاع ركض لولده: لابارك الله فيكم وش سويتو في الولد
نواف وسطام ضربو نايف ضرب لاله الي الله ودفعوه فوق شجاع
احمد ضحك: الحين يذا الشايب تحسبي علينا مرتين
عند البنات كانو يطالعوهم
عروب بقهر: الله يكسر يده وياخذه ياااااربببب
حلا وشيم وشوق ضربوها ونتفو كشتها
شيم وشوق سحبوها ورموها فوق اخوانها
شيم ماقدرت تمسك الضحكه وضحكت : ياربي ياكميه الاهانه
الجد عصب : السموحه منك ياابو شجاع روحو المزرعه الي جنبنا الين تهداء الاوضاع
شجاع وقف وقاطع ابوه وهو يصارخ ووجهه مورم: محطينه شيخكم ومعتزين فيه ماتدرون عن فعايله الشينه واولها طلعت نسايم من بيته وملاذ دخلت بعدها راعي الحرمتين الرخمه
بهاج صرخ وتقدم بيضربه
سلمان سحب بهاج بهدوء
الجد ضرب سلمان كف
سلمان ناضر الجد ببرود: جدي علي عيني وراسي تمد يدك علي حدك
الجد عصب : اعقبببب!!
ابو نسايم جن جنونه : ايشش!!!!! تكلمممم سلماننن تكلم
سلمان طنشه وناضر شجاع : كنت اقول رخمه حرمه خسيس جبان ضعيف شخصيه خيخه كل شي فيك بس الي ماتوقعته انك مثل العجوز تتجسس علي بيوت الناس وتقول فلانه دخلت وفلانه طلعت
عند البنات
نسايم كانت خايفه
ملاذ ساكته بهدوء تطالعه
ام بهاج كانت شاكه في ملاذ من يوم بكت عليه يوم قالو انه مات سحبتها مع شعرها : وش ذا الكلام الي قاله!!
ملاذ ناضرت امها بصدمه: يمهه!! تشكين فيني!!
ام بهاج ضربتها كف وسحبتها للبيت: اذا ابوك مات ومارباك انا اربيتس يملعونه تبين تطيحين وجه اخوانتس مع الريجيل
ملاذ كانت تحاول تتكلم وتقول والله مااعمري قصدة انه يشوفني والله اني طاهره وانه مالمسني والله ان الي بينا حب عفيف طاهر
بس امها ماسمعتها ضربتها ب سوط حق الخيول ضربت ملاذ الين مادمها صب واغمي عليها وهي تترجاء امها توقف عن الضرب ذاء كله
نرجع للشباب >>
ابو نسايم مسك سلمان مع رقبته : تكلم !!! لاتلف وتدور
سلمان دفعه بقرف : كنت بستر عليها واسكت عنها ناد بنتك وقول لها هي وش فعلت وش سوت
ابو نسايم سحبها : تكلميي!!
نسايم بخبث قلبت علي سلمان الموضوع: هو الي طلب مني واخذني غصب ومن جينا هنا وهو يمشي وراء ويتحرش
الجد للمره الثانيه ضرب سلمان كف
سلمان ماتحرك وناضرها: كذابه وفي وجهتس ومانيب مبرر شوفو كميرات بيتي صوت وصوره واكشف علي بنتك وانتهينا اما بنت عمي مابيني وبينها شي وبتصير زوجتي علي سنه الله ورسوله واخوها عارف وجدي ويوم دخلت كنت نايم ومقفل الباب علي ودخلت خلف وطلعت والكميرات بتكشف((
سلمان عارف ان اليوم ذا بيجي وحذف يوم خنق ملاذ وخلاء اللقطه حقت نسايم وكان موجوده فيد لملاذ دخلت متحجبه ونزلت خلف وطلعت )))
بهاج توجه لشجاع وضربه من القهر الي فيه ضرب
سلمان سحب نايم وشجاع وابو شجاع: براء بدون مطرود يالله
طلعو بغبنه وفشيله
الجد انقهر انه مد يده علي سلمان ودخل المجلس متضايق
بهاج وقف ومعاه سلمان
ملاك جتهم تركض وهي تبكي: ملاااااااذذذ مااااتتتت من الضرربب
تكفي بهاااج تكفي
بهاج ركض وكذالك سلمان الي كان خايف والارض يالله تشيله
ام بهاج حتي مارفعتها واقفه تطالعها بقهر وشيم تبكي عند راسها
سلمان وبهاج دخلو
سلمان انصعق من شافها وجهاا ويدينها اثار ضرب ومو اي ضرب لبسها انقطع من شده ضرب السوط
بهاج ركض ولفها ب العبايه وركض للسياره
ملاذ يوم رفعها بهاج تون وتفز من الالم
سلمان ناضرهم وعيونه حمرت وعصب حرفياً وصرخ: منننن سوااااء فيهاااا كذااا !!! تكلموو
ام بهاج ناضرته بقهر: انا عندك شي
سلمان خنققها ومو حاس علي نفسه
احمد بعده والعيال سحبوه يالله
سلمان صرخ: واللله اذبححححكككك واللله ل اقطعك مثل ماااقطعتيها ب السوط واللله مااخلصك واللله خلها ماتصحي وتتعور والله ان كل فزه تحس فيها من الالم لخليك تحسين فيها اضعااافها
سطام ونواف وسهم ماسكينه ب القوه ويالله ثبتوه
ام بهاج خافت ولو تاخرو شوي ماتت من الخنق
( انتهي)
أنت تقرأ
حتي القصايد في عيونك احتارت
Poetryاتمني ان ينال اعجابكم الكاتبه : هيام ال عبدالله اي تعليق سلبي ينحذف دع لك اثر في الكومنت 🤎🤎
