حتي القصايد في عيونك احتارت

32

السلام عليكم ورحمه الله وبركاته ...
نبداء ):

في المستشفي
خطيتو جرح طلق ونواف طلعو الرصاص من كتفه وطلعو من المستشفي
طلق بألم : البناتت !!!
سطام : بخير كلهم
نواف يمشي بألم : اختكم ذي لو يخلونها في عصابات تصير القائد حقهم الي بس يذبح واحد ويقف
سطام ضحك: اصدق شي تقوله
طلق ابتسم : منجد تطلق النار علي واحد وتتجمد وملاك اخس منها
نواف : اختي مسكينه قلبها رهيف مو مثل اختكم تذبح ارواح
طلق: هيه الي اختي
نواف: ماقلنا شي انطم بس

ديره ال كسار >>>
صارم منسدخ علي السرير بعد ماطلعه كسار من المستشفي وحاتم علي العربيه يمشي بعكاز ورجله ملفوفه
كسار بقهر: ذبحو ال١٠ رجال الي ارسلناهم وماقدرو يجيبو ملاك وملاذ
حاتم بغبنه اشد: ياليتني ذبحته مع ابوه
كسار فز بغضب : لايدري ان نحنا الي ذبحنا فهد!!! وربي روسنا تدحرج علي الارض ولا بيهمه شي
حاتم ضرب الطاوله : وش نسووووييي اجل مااقدرنااا عليهه حاولنا نذبح واحد منهم له ٧ ارواح قطاوه مو بشر
صارم بألم : شفتو كيف اطلق علي ولاخاف ولا ااهتز فيه كيان بيعجز يقطع روسنا بنتي يجيبونها ولااا اذبحهم معها
كساار بخبث: مايكسر ضهرهم الي بنت الكلب الي عندهم
صارم ناضره ببتاسمه : ذبحتها بريال
حاتم : كسرنا ضهر عيال سعيد كيف نكسر ضهر عيال فهد ؟
كسار ابتسم :ان جيناهم ماقدرنا عليهم نروح لحريمهم
حاتم كشر وانقهر بس مايقدر يعترض وقال وراسه في الارض: من هم؟
كسار : الثنتين اخت بهاج الكبيره واخت سلمان الكبيره
حاتم فز : ملاااك وملاااذ؟؟؟
كسار ابتسم : بالضبط
حاتم بغضب: مايجيهم شي فاهمين !!!!
كسار: تهدد؟
حاتم دفع الطاوله : الي تشوفهه بس ماايجيهم شي غيرهم
كسار شرب الماء: اممم وش رايك نبلغ علي الحوالات الغير قانونيه بسمك ولا البضاعه الي ب اسمك الي كلها ممنوعات ؟
حاتم نزل راسه: الي تشوفه سوه ياابو صارم
كسار ضحك: اي كذا والله مايمر رمضان الي وانا مخليهم يبكون
صارم : ثلاثه بحجر واحد يعني هاذي اليومين
كسار : ليه هاذي اليومين ؟ ليه مو من بكره رمضان بنصوم ونصلي وندعي مانبي ذنوب زياده

بعد مرور يوم علي الكل

ديره ال جسار >>
سلمان طلع والعيال معاه وبدو يوزعون المقاضي علي كل بيت من بيوت الديره حتي بيت ابوديم ومن انتهو جمعو شباب الديره وفرشو ساحه الديره زوالي وثبتو الانوار لئن امس الملكه واليوم الخطبه والعرس مره وحده
بهاج كان يركض ويشيل الاغراض ويحط الكراسي والطاولات وسهم معاه بس مو باين فرح بوجهه
سلمان كان يدخل ويطلع من بيت الجد وتحديداً المطبخ يدخل كاراتين التمر والفواكه

البنات في الغرفه مع الكوفيرا
ملاك كانت متوتره بس مو باين عليها والكوفيرا انتهت : ماشالله تبارك الله قمر قمر وربي
ابتسمت ملاك : حبيتي انتي
شوق سوت نفسها مغمي عليها : الابتسامهه بناتتت هاذيي منجد ملاااااك يمشي علي الارض ياويل بهاج بس
تهاني تتجهز وصاده عنهم ومن خلصت الكوفيرا التفت : وش رايكم ؟
البنات صرخو ومعروف جمال تهاني وملامحها الهاديه تجذبب بشكل
حلا ضحكت : تهانيي تهبلينن وربي جميله جميله جمااال
شيم : اكيد اختي
تهاني : فستاني ابي وحده تساعدني فيه
ملاك : حتي انا تكفون
سلمى دخلت عليهم بشعرها مسويته ويفي ومسويه مكياج ثقيل شوي ؛ انا مغير اعدي منه لهناك ملاذ وينها ؟؟؟
شوق تناضرهم: استغفر الله ياليتني ولد بس سلمى طلعت حلوه ؟
سلمى كشت علي شوق : شدراتس انتي
شيم بصدمه : مو مصدقه يبنات كشتها وقميصها كله كلوركس والحين طالعه اميره ؟
سلمى حذفت شيم : كشختي لاتخرب يملعونه ابك ملاذ وين
حلا: تتكشخ في الغرفه
ملاذ طلعت لابسه فستان ضيق ومبين ملامح جسمها بشكل يفتن يفتن وشعرها ستريت ل اخر ضهرها وكثيف وعيونها الوسيعه ورموشها كانتت ب الفعل اجملل بنات ال جسار وبعدها ملاك وخرج خلف بعدها ملبسته ثوب وبشت صغير وشماغه وبصوته الطفولي : وس رايتن = رايكم ؟ بس
صرخو البنات: الولد وامهه يهبلوووون
خلف ناضر سلمى : هادي الحوه مين
ضحكت شوق : انا قايله لكم
سلمى كشرت : مدحه ولاسبه يابزر
ضحكت ملاذ واخذت خلف : يالله بروح اساعدهم في القهوه انا وخلوفي
طلعت ودخلت المطبخ وجلست خلف علي الطاوله : مامييي لاتتحرك تمام بجهز صحون القهوه وانت خلك هادي علشاني اليوم ووعد اخلي بابا يشتري لك اليي تبيه وعد
خلف : وعد وعد بسير مودب
ضحكت ملاذ: فديت المودب انا ، لفت تجهز الصحن
دخل سلمان وهو من الاساس قايل لهم انه بينزل الاغراض لحد يجي ومن نزل الكرتون رفع راسه وشاف ملاذ معطيته ضهرها وماقدر يصد يقنع عقله بس وش يقنع قلبه وعيونه من المنضر الي يفتن قدامه؟
ملاذ لفت تضحك : خليفف مالك، ماكملت جملتها الي من شافت سلمان واقف بشماغه وسلاحه بخصره ويناضرها هي انسحرت من ملامحه الحاده الي تجذببب وبشكللل
سلمان كان منفتن فيها وهي معطيته ضهرها فكيف يوم لفت وهي تضحك؟ انجذبب لعيونهاا وخدودها ومبسمها كل شي في يفتن تدارك وضعه وصد : اعوذ بالله وش جابتس هنيا
ملاذ انحرجت : انت الي وش جابك هنا
سلمان مسح وجهه : يابنت اهجد وخفي علي قلبي ، طلع من المطبخ وهو مايذكر الي هي يتخيلها في كل مكان عينه تقع عليه
ملاذ ضربت وجهاا بحراج: كيف ماانتبهت وانحشت ياويلي
خلف لف لها : هااه ماما من اليوم صاد عنكي صرت مودب
ملاذ ابتسمت: اييي يقلبو مودببب وكيوتتت روح ل بابا وقول ماما تقول اني مودب ولازم اخذ حلاوه
خلف ركض وخرج من البيت يدور سلمان

( بكمل لكم بنوتاتي يمكن اليوم بنزل لكم هاذا البارت القصير بس يعتبر حماس وانتضروني يمكن بعد شوي او بكره 🙏🏻)

قراءه ممتعه 💗💗
حفزوني ب نجمه وكومنتتتت ضروري هو الي يحدد اكمل لكم ولالا لئن اذا شفت كثير يبغوني اكمل كملت وبايي حبوباتي 🤎🤎}