المستشفي اتصلو علي سهم ونواف لئن سلمان بيطلع
نواف دخل المستشفي هو وسهم والعيال كلهم
سلمان جالس علي السرير يوم دخلو: جيبو لي ثوب بسرعه
سهم عطاعه شنطته
سلمان اخذ الشنطه وطلع ثوبه بمساعده نواف ولبسه رغم انه رفض نواف يساعده بس نواف نشب : نادو الدكتور يفصل الاسلاك والمغذيات لا افصلها انا
الجد : سلمان مانك بورع اهجد خله يجي يكشف عليك وبعدها يهون كل شي
سلمان معصب كغير العاده ويناضرهم : خلف وينه جاين بدونه وش الفايده ؟
بهاج : مع امه وش تبي فيه خله شوي روح وشوفه
سلمان تذكر: اي صح العرس اليوم افضل اعرفكم بتسون عشاء وكل الديره وكذا ف عرسنا اليوم
الجد: واحمد وفارس؟
سلمان: بعدي بيومين انا وراي سفر
سكتو كلهم لئنهم يشوفونه يهاوش ويتفلت عليهم ومعصب
دخل الدكتور وكشف عليه واعطاه ادويه اذا مااخذها بيتسبب له ب اضرار لنفسه
سلمان مطنشه ولا اهتم ومشي مع العياال وهو يعرج لئن فخذه مسوين في العمليه من الشريان الفخذي علشان يوصلون الي البطين الايسر من القلب ،،،
نواف مسك راسه: بدينا لحوووولل ولاقوه الي بالله
سلمان سمعه: انطم لا ب الخمسه
سلطان مسك سلمان مع كتوفه: حاتم مات افهم يرجال مات قصوه قصوه يعني ايش يعني ريح راسك وانا عمك
سلمان صد وصرخ: بعد ايش تبيني اريح راسي!! بعد مااخذ مني كل شي احبه وابيه !! بعد ماااخذ امي وابوي ؟ وعيشني يتيم انا واخواني ولا بعد ماعيشني بضرب واهانه علشان يكسرني؟ ولا ، دمعت عيونه وكلهم انصدمو وصرخخ بأعلي صوته، ولاااااا يوممم ذبح ام عيالي ورماء ولد من دمي ولحمي في دار اليتاما ؟ ، نزل راسه يبكي بقهر يحس ان داخله اشياء كثيره متحطمه ماعاد يهمه شي يبكي قدامهم ؟ ولا يبكي وراهم مابتفرق
سهم ركض له وجلس قدامه : سلمااااان تبكييي!!!!!
سلمان بضعف: ( اي والله ابكي ليتني مافقدتهم ايوالله ماجبر خاطري شي كل ماسجدت لوجهه ربي ذكرته يا الميت اللي باقي بداخلي حي ''
بهاج وطلق مشو معاه وجلسو يسولفون عن خلف علشان ينسي او يتجاهل مو زين كذا علي قلبه وصحته
ملاذ كانت تركض وفرحانه من قالو لها سلمان بيجي
ام بهاج ناضرتها : هييهه اهجدي تراء مو امير ولا شيخ وش فيتس ميته عليه
ملاذ : يمهه قلتيها شيخ وميته عليه وش تبين بعد تبين تنكدين علي فرحتي ؟
ام بهاج طنشتها وراحت
وملاذ : خليففف
خلف طلع ياكل شكولاته وملابسه كلها ووجه معدم
ملاذ مسكت راسها: صداااععع خليففف ليه كذا ماما انت رجال
خلف ببراءه: يعني رزال (رجال) ماياتل (ماياكل) شكولاطه
ضحكت ملاذ: ياكل بس مايعدم ملابسه تسذاء بابا جاي تعال اغير ملابسك
لبست خلف ثوب وشماغه وطلع يركض
ملاذ : خليف انا اسويه
خلف ؛ لااااا سدام اسويه لي
سطام كان واقف براء وطفشان شاف خلف يركض بشماغه ابتسم : هلا والله خليفف
خلف مد شماغه: سوه الي بابا بيجي
سطام ضحك وعدل شماغ خلف
خلف : حلاص، مشي
سطام سحبه مع فنيلته : هوووب خليف وين رايح
خلف يعد ب اصابعه : بلوح(بروح) بيت طلع (طلق ) واهاوسه (اهاوشه) وعمه ملاز (ملاك) وبلوح ل عمو سهم
ضحك سطام:لاااوصيك جيب اخبارهم ك العاده
خلف اشر براسه بمعني اي وركض
سطام فطس يضحك
أنت تقرأ
حتي القصايد في عيونك احتارت
Poetryاتمني ان ينال اعجابكم الكاتبه : هيام ال عبدالله اي تعليق سلبي ينحذف دع لك اثر في الكومنت 🤎🤎
