حكاية قمر

الفصل3

وبعد يومين في شركة معاذ، دخلت السكرتيرة الخاصة نور على معاذ في مكتبه وهي معاها ورق مهم بعد ما استأذنت وقعدت قدامه وهو بيشتغل عاللاب توب ومركز فيه وندهت عليه: مستر معاذ
فرفع معاذ راسه ليها بابتسامة وهو بيقول: ايوه
فمدت ايدها ليه بملف وهي بتقول: اتفضل
معاذ: ايه ده؟
نور: ده ملف باخر التطورات والصفقات اللي حصلت وانا شايفة في تحسن كبير اوي وبالصفقة الجاية نكون كده في الامان
معاذ: الحمدلله
وسكت شويه وبعدين ابتسم وقال: عارفه لو الصفقة دي نجحت هعمل ايه؟
نور بنعومة: ايه يا معاذ
معاذ بهمس: اقفلي الباب ده كويس وتعالي عشان ده سر
راحت نور قفلت الباب بالمفتاح ورجعت لمعاذ اللي قام من مكانه وشدها ليه من وسطها ولفت ايديها حوالين رقبته بحنيه وسألته: هتعمل ايه يا حبيبي؟
معاذ: هقول للناس انك حببتي ونتجوز بقا
فابتسمت نور وحضنته وسألته: بجد؟
فقال معاذ: طبعا بجد يا حبيبتي احنا صبرنا كتير، وكفاية كده
نور بحب: انا بحبك اوي
معاذ: عارف بس انا زهقت خلاص ومش قادر بصراحه عاوز الدنيا كلها تعرف انك حبيبتي
نور: ان شاء الله يا حبيبي، يلا بقا نرجع نشتغل
معاذ: يلا
ورجعوا يشتغلوا تاني لحد ما معاد الانصراف جه ونزلوا سوا عشان يوصلها البيت وهما في الطريق سألها معاذ: ايه رأيك نتغدى سوا بمناسبة الاخبار الحلوه اللي قولتيها
نور بابتسامة: ماشي
معاذ: تحبي تاكلي ايه؟
نور: اي حاجه على ذوقك
معاذ: ماشي
وراحوا يتغدوا وبعد ما اتغدوا وصلها البيت وبعدها روح هو على بيته، وهو في السكة اتصل على زياد وسأله: عملت ايه؟
زياد  بتساؤل: في ايه؟
معاذ: في قمر
زياد بتذكر: اااااه لسه مقولتهاش
معاذ بعصبية: انجز طيب
زياد: حاضر وهبلغك اول ما يحصل
معاذ: ماشي
**********************
نروح للجامعة
تاني يوم كانت قمر في الجامعة مع صاحبتها ملك قاعدين في كافيه الكلية بياخدوا بريك وسط المحاضرات، وهما قاعدين بياكلوا ويتكلموا سوا
ملك بدهشه: ده بجد؟
قمر بحزن: اه والله، ومعرفش بيعملوا كده ليه؟
ملك وهي بتفتح علبة العصير: ودي عايزه سؤال يا ذكيه، اكيد غيرانه منك وكمان عشان الورث
قمر بتعجب: مني انا؟! ده انا مش عارفه انجح في حياتي
قضمت ملك شيكولاته وقالت: اكيد عاملين ليكي كارثه ورامينها في حته وهي اللي موقفه الدنيا معاكي
قمر: لا انا مش بصدق في الكلام ده هي بس مسألة وقت
هزت ملك كتافها بشك وقالت: يمكن، قوليلي صحيح انتي قولتي ان روڤان جت عندك
قمر بابتسامه: اه كانت جايه تطمن عليا وقعدت معايا وحكينا كتير قبل ما ترجع بيت جوزها
ملك بقلق: بتحبيها اوي كده؟
قمر: طبعا، مش بنت عمي ولا ايه؟
ملك بشك: يعني مش زي امها
قمر بتأكيد: اكيد لا
ورجعوا ياكلوا تاني وبعد دقايق سالتها: بردو مش هتقولي مين هو؟
قمر: لا
ملك بهزار: براحتك يا جميل مسيري اعرفه
قمر بمرح: طبعا اومال
وبصت ملك لساعة تليفونها وقالت: طيب يلا عالمحاضره الاخيره يختي اتاخرنا
قمر: يلا
وراحوا عالمحاضره وبعد ما خلصوها خرجوا يتمشوا لبوابة الجامعة، وفي الطريق رن تليفون ملك برقم جوزها عصام اللي مستنيها بره فردت عليه وبعد ما خلصت مكالمه بصت لقمر وقالت: طبعا رورو هنوصلها المره دي
قمر: لا لا انا هتمشى شويه
ملك: لا هوصلك، اخاف عليكي من الطريق
قمر: هو عافيه ولا ايه
ملك: اه ومسمعش صوتك
قمر: طيب
*********************
وبعد دقايق وصلوا للبوابه وركبوا عربية جوز ملك، وفي الطريق فتحت قمر تليفونها فلقت فيه رسايل وريكورد من زياد، ورسالة مكتوب فيها  "انا اسف اوي كان نفسي اساعدك"
استغربت قمر من الرساله بس مفتحتهاش لحد ما روحت البيت ودخلت اوضتها وفتحت تليفونها وبدأت تسمع الريكورد اللي كان في صوت معاذ وزياد يوم ما كانوا في المطعم وهما بيتكلموا عنها وعن نور، وبعد ما سمعت الريكورد قفلت تليفونها وحطته على جنب وبدأت تعيط وبعد شوية سمعت تليفونها بيرن برقم زياد بس مردتش عليه فبعتلها رسالة محتواها" انتي كويسه؟!🤔"
اتنهدت قمر بحزن وردت عليه: "أيوه، شكرا تعبتك معايا"
Typing...
زياد: ولا تعب ولا حاجه
قمر:.........
Typing....
زياد: لو عاوزه تتكلمي انا ممكن اسمعك
Typing....
قمر: شكرا انا تمام
زياد: طيب، انتي فهمتي معاذ عاوز يقول ايه؟
قمر: ايوه، ربنا يوفقه مع نور
زياد: انا موجود لو عاوزه تتكلمي
قمر: لا انا تمام شكرا
وقفل المحادثه وهو يقول لنفسه بحزن: نفسي تحسي بيا؟
وخطرت في باله فكرة فقال: حلوه هنفذها، يمكن تحس بيا
وعمل مكالمة صغيره وبعد ما خلصها قام لم حاجته وروح بيته
*****************
اما قمر فبعد ما قفلت الشات بينها وبين زياد راحت تتوضأ وتصلي واول ما بدأت الصلاه نزلت دموعها وفضلت تعيط وتدعي ربنا يعوضها، وبعد شويه كلمت ملك اللي ردت عليها بهزار: رورو وحشتيني في الكام دقيقه دول
قمر بصوت مخنوق: عاوزه اتكلم معاكي
ردت ملك وهي قلقانه من صوتها: انا معاكي قولي
حكتلها قمر اللي حصل وكلمتها عن معاذ فردت ملك باندهاش: معاذ!!
قمر: ايوه
ملك: وليه مقولتليش، انا عارفه انه خاطب ومكنتش اعرف انك بتحبيه
قمر بصدمة: خاطب؟!
ملك: ايوه، خاطب نور صاحبتي ومديرة مكتبه، ياريتك قولتيلي من زمان مين هو وانا قولتلك، مكنتيش اتعلقتي به كده
قمر: عندك حق انا غلطانه
ملك: المهم دلوقتي انسي وفكري في نفسك ومستقبلك، ودوري على شغل وانا هساعدك
قمر: ماشي
وقفلت السكة معاها وفتحت ملك تليفونها وفتحت الفيس وهي بتتفرج عالفيديوها فجأه شدها فيديو معين ففتحه واول ما شافت اللي جواه اتصلت بقمر بسرعة بس هي مردتش ففضلت تتصل عليها كتير
**********************
في الوقت ده كانت قمر راحت تتتغدا وبعد الغدا دخلت اوضتها وقعدت تذاكر وهي بتذاكر لقت ملك بترن عليها ففتحت وكلمتها
ملك بخضه: انتي فين كل ده؟
قمر: كنت بتغدا وبذاكر في ايه؟
ملك باندفاع: في مصيبه
قمر: يا ستار ايه اللي حصل
ملك: في ناس لقوا صورتك وصورة اهلك في المقابر ومكتوب عليها طلاسم وسحر
قمر بخضه: اكيد كدب
ملك: هبعتلك الفيديو اللي شوفته
قمر: طيب
وبعتتلها الفيديو واول ما شافته قمر انصدمت وفضلت تعيط وملك حاولت تهديها وهي بتقول: اهدي خلاص مفيش حاجه هما فكوه خلاص
فردت قمر وهي بتعيط: انا هخلي بابا يكلم صاحب الصفحة ويعرف منه كل حاجه
ملك: ماشي، اهدي كده ربنا نجاكي عشان طيبه واكيد اللي عمل كده هيدوق منه
قمر بحزن: يارب
فسمعت ملك جوزها عصام بينادي عليها، فقالت: طيب هسيبك عشان عصام بينادي عليا بس هنتكلم تاني
قمر: ماشي........ وقفلوا المكالمة
وراحت قمر وقالت لوالدها واخوها عاللي شافته ووريتهم الفيديو وفي ساعتها اياد اتصل بالصفحة وكلم صاحبها اللي اكدله انه فك السحر ده بالقرآن وطلب منه يعمل شوية حاجات عشان يحصن اخته واهله، وبعد ما اياد خلص بص لقمر وقال بابتسامة: خلاص يستي مفيش حاجه
قمر بفرحة: بجد؟!
اياد وهو بيبوس دماغها: ايوه بجد ربنا نجانا كلنا
طارق: الحمدلله، طبعا انت عارف مين اللي عمل كده
اياد: ايوة...