حكاية قمر

الفصل الاخير

نروح لفارس
بعد يومين رجع فارس لشغله ودخل المبيت وطلع شقته هو وسيف ودخل اوضته وبدأ يرص حاجته، وبعد شوية لقى سيف داخل عليه فاتفاجئ به وقال: حمدلله عالسلامة ومبروك
فارس: مبروك على ايه بالظبط الترقية ولا الخطوبة؟
سيف باستغراب: انت خطبت؟
فارس: ايوه
سيف: مين؟؟
فارس: نادين بنت عمي
استغرب سيف شويه وبعدين ابتسم وقال: الف مبروك ربنا يهدي سركم، وناوي عالجواز امتى؟
فارس: يعني كمان ٦ شهور كده
سيف: لا قدم المعاد، ولا مش ناوي تطلع البعثة معايا؟
فارس باستغراب: بعثة ايه؟
سيف: بعثة لروسيا كمان ٣ شهور، هنقعد هناك سنه
فارس: خلاص هكلم والدي اقوله نعجل واكيد هي هتوافق
سيف: طيب مش هتباركلي انا كمان؟
فارس بهزار: ايه ناوي تتجوز تاني؟
سيف: مراتي حامل
فارس باستغراب: بجد؟
سيف: اه والله
فارس: الف مبروك
وسكت سيف شويه فسأله فارس: انت في حاجه عاوز تقولها
اتنهد سيف وقال: ايوه
فارس بقلق: ايه؟
سيف: انا قولت لقمر على نيتك من ناحيتها يوم الحفلة
ابتسم فارس وقال: عارف، بس اللي عاوز اعرفه رد فعلها كان ايه؟
سيف: صعبت عليها نفسها وبعدين قالت انها هتوافق عليك بس....
فارس: وجعتني زي ما وجعتها
سيف: بالعكس، قمر حمت نفسها من نيتك
فارس: عندك حق
سيف: اسيبك ترتاح وارجع انا مكتبي
فارس: ماشي
ونزل سيف راح مكتبه اما فارس فبعد ما فرغ شنطته حطها على جنب وقعد على سريره واتصل بابوه اللي رد عليه وسأله: عامل ايه؟
فارس: الحمدلله
الحج سالم: خلي بالك من نفسك وكل كويس
فارس: حاضر، بس انا عاوزك في موضوع
الحج سالم: خير
فارس: هقدم معاد فرحي على نادين عشان طالع بعثة
الحج سالم: هتقعد هناك كتير؟
فارس: سنه
الحج سالم: ماشي
فارس: انا عاوز حضرتك تسألها لو في حاجه في الشقة مش عجباها تقول عشان ابدأ اجهزها
الحج سالم: حاضر، ربنا يقدم اللي فيه الخير
فارس: يارب
الحج سالم: هقفل معاك واكلمهم وانت خلي بالك من نفسك
فارس: حاضر، مع السلامة
الحج سالم: مع السلامة
وقفل فارس مع ابوه ونام لبعد المغرب، وفجأه قام على صوت رنة تليفونه برقم نادين فقام رد عليها وبعد ما خلص مكالمة راح لمكتبه، ومر شهر ورا شهر وفارس نزل فيهم اجازه وكل مرة ينزل يتابع اللي تم ف التجهيز مع عروسته والفرحة مش سيعاهم وكل يوم فرحة فارس بتكبر اكتر واكتر....
******************
نروح لسيف
اتصل بمراته وبعد ما اطمن عليها قالها: جهزي نفسك هنحضر فرح فارس
چنى باستغراب: هو هيتجوز خلاص
سيف: ايوه
چنى: امتى؟
سيف: كمان اسبوعين
چنى: مبروك له
سيف: متعرفيش حاجه عن قمر؟
چنى: قمر اتكتب كتابها من شهرين على دكتور معاها في الكلية
سيف: مبروك ليها
چنى: الله يبارك فيك بس كانت حتة خطوبه وقمر كانت فرحانه اوي بيها
سيف: ربنا يسعدها
چنى: يارب
سيف: اسيبك بقا واروح اشوف شغلي
چنى: ماشي
وبعد ما قفل سيف مع چنى راح لمكتب فارس ودخله فلقاه بيتكلم في التليفون وبعد ما فارس خلص مكالمته بص لسيف وسأله: مالك؟
سيف: مفيش، جيت اطمن عليك بس
فارس: انا الحمدلله
سيف: كنت بتكلم مين؟
فارس: نادين
سيف: انت هتاخدها معاك البعثة؟
فارس: ايوه بس لما نوصل هناك وارتب أموري هبعتلها
سيف: انا كمان هعمل كده
فارس باستغراب: ومراتك هتوافق تولد بره؟
سيف: مانا هكون معاها ولو احتاجت اهلها هبعتلهم
فارس: انت على طول عندك حل كده
سيف: الحمدلله، المهم نازل امتى؟
فارس: كمان كام يوم كده عشان اشوف التجهيزات واختار الفستان مع نادين
سيف: ربنا يتملك على خير
فارس: يارب
وسكت شويه وسأله بتردد: متعرفش حاجه عن قمر؟
ابتسم سيف وقال: اتكتب كتابها من شهرين
فارس باستغراب: انت بتتكلم جد؟
سيف: اه والله
فارس بفضول: على مين؟
سيف: دكتور جامعي معاها ف الكُلية
اتنهد فارس وقال بهدوء: ربنا يسعدها معاه اكيد يستاهلها
سيف: يارب، هتيجي معايا ناكل ولا اسبقك
فارس: لا اسبقني انت
سيف: طيب
ومشي سيف اما فارس فضل في مكتبه شويه ساكت وحاسس بزعل وبيفكر في قمر وفتح تليفونه وبدأ يدور على صفحتها لحد ما لقالها ودخل عليها وشاف فرحتها مع خطيبها فحس بشوية غيرة عليها لكن فجأه قال: وبعدين يا فارس انت خلاص اتعوضت بنادين
وقفل تليفونه وقام حصل سيف عشان ياكل معاه، وبعد كام يوم نزل اجازة وخلص كل اللي وراه........
****************
نروح لچنى
بعد ما قفلت مع سيف كانت قمر معاها ف البيت فسألتها بابتسامة: عامله ايه مع انس؟
انتهدت قمر وقالت: أنس، ده هدية من ربنا ليا عوضني عن كل حاجه وحشه حصلت معايا، لقيت نفسي معاه
چنى: ربنا يسعدكم
قمر: يارب
چنى: ممكن اسألك سؤال
قمر: ايه؟
چنى: مسامحة فارس
قمر: ايوه سامحته
چنى: طيب لو عرفتي انه هيتجوز كمان كام يوم
قمر بابتسامة: ربنا يسعده
چنى: هتحضري الفرح؟
قمر: لا طبعا
چنى: ليه؟
قمر: عشان كل واحد راح لحاله خلاص
چنى: طيب هسألك لو عاوزه تشوفي فارس لاخر مره، ممكن تحضري من غير ما أنس يعرف؟
قمر بسرعة: مقدرش، انا في حياتي راجل لو لفيت الدنيا كلها مش هلاقي زيه، حرام اجرحه او اخونه بعد ما حط ثقته فيا انا بحب أنس وبقيت مقدرش استغنى عنه وربنا يقدرني واخليه اسعد راجل ف الدنيا
ابتسمت چنى وقالت: ربنا يسعدكم ويخليكم لبعض
قمر: يارب.....
****************
نروح للحج سالم
قبل فرح فارس بكام يوم، اتصل سالم على طارق وبعد ما سلم عليه واتكلموا في الشغل والشراكة سأله سالم: والمزادات عامله ايه؟
طارق: تمام اوي
سالم: الحمدلله، المهم بقا انا بعزمك انت والاسرة الكريمة على فرح ابني
طارق: الف مبروك
سالم: الله يبارك فيك، منتظرينكم
طارق: ان شاء الله هنيجي
سالم: ان شاء الله
طارق: مع السلامه
سالم: مع السلامه....
*******************
نروح لفارس
ومرت الايام ويوم الفرح جه وجهزت نادين ولبست فستان ابيض جميل وفارس لبس بدلته وراح اخدها من البيوتي سنتر وراحوا القاعة بزفة كبيرة وبداوأ يحتفلوا مع اهلهم وسيف ومراته حضروا الفرح وبعد شوية وصل طارق وعيلته الا قمر ورحب بيهم الحج سالم ودور على قمر وسأله: اومال فين قمر؟
طارق بابتسامة: مشغوله شويه مع خطيبها
سالم باستغراب: هي اتخطبت؟
طارق: ايوه وكتبنا كتابها كمان
سالم: الف مبروك ليها
طارق: الله يبارك فيك
ودخلوا كلهم واحتفلوا بفارس ونادين ولما الفرح خلص، فارس اخد عروسته وطلعوا على شقتهم وبعد كام ساعة من دخولهم الشقه كعريس وعروسة، نامت نادين اما فارس فضل صاحي من صدمته فيها وفجأه سمع فارس صوت تليفونه فمد ايده وقام اتعدل وفتحه لقى رسايل مبعوته له من رقم تميم ولما فتحها لقاها صور نادين وهي في حضن تميم ورساله من تميم بيقوله فيها "مبروك يا مغفل"
فقام فارس من جنب نادين ولبس هدومه ودخل البلكونه وقعد يفكر هيعمل ايه مع نادين؟ لحد ما سمع قرآن الفجر وهو بيقول
"إِنَّ ٱلَّذِينَ يَرۡمُونَ ٱلۡمُحۡصَنَٰتِ ٱلۡغَٰفِلَٰتِ ٱلۡمُؤۡمِنَٰتِ لُعِنُواْ فِي ٱلدُّنۡيَا وَٱلۡأٓخِرَةِ وَلَهُمۡ عَذَابٌ عَظِيمٞ (٢٣) "............ الى الآية "ٱلۡخَبِيثَٰتُ لِلۡخَبِيثِينَ وَٱلۡخَبِيثُونَ لِلۡخَبِيثَٰتِۖ وَٱلطَّيِّبَٰتُ لِلطَّيِّبِينَ وَٱلطَّيِّبُونَ لِلطَّيِّبَٰتِۚ أُوْلَٰٓئِكَ مُبَرَّءُونَ مِمَّا يَقُولُونَۖ لَهُم مَّغۡفِرَةٞ وَرِزۡقٞ كَرِيمٞ (٢٦) "
اتفاجئ فارس وحس انها رساله من ربنا له وافتكر قمر
Flashback
في مكالمة فيديو
فارس: انا ايه يضمنلي انك لسه بنت، بعد ما عملتي معايا كده
قمر بعياط: اخرس انا اشرف واحده ف الدنيا واذا كنت عملت كده فكان بسبب زنك على دماغي وعشان اثبتلك حُبي زي ما قولت
فارس: انتي كدابه وانا مش هقبل بواحده زيك مش بنت بنوت
قمر: انا فوضت امري لله وهو اللي هيردلي حقي منك عالكلام ده
Back to the present
نزلت دموع فارس ورفع راسه وبص للسماء وقال: يعني هي نسيت وانا نسيت وانت منستش
وبعد شوية صحيت نادين ودخلت البلكونه وقعدت جنبه وهي مكسوفه منه ووشها ف الارض فبصلها ورفع التليفون في وشها وسألها: الصور دي بجد؟
سكتت نادين ومردتش، فقال فارس بغضب: يعني صح
بدأت نادين تعيط اماً فارس فقام جرها من شعرها للاوضه لحد ما رماها على السرير وهجم عليها وسألها: امك تعرف؟
نادين بعياط: ايوه
فارس وهو بيجردها من هدومها بالعافية وبيضربها: رخيصه، ليه عملتي كده ليييييه؟ أنا هفضحك
بدأت نادين تترجاه انه ميفضحهاش فبصلها فارس بجمود بعد ما أصبحت شبه عاريه بين ايديه وقال: انا هوريكي على استغفالك ليا
وفجأه بدأ فارس يضربها جامد لحد ما لقاها أغمى عليها فبدأ يفوقها وبعد ما فاقت قال: انتي من النهارده مش على ذمتي، انتي طالق
نادين بترجي: سامحني يا فارس
قام فارس ولف ضهره ليها وقال بقسوة: انا هبات في فندق لحد ما اسافر كمان كام يوم وورقتك رسمي هتوصلك بعد ٦شهور من سفري ولو طالبتيني بحاجه هفضحك ومش عاوز اسمع منك حاجه
ومشي دخل يحضر شنطته وخرج وجرها من شعرها بعد ما لبست هدومها رزع الباب وراهم وراح وداها لبيت أمها في إسكندرية ولما وصل هناك قابلته حماته بخضه وخوف من شكلهم وأول ما دخلوا البيت قال فارس: بنتك الرخيصه أهي عندك وهي طالق ولو واحده فيكم نطقت بكلمه هفضحكم وسابهم ومشي وبعد ٣ ساعات كان في فندق مطار القاهره وفضل فيه لحد ما سافر.......
********************
نروح لقمر
ال٦ شهور خطوبه عدوا بسرعة واتجوزت قمر من أنس اللي كان عوض ليها من ربنا وكانت هي عوض له من ربنا وعاشوا سوا وحبهم لبعض بيزيد يوم عن يوم لحد ما في يوم بعد سنتين جواز كانت قمر نايمه جنب أنس وفجأه صرخت من الوجع، فقام أنس مخضوض من صوتها وهي بتقول: الحقني بولد بوللللللد
قام أنس شالها بسرعة ونزل بيها عالعربية وجري عالمستشفى وكلم اهل قمر واهله اللي حضروا بعد ساعة وقمر دخلت العمليات وأنس كان معاها لحظه بلحظه وخرج معاها من اوضة العمليات وهو شايل بنتهم بين ايديه ودخلت قمر اوضتها وقعد أنس جنبها على حرف السرير بعد ما حط البنت في سريرها، ومسك ايدين قمر بحنية وباس دماغها وقال: حمدلله على سلامتك
قمر وهي ماسكه ايديه: الله يسلمك يا حبيبي
ودخل اهلهم كلهم وباركوا ليهم وفضلوا يضحكوا ويهزروا مع قمر فسألهم اياد: وناويين تسموها ايه؟
أنس: أثير، زي ما قمر قالت
نبيلة: حلو الاسم ده، بس مفيش اسم تاني
أنس: والله انا كنت عاوز اسمي قمر تاني
طارق: لا كفاية علينا قمر واحده بس
وضحكوا كلهم، وفضلوا معاهم لغاية ما قمر خرجت من المستشفى ورجعت بيتها......
**********
وبعد كام شهر كانت قمر وافقه في المطبخ بتعمل كيكه صغيرة ساعة ما دخل عليها أنس وحضنها وسألها: حببتي بتعمل ايه؟
قمر: كيكه صغيرة كده بالشيكولاته، عشان حبيبي بيحبها
أنس: يا بخته
قمر باستغراب: هو مين؟
أنس: حبيبك طبعا
قمر: تفتكر حبيبي سعيد معايا
ضحك أنس وقال: ابدا ده غضبان اوي الفترة دي
استغربت قمر وقالت: ليه بس؟
أنس: من ساعة ما أثير هانم شرفت وهو حاسس انه اتركن عالرف خلاص
قمر: لازم يعرف اني بحب أثير لانها حته منه واذا كنت قصرت معاه شويه فانا هصالحه النهارده، انا مقدرش على زعله
أنس: انا بحبك اوي يا قمر
قمر: وانا بموت فيك....
*********************
                                 "المُلخص"
هنا فارس معرفش ان كل اللي حصله كان اشارات من ربنا انه يرجع عن الطريق اللي ماشي فيه، من موت صاحبه مازن بين ايديه وكسرة قلبه من ابوه وصدمته في بنت خالته، واللي حصله في شغله ووقوعه بين ايدين ابوه وسيف، ومع ذلك فضل فارس يكابر ودماغه مصوراله انه صح، لحد ما اخد قلم كبير في بنت عمه فوقه، اما قمر فاختارت انها متأذيش رغم الفرص اللي جتلها عشان تاخد حقها من اللي ظلموها كلهم لكن فوضت امرها لله لحد ما حقها جالها لغاية عندها وعرفت ان مش كل الناس تقدر تنفذ كلمة "بحبك" واختارت اللي قال بحبك بالافعال مش بالكلام.....
الخلاصه للطرفين حط ربنا قدام عينيك في كل افعالك واعرف ان كل حاجه سواء حلوه او وحشه هتعملها هتتردلك في يوم من الايام وزي ما عملت هيتعمل فيك او معاك، دمتم طيبين......
النهاية.....❤️