اسألي عني الليالي

تنويه هام جدا

السلام عليكم حبايبي شلونكم

اعرف صار فترة طويلة حيل گاطعة وياكم، لا خبر لا بارت لا شي يمكن حتى نسيتوني وحقكم 😅

بس كنت بفترة السادس اللي حيل صعبة وكل طالب مار بالسادس يعرف معاناته وصعوبته، والحمدلله تخطيته وحاليا طب عام

والطب طلع اصعب من السادس .. انشغال ودراسة على طول

المهم اتركوكم مني ومن السادس والطب ..

حبايب قلبي ..اطلب منكم طلب أخوي جدا واعتبروه مرادي اريد تحققولياه بلا أمر وزحمة عليكم
بالنسبة لأغنية اسألي عني الليالي .. كل وحدة بيكم محملة هاي الاغنية عنده او باقية تسمعها باليوتيوب اتمنى تمسحها وتبطل تسمعها نهائيا

اولا مثل متعرفون الاغاني حرام وعليها أثم وذنب يتراكم مرة وره مرة ويكبر الذنب، والاغنية تعود للمرحوم فما اريد توصلّه ذنوب بسببي لأن اني ساهمت بنشر الاغنية

اني هاي قناعتي وقناعة البطلة هي هم طلبت مني انشر وانبهكم إنه تمسحون الاغنية وبعد متسمعوها بأي مكان، رجاءً حبيباتي فكروا لو أنتو عدكم شخص متوفي هم حتسمعون الاغنية اللي انطاكمياها ؟ وتجيبوله ذنوب ؟

فياريت أي وحدة محملة الاغنية تحذفها وإذا تعرفين وحدة هم عدها الاغنية تنطيها خبر إنه تحذفها وبعد متسمعها

هذي اول مرة اطلب منكم هيچ طلب، فياريت متردوني وشكرا جزيلا الكم

.....
صار كم مرة تجيني اسئلة شوكت تبدين بالقصة الجديدة؟
حاليا حيل مشغولة وامتحانات ما عندي وقت للكتابة، بس إن شاء الله من افرغ ارجع اكتب
القصة موجودة والاحداث عندي بس احتاج وقت حتى اصفالها

وشكرا مجددا ..
مع السلامة .. رقية جاسم❤️