وبنفس اللحظة اجتني اضافة منها.... سلمت.. كلتلها بس فهميني سويت شي؟؟؟ كالت لا... كلتلها اثرت عليج بشي؟؟؟؟ گالت لا... گلتلها ضايقتج؟؟؟ گالت لا... گلتلها ليييييييش؟؟؟؟؟؟ گالت ضروف... گلتلها انتي بخير؟؟؟؟ گالت الحمد لله.. طبعا اعصابي نار ومتنحمل.... گلتلها تمام واني بخير واطمأنيت عليج وانه ماكو شي... مع السلامه... وجان احظرها...كلش ارتاحيت.... كلش حسيت بأمان... خلص ماعندي شخص يدير وجهة ويروح بدون سبب.. اني ماريده يبقه ويايه بس اريد سبب لروحته بكل بساطه.. رجعت لطبيعتي ماكو شي.. اطلع اطب افتر انشر اتعرف...بديت اتأقلم واتعايش ويه وضعي وويه البرنامج..
وره يومين تقريبا..
صديقي خابرني العصريه عود دنطلع.. گالي سالم يمعود هاي rm راسلتني وتكول بس خلي سالم يحاجيني ضروري.. الله يخليك كوله.. كتله جاوبها وگوللها البي مكفي ويگول ماكو شي اهم من الصحة وخلي ادير بالها ع نفسها... طبعا كلش ضجت منها.. لان وصلتني لهاي المرحله..ودخل شخص ثالث بالموضوع... ابد ابد ما احب هالشي... خصوصيتي فوگ كائن من يكون.... المهم مطلعنه اني والولد.. رد عليه بالليل گالي كتبتلي صحتي مو تمام وراح احچيله كلللللللشي بس خلي يضيفني... گالي سالم يجوز هيه؟؟؟؟؟ طبعا لعب بمشاعري
وضفتها... ومدزيت شي... ولا هيه دزت.. انتظرت ماكو شي.. كلت خليها براحتها.. گعدت ثاني يوم.. كاتبتلي بس تقره الرساله جاوبني اريد احجي وياك.. حته سلام ممسلمه.. كتبتلها قريت الرساله.. سلمت وگلتلها اي ريال.. سولفي شنو عندج.. گالت rm مختصر لاسمي فلان فلان... عمري ٣٩ سنه.. متزوجة وعندي اطفال.. متزوجة زوجي اكبر مني ب٢٥ سنه... من اني زغيره تزوجت وطلعت للدنيمارك... وعشت هناك وتجنست... قاطعتها وگلتلها عفوا... انتي ليش دتحچيلي قصتج وانتي متعرفيني ولا شي.. گالت.. اني صار فتره كلش طويله متابعتك واحسك كلش قريب مني واطباعك كلش حلوه.. گلتلها انتي متابعه منشورات.. ممكن تمثل شخصيتي وممكن.. تكون شخصيتي كلش بعيده عن منشوراتي.. گالت وشايفتك بالحقيقه .. گلتلها شلووووون؟؟ گالت واكثر من مره.... گلتلها شلوووووون؟؟؟ گالت مره بالصدفه شفتك بمكان وضليت اتابعك.. واتونس ع طبيعتك ويه الولد.... گلتلها والي مو بالصدفه شلوووون؟؟؟ گالت كل اصدقائك اتابعهم بالبرنامج واشوف منشوراتهم.. وعندك فلان واحد قبل كل طلعه ينشر يكول باجر حنروح لفلان مكان الي حاب نتشاوف هله بي... (طبعا حقيقه مچنت اعرف بهذا الولد واصل لمرحله متطوره من الزحف الويجاتي)... گالت واني مرتين شفت المكان اكدر اروحله واجيت وشفتك وتونست عليك ...
گلتلها وانتي هيج ماعندج شي وتفرفرين؟؟؟ زوجج وين؟؟؟؟؟؟ گالت زوجي يشتغل بمحافظة جنوبية.. الي اصلنه منها... وهوه كل شهر تقريبا يجي ٣ ايام او ٤ ويرجع... كلتلها ومنو عدكم هنا؟؟؟ كرايب شي؟؟ گالت ماعندي اي احدددد ابددددددد...بس صديقه اعرفها معرفه سطحيه چانت بالدنيمارك... ومرات اسألها ع شي اذا احتاج.. وهاهيه... طبعا كسرت گلبي... گلتلها و صحتج شبيها؟؟؟ گالت مريضة ولازم اسوي عمليه نسائية.. گلتلها وشوكت؟؟؟؟؟؟؟ گالت لازم اقرر باسرع وقت... وخايفه ع جهالي... وزوجي ميكدر يعوف الشغل مينطو اجازه اله اجازته الي نهاية كل شهر... گالت اخاف عالجهال.. اخاف ليصيرلي شي.. هنا كلش كلش انقهرت..
گلتلها ابشري اني موجود وكلشي سهل.. كالت شلون؟؟؟ كلتلها شكد اعمار اطفالج؟؟ واحد بالخامس ابتدائي وواحد بال٢... كلتلها عيني انتي بعدج متعرفيني زين.. وممكن هوايه امور تجي ع بالج.بس اطمأني مراح اقصر ومستعد لكلشي انتي قرري ورديلي خبررر... گالت مو صعبه كلش صعبه واني هم اخاف كلش.. گلتلها وين توصل وياج انطيني خبر وارتب الامور.. تشكرت مني وسولفنه
.. كلتلها شنو السبب الي خلاج تحظريني.. گالت زوجي اجه.. ولو هوه عمره جبير وكلش تعبان بس اني طبعي كلش كلش اخاف.. فخفت لدزلي شي ويشوفه.. طبعا اقتنعت ... هيه كلش معجبه بيه.. بس ليش ما اعرف ... ع كل حال يوميه صرنه نسولف.. قوت السوالف بيناتنه... وكل متصير طلعه اكولها انه راح نروح لفلان مكان .. بس هيه وضعها ديسوء مو مال تطلع.. اني بس اريد اشوفها.. بس ما اكوللها .. ولا هيه الي ناشره صورتها.. ولا اي شي.. خليتها ع راحتها..وبقينه نسولف.. حسب الي حجتليا عنها.. انه هيه طويله ورشيقة.. ولبسها مميز.. شنو المميز البي معرفت...
مشت الايام ومتابع وياها وع صحتها... الى ان يوم كالتلي سالم اليوم يجي زوجي ابد ابد لدزي شي اله اني ادزلك.. وراح اسوي العمليه من يجي.. فليضل بالك.. كلتلها تمام وياربي صحة وعافيه وعود لتنسيني طمنيني عنج.. وعرفت بيا مشفى حتسوي العمليه.. فگلت ممكن اسوي شي واعرف اخبارها اذا گطعت .. طبعا من وره محچتلي قصتها.. كلتلها اي شي تحتاجين وباي وقت اني موجود.. لان ضل بالي عليها منين تتسوك شلون تشيل غراض.. گالت اكو اسواق يمنه كلشي عنده وعنده عامل يساعدني يوصلي الغراض...المهم بعد مدزيتلها شي بيومها.. ثاني يوم العصررررر......#يتبع
أنت تقرأ
علاقة تنتهي بمحبة#القصة تحتوي على تفاصيل فاضحة
Romanceطبعا القصة تحتوي ع تفاصيل فاضحة وجريئة ومخلة ارجو من الي يقرون القصة ان يقرون هذي التفصيله كتابتي حتكون شرح تفصيل لكل لحظة بهاي العلاقة.. وانتي وتقرين اذا معجبج الوضع مو بالضرورة ان تصوتين او تعلقين.. وراح اتركم ويه القصة من العلاقات المميزة في حيات...
