علاقة تنتهي بمحبة#القصة تحتوي على تفاصيل فاضحة

#٢صدمة وره صدمة

اجيت اريد انشر فتحت البرنامج جان اشوف جايتني منها رساله.. دخلت عالمحادثة لگيتها كاتبه.. بالعافيه عليك الطلعه والعشه..ومبين عليك چنت متونس..وهذا كلش خوش مطعم دائما ناكل منه.. كلش انصدمت...دخت كلت اخاف من جنت اخذ صور جاي تنشر لحالها.. دخلت عاللحظات مالتي ماكو اي صوره منشوره.. دخت بالزايد.. كتبتلها شنو جنتي بالمطعم؟؟؟؟ مجاوبت.. الو الوو .. ماكو شي..ضليت سالفه توديني وسالفه تجيبني .. ثاني يوم كعدت من النوم.. لگيتها دازتلي... صباح الخير.. مو مهم جنت بالمطعم او لا المهم اني شفتك.. كلش ضجت گلتلها وهسه شتريدين؟؟؟ گالت سلامتك ماكو شي.. كلشي مدزيتلها.... شكيت بواحد من الشباب حب يلعب ويايه هيج لعبه.. المهم العصر تشاوفنه اني والولد..سألتهم بشكل مو مباشر.. كلتلهم دتجيني طلبات هوايه شنو الفلم.. اكو شي صارو يسولفون هذا يكول هيج وحده حجت وهيج كالت وما اعرف شنو... ردت بس اعرف اذا جان واحد منهم مسويها.. ضلينه نسولف عالبرنامج...كلتلهم صدك ياولد.. اكو حساب ضافني شكد ما اكتبله ميجاوب شگد ما ادزله ميجاوب.. وهوه متواجد بالبحث يعني قريب... كلتلهم واريد اعرف هذا الحساب ولد لو بنيه.. يابه شنو الاسم؟؟؟ كلتلهم rm.. واحد منهم كال دازلها ومموافقه.. وواحد منهم گال اي ويايه بالاصدقاء.. كتله طب سلم شوف شنو الفلم.. گال دزيت كم مره وماكو جواب.. طبيت من يمي ع حساب صديقي لكيته ناشر صور البارحة من جنه بالمطعم.. افتهمت الموضوع... وغيرت موضوع البنيه... بس بالي وتفكيري كله يمها.. رجعت بالليل كتبتلها.. انتي ليش لهالدرجه غامضة؟؟؟ ليش متحجين؟؟؟ اريد اعرف شنو التريدي بالضبط؟؟ انتي منو؟؟؟ تعرفيني؟؟؟ سامعه شي عني؟؟؟ تره اني البيه مكفيني.. وگاعد ع امل يصير شي من الي ابالي.. وماكو جواب... لحد مانمت ماكو اي رد... وكالعاده كعدت لگيتها كاتبتلي... صباح الخير... ماعندي شي احجي ولا اريد اي شي ابدددد... واني متعرفني ولا رح تعرفني... ولا اعرفك ولا شي.. بس اتابعك.. احب اشوف منشوراتك.. وبس.. گلتلها تمام وعادي اذا نسولف تره مراح اكص راسج.. كالت عادي بس اني شويه ضروفي ووضعيتي متسمحلي اتواجد بكل وقت.. كلتلها زين شنو هذا الاسم حرفين؟؟؟ گالت اسمي.. گلتلها اسمج ريال مدريد؟؟؟؟ضحكت وكالت لا والله ومراح تعرف اسمي ابد ولا يخطر ع بالك.. كلتلها تمام.. كالتلي ونستي من تطلع وتفرفر واشوف صورك .. واطب ع اكثر من حساب واشوفك بمختلف الصور.. گلتلها يعني وبعدين؟؟ گالت خلص بس هيج ليروح بالك بعيد ولا ابددد....كلتلها تمام وميروح بالي بس المهم ان شاءالله تكونين بخير واي شي تحتاجين اني موجود وما اقصر وربي يحفظج... باي باي... مقتنعت.. وبقيت افكر.. وكلت لازم افتهم شديصير... اني من نوع الي ما احب الملحة.. لا اني الح ولا احب الي يلح ويايه.. ثاني يوم ماكو شي.. ثالث يوم العصر شفتها مدازه يومين مكاتبه شي.. دخلت سلمت... چان يطلعلي انه هذا المستخدم قام بحظرك!!!!!!!!!!!!!!! اااااااااخ الله... ما اعرف شصار بيه... گبل دمعتي طگت وانعصرت.. وحقيقه تهسترت... اشيل روحي والزگها بالگاع... انعاد نفس موضوع سجواء... حسيتها سجواء وهيج صار بيه.. كلش اتأذيت...بس اريد اعرف اني شسويت؟؟؟ ياناس والله محترم نفسي.. لا تجاوزت لا سويت لا حجيت بشي مو معقول.. ليش هيج يصير ويايه؟؟؟ ما اعرفها وراحت ... طبها مرض بس ليش بدون سبب.. عالاقل فد رساله اكدر اقراها... كلش تأذيت.. طبعا بالبحث حولك متطلعلي لان حاظرتني.. يومين يمكن واني كلش ضايج.. التقيت بالولد وطلعنه.. فحجيت ويه الولد الي هيه ضايفته.. گتله هيج وهيج وكلش دا اتأذه.. كتله شوفها موجوده وياك... شافها موجوده.. كتله انطيني الموبايل.. اريد اكتبلها رساله... كتبتلها.. يابنت الناس اني سالم.. وانتي حظرتيني بدون اي سبب وانتي اثرتي عليه وع نفسيتي واني عندي صدمه من هالموضوع وكلش يأذيني..سويت شي وياج؟؟؟ ضوجتج بشي ؟؟ اتمنه بس تجاوبيني ع هذا السؤال وهاهيه.. كلتلها راح احذف هاي الرساله ولتردين عليها...لان راح ارجع الموبايل للولد.. اذا ردتي شي شيلي الحظر وراسليني.. لحد مرجعنه كل شويه اكوله اذا اجتي منها وساله لتفتحها اني افتحها... گال تمام..رجعت والموبايل مهديته لحد ما نمت وانتظر ادز شي وماكو ....ثاني يوم كعدت فتحت الموبايل ماكو اي شي... خابرت صديقي كتله اجاك شي كال لا... وبلحظة...............#يتبع