دخلت غرفتي ورميت بنفسي على السرير .. تنهدت بتعب نهضت مرة اخرى وامسكت بحقيبة يدي الصغيرة فتحتها واخرجت هاتفي منها ...
قررت ان اتصل باحمد .. رن قليل ثم اجاب : الو .
قلت بارتباك : مرحبا .
- مرحبتين هلا ساندرا شلونج ؟.
- الحمد الله انت شلونك ؟.
- بخير .
- اسفة خاف بالشغل ؟.
- لا لا عادي .. سولفيلي اخبارج ورا الثانوية ؟.
- أأ.. نفس الحياة الخططتلها بس اني ردت اسألك ع تاروت .. يعني انت تذكر جانت كل بنات المدرسة يحبونك ماكو وحدة تزوجتك يعني اقصد كتبت انها تتزوجك .
- هههههههه هواي .
- شلون ؟.
- خطبت هواية بنات ووحدة بيهن جنت حتزوجها بس تركتها بالاخير .
- ليش ؟.
- لأن ماحب ولا وحدة بيهن ؟.
- بس هنة كتبن انك تحبهم يعني اقصد .. جانت اكو بنية اعرفها كتبت انك تحبها .
- ههههههه غبية هاي .
- ليش ؟.
- لأنها نست ان السحر ماله علاقة بالحب .. اي شي تقدر تسويه بالسحر ممكن اتزوجها اخطبها اي شي بس ماحبها .
- صح حجيك .. زين ... ممم .. اوكي شكرا .
- شنو رأيج نلتقي بمكان ؟.
- أأ.. ماشي حشوف .. مع السلامة .
- الله وياج .
انهيت المكالمة !!!... هل هذا يعني انني حقا كنت احب فيصل ؟!!... نهضت من على السرير هممت بالخروج من الغرفة شعرت بالدوران ...
وسقطت على الارض ...
فتحت عيني وانا اشعر بيد تلامس وجهي .. اعرف هذه اليد .. يد فيصل !!.. فتحت عيني بتركيز لأنظر حولي امي ابي وفيصل !!..
قلت لهم برعب : شكووووو !.
ابتسمت امي وقالت : حيجينا حفيد ثالث .
نظرت لفيصل وقلت : شنووو ؟.
قال ابي لأمي : تعالي خل نعوفهم يفرحون بحدهم .
خرج امي وابي من الغرفة وانا مازلت مصدومة !!!... اعتدلت بجلستي ونظرت له انتظر منه تفسيرا ...
قلت بعدم تصديق : صدق يحجون شنو حامل !!!.
- ايوة .
- شلون ؟.
نظر لي باستنكار قائلا : شنو شلون ؟.
- اقصد يعني .. ممم شنو جنا ناوين من زمان نريد اطفال ؟.
- لا .
- لعد!!.
- هاي الي صار .
قلت بغضب : انت جذاب .. تريد تربطني بيك اكثر .
نهض من على السرير وقال : قصري صوتج واهدي عشان الي فبطنج .
- مارح انصي صوتي موبكيفك اوكي .. وبعدين مستحيل اجيب طفل ثالث يربطني بيك حنزله .
صرخ بي : جنيتي !!!.
- لا داصلح اغلاطي ... انت تدري اني رح اترك الجهال ... تريدني اعوف 3 ؟.
بقي صامتا .. استرسلت : لو تريدني ارسب وابقى وياك للابد !!!!.
- تصدقين فكرة .
- حتى لو رسبت مارح ابقى وياك ورح اطلق بس اذا الاطفال تعقدوا من ام واب مطلقين رح تكون انت السبب .
- انتي لهذي الدرجة انانية !!... لهذي الدرجة مايهمج حد !.
بقيت صامتة .. بدأ يسير في الغرفة ذهابا وايابا الى ان توقف وزفر قائلا : خلاص اوكيه .
- لعد حاخذلي اقرب موعد .. لحظة انت شجابك هنا ؟.
- امج بعد ماكلمت الدكتور كلمتني وييت ع طول .
هم بالخروج من الغرفة قلت له : اتصلك من اخذ موعد ؟.
- لا مابي اشوفج .
خرج من الغرفة نهضت من على السرير توقفت امام المراة .. وضعت يدي على بطني .. هذا افضل له .. افضل من ان يولد ويجد ام لا تشعر بالامومة تجاهه او تجاه اخوته ...
فتحت امي باب الغرفة .. دخلت وقالت بقلق : هاي شكو .. شبيكم متعاركين ؟.
- ماما رح انزل الطفل .
- ليش شكو ؟.. يريدج تنزلين الطفل ؟.
- لا لا .. بس شفنا انه مومناسب يعني ملك صغيرة وماقدر اتحمل مسؤوليتهم كلهم .
- بكيفج بنتي ماقدر اتدخل بينج وبين رجلج بس فكري .
- فكرت بس اريدج تجين وياي للدكتورة .
- ماشي .
