للأسف أخوكم يا خديجه ماشي ورا كلام واحده مش بدور الا علي مصلحتها و بس و خليته في صالحها و ضدكم كلكم و يا عالم ممكن تخليه يعمل فيكم ايه
هتف بتلك الكلمات هارون عندما دلف عليهم و استمع الي طلب خديجه من بكر و من بعد كلماته هذه استمعوا الي صوت وصول رساله علي هاتف هارون و الذي استغرب ممن بعثت فتح هاتفه ليرى الرساله،ثم أخبر بكر
-غريبه ناريمان عايزة تقابلني بره البيت ضرورى أكيد في مصيبه حصلت و كالعاده خايفه منك.
انتفض بكر قائلا
-أنا اللي هروح مش انت هارون أنا جوزها.
رفع هارون حاجبيه باعتراض
-دلوقتي بقيت جوزها ده انت بتخليها تكمل عشاها ضرب.
🥀🥀🥀
ذهب هارون الي ناريمان رغم اعتراض بكر و لكن أقنعته خديجه أن يتركه و يذهبا من خلفه ليرى ما بها بدون تهور منه ،وصل هارون وجد وجهها شاحب
-ممكن أطلب منك طلب يا هارون.
هز هارون رأسه
-اتفضلي يا ناريمان.
نظرت أمامها بشر
-عايزة أبوظ جوازة عمر من قسمت،نفسي أقهرها.
خشي هارون من نظرات ناريمان فهو لم يعهدها بهذا الشر يوما ما
-أيوه يا ناريمان بس.
قاطعته برجاء
-علشان خاطرى،انت كان عندك أخ كبير، وكلنا كنا بنحبه،بس يسريه بقي الله يسامحها لما دخلت وسطكم خلتك تطفش،و خلت بكر واحد همجي،و أنا مش عايزة حد يحرمنا من أخونا.
ارتبك هارون لأنه يخشي أن يخسر صديقه
-أيوه بس أخويا كان طيب و نايم علي ودانه عمر مش كده.
زفرت ناريمان بحنق
-و عمر كمان نايم علي ودانه و الحقد عماه لازم نفوقه
تدخل هنا بكر سريعا التي انتفضت من وجوده خوفا منه
-لا هارون مش هيعمل حاجه يا ناريمان،احنا اللي هنحاول و ربنا يستر.
ظهرت من بعده خديجه و هي تنظر اليهم في فرح و نشوة انتصار بداخلها
-متخافش يا بكر اعمل بس اللي قلت لك عليه و أنا هحميك منه.
نظرت ناريمان الي خديجه و دموع الفرح تكسو وجههما
-خديجه يعني انتي معايا طب الحمد لله.
مسحت خديجه علي وجه ناريمان
انتي اللي هتبقي العنصر الفعال في الليله دي يا ناريمان.
تدلت شفتي ناريمان الي الأسفل بعدم فهم
-مش فاهمه.
صمتت خديجه لتسألها ناريمان
أنت تقرأ
جفي الأيام
General Fictionمن أقسي المشاعر التي يتعرض لها الإنسان هي انهزامه من شخص اعتبره في المقدمه بسبب جفائه وتركه له وجرحه بأبشع الكلمات التي تمزق القلب، وفي هذه الروايه ساقدم االنتائج المترتبه علي جفاء القلوب علي مرور الأيام
