جفي الأيام

💜الفصل الثاني💜

علمت منذ دلوفه المستوصف بوجوده و احتارت كيف تليه الي أن يصل اليها فهاتفت شقيقها خطيب شقيقته لكي يسعفها

-الحقني يا شكرى عمر معرفش مين اللي قاله اني هنا في المستوصف تعالي بسرعه .

عائلة ليس بها حزم،ابنه و ابن سيكسرون قلب الرجل الذى انجبهم،وصمة عار في عائلة الخولي،ترى ماذا سيفعل عمر بعد أن يصطدم بأخطائها

كان رد شقيقها عليها عبارة عن ضحكات باستهتار تام

-بتضحك يا جبله؟

تنهد شكرى بضيق و ترك ما يفعله متوجها نحو المستوصف و دلف من باب أخر حتي لا يراه عمر و وارب الباب حتي يراهم عمر و هو يبحث عنها،حاول شكرى ان يبدي الاهتمام و ارتفعت نبرة صوته و هو يحادث الطبيب رؤوف،دلف عمر في هذه اللحظة و وقف متحفزا،عيناه تدور بينهما و بينها و هي موضوعه كالجثه أمامه علي الفراش.

سلط أبصاره عليها و عض علي شفتيه قائلا

-هي مالها؟

التفت اليه شكرى و كأنه تفاجئ من وجوده

-عمر أبو نسب،انت عرفت منين؟و الله دي كانت من ساعه كويسه.

مط عمر شفتيه بعدم تصديق

-اممم ما أنا عارف أنا لسه مقابل عم زاهر،بس مقليش انها تعبانه،عايزك تحكيلي كل حاجه يا شكرى،و مين اللي اتصل بيا من تليفونها و أنا في ورشتي.

هز شكرى رأسه باذعان

-طبعا هحكيلك كل حاجه يا عمر.
❤️❤️❤️❤️❤️❤️❤️❤️❤️

عاد العم وائل من السفر الذي دام ثلاثون عام ،عاد علي شقة العائله،ينظر الي الأريكة الموضوعه بالصاله باشمئزاز فقد غزاها الأتربة ،جلس بحرص و أخذ يتنهد بنفاذ صبر و يفكر بعمق،ينظر الي صورة شقيقه المعلقه أمامه لينهض و يتقدم من الحائط ينظر اليها بحزن

-مش هسيب حقي المرة دي يا غسان،كفايه عمرى اللي راح قبل كده و انت متمتع و ممتع ولد مش من لحمك و دمك بيه،أنا عارف انك أكيد اتبنيته من ملجأ علشان مرجعش و أقاسم البنات في الميراث ،ما هو انت استحاله تتجوز علي مراتك الله يرحمها،ده انتم من حبكم في بعض موتوا في يوم واحد،،بس معلش مسير حقي يرجعلي لحد عندي.

و استطرد و هو ينظر الي صورة عمر بعد أن أخرجها من محفظته و هو يتوعد له بغضب

-و انت بقي يا سي عمر لو عارف انك مش ابن عيلة الشربيني و ساكت هسجنك،مش ههنيك .
🔥🔥🔥🔥🔥🔥🔥🔥🔥🔥🔥

انتفضت بذعر عندما هاتفها شقيقها و هي بالمقابر مع شقيقاتها،ظنت أنها تأخرت و لكنها قد جائت للتو

-ايه ده في ايه ده معداش تلت ساعه من نزولنا البيت و هو عارف الطريق طويل قد ايه هو بيعمل كده ليه؟