وليد:الحكايه كلها ان انا وليلا....
ادهم:انجز ياعم السسبينس مش وقتو..
وليد وهو بيبص فالساعه:بص هتعرف كل حاجه بس استني ل بليل... وتعالو يلا عشان ليل بتسئل عليكو..
وائل:طيب يلا بينا..
وراحو عند ليلا.. منه وتماره بيعيطو جنبها حسنيه و حنان بيحمدو ربنا انها كويسه وان الرصاصه جت في كتفها بس.. وحاتم راح يجيب ليهم اي حاجه ياكلوها... وتامر راح يجيب نورهان..
ليلا:يامراري الطافح ياما.... في ايه يابت انتي وهي بتعيطو ليه دلوقتي صدعتو امي..
منه:الحق علينا خايفين عليكي يعني..
تماره:سيبها دي معندهاش دم اصلا..
ليلا بسخريه:علي اساس ان اللي فكتفي دا شربات يعني ولا كاتشاب... ووجهت كلامها لحسنيه وحنان:متشوفو بناتكو اللي خرمو نفوخي دول..
حنان بضحك:خلاص يابنات صدعتونا... وبعدين بتفولو عالبت ماهي حلوه هي وزي الفل..
تماره لسه هترد بس قاطعها دخول الشباب...
وائل:بطلي نواح يابت منك ليها صدعتونا..
ليلا بضحك:قولتش انا حاجه اهي جت من اخوكي..
وائل:الف سلامه ياوحش...
ليلا بألم بعد م وائل حط ايدو علي كتفها:اللهي تنسخط كلب اجرب احول مايعرفو يرجعوك..
وائل بأستغراب:ايه في ايه...
ليلا بوجع:اععع كتفي يابن الواااارمه..
وائل بحرج:احم لامؤخذه ياشبح مأخدتش بالي..
ادهم :حمدلله عالسلامة ياليل..عامله ايه دلوقتي..؟
ليلا بهدوء مفاجئ :الله يسلمك يا ادهم.. الحمدلله كويسه بس قبل ما البغل دا يجي.. وبتشاور علي وائل..
وائل بضحك:اهم حاجة يامنه حب الناس..
منه بضحك:اومال انت هتقولي..
نورهان بوجع علي صاحبة عمرها:حمدلله عالسلامه يا قلبي..
لاحظت ليلا وجعها :الله يسلمك يانور.. واخدتها فحضنها:متخافيش ابت مايقع الا الشاطر ولا ايه
تامر:ولا اه.. الف سلامه عليكي يالولا...وكمل بضحك: ينفع كدا يبقي في ضرب نار وشقلبه ومتاخدينش. لا اخص عليكي..
ليلا بغيظ:تتشقلب شقلبتي يابعيد.. غيور ياض من هنا.. وسكتت
ووجهت كلامها لوليد:كلمتو..؟
وليد:ايوه.. ساعه بالكتير وهيكون هنا..
ادهم:هو مين دا ي ليل.. وبعدين مين دول وعملو معاكي كدا ليه..؟
وليد:ماتهدي ياعم ادهم قولتلك استني لغايه بليل وهتعرف مستعجل علي ايه
ادهم بزهق:طيب انا هروح الشركه اخلص شويه حاجات واجي يلا ياتامر انت ونورهان..
وليد:واناو وائل هنكمل شغلنا..
خرج وليد و وائل يكملو شغلهم و ادهم و تامر ونورهان راحو الشركه يخلصو شويه ورق ويرجعو... حاتم راح يشوف شغلو فالمستشفي.. والبنات مع ليلا..
دخل علي ليلا والبنات بنت بس باين من لبسها انها.."ظابط".. قعدت جنب ليلا واتكلمت بهدوء:حمدلله عالسلامه يا انسه ليلا..
ليلا بأستغراب:الله يسلمك..
الظابط:اسمحيلي اسئلك.. بتشُكي فمين يكون هو اللي عمل كدا وو...
قاطع كلامها ضحك ليلا..
ليلا بضحك:لا لا مش قادره هههه.. مش متخيلاكي بالهدوء دا شمس لا ههههه
شمس بضحك:يكفيني شرف المحاوله...
حنان:ايه دا انتو تعرفو بعض..؟
شمس:اومال ياطنط حنان عز المعرفه..
حنان بصدمه:ايه دا انتي تعرفيني...مين دي ياليل..؟
ليلا:هقولك فاكره البنت اللي كنتي دايما تقولي انها مشكلجيه واني لازم ابعد عنها..
حنان:ايوه طبعاً.. بس علاقته ب...
شمس بضحك:ايوووون هي العبدلله..
حنان ببسمه محرجه:احم دا كان زمان بابنتي انما انتي دلوقتي باين عليكي عاقله كدا وراسيه.. ولا ايه ياحسنيه..
حسنيه بإحراج:طبعاً طبعاً هو حد يقدر يقول غير كدا..
شمس بضحك:ايه مالكو... لا انا اتفه من كدا بكتير..
تماره:انتي بقا شمس.. ياه كان نفسي اقابلك من زماان..
منه:ومين سمعك.. من كتر كلام وائل عنك اتحمست اشوفك..
شمس في نفسها:يااه هو لسه فاكرني..
ليلا قاطعت سرحانها:هو عارف انك هنا..؟
شمس بضحك:اوماال هو دا حد يعرف يفلت منو... دالو عرف اني كنت بزوغ معاكو زمان هيمرجحني..
ليلا ببسمه:طب هو جاي امتي.. ؟
بصت شمس فالساعه :اممم... نص ساعة، ساعة بالكتير وهيكون هنا..
ليلا:تمام...
تماره:هو مين دا..
