عشق ماينسا له عاشق
مطلق تحولت نبرته العاديه لنبره حاده و قال: انا ماعمري ضربتس بقوه و ولا عمري راح اضربتس بقوه بس عندي كم كلمه بقولها الحين
هناء خافت: ق.قل
مطلق: انا صرخي و تهاوشي معي عادي بس امي اشوفتس ماتسوين الي تبيه امي!! والله يا هناء ماتشوفين خير مني و انا ولد عبدالله ماتشوفين مني خير
هناء: ماعمري خالفت كلام امي و بعدين فكني خير ياطير ترا ماسويت شي عشان تعصب انا زعلانه منك انت و يوسف و فهد و لؤي مع انه ماسوا شي بس زعلانه منهه
مطلق بهدوء: بشرينا وش يرضيتس انتي كل شي سويناه لتس مارضيتي
هناء قعدت تتهزاء بمطلق: ننن ننن فكر لو انه شي بسيط يمكن ارضا ماتدري
مطلق ضحك: بطقاق انا ماسويت شي يخليك تزعلين المفروض انا ازعل منتس لانتس ماعلمتيني ان نجد بنت عمتس بتجي معنا و انا بس بمجرد قلت لتس تعالي يا هناء بعطيتس شنطتس هربت فيتس نجد وش الي مزعلتس مني؟؟ انا مازعلت منتس اصلا و ماراح ازعل منتس ابدا
هناء ابتسمت: اعتبرها تعادللل
ياسر شاف مطلق عند باب الحريم و جا لعنده
هناء راحت ورا الباب شوي
ياسر: مطلق وراك قدام باب الحريم؟؟
مطلق ضحك: لا تناظر
ياسر: ليه؟؟.
مطلق: الاخت هناء ماتسمح لأحد يشوفها غير الحلوين مثلي
ياسر ضحك: يووه ذي الي حسبتني حرامي
هناء انفجعت و سكرت الباب
مطلق ضحك: انت وش قايل؟؟
ياسر ضحك: والله بس قلت انا الحرامي كنت جالس استعبط مع وخيتي الا هي راحت حطت الطاوله و الكراسي قدام باب المطبخ الي بابه ينفتح من ورا يعني من جهتي و هي تقول ل سلمى في حرامي اختك عليها حركات تضحك الواحد و على نياتها تحسبني حرامي وش ذا الحرامي الي يطق الباب لو انه صدز حرامي كان فتح الباب بسرعه و سوا الي يسويه
مطلق ضحك: الا يالرخمه تحسبينه حرامي صدز؟؟
هناء زعلت: اسكت انت وياه لا اجي اجلدكم
مطلق: اوف اوف اوف طلع لتس لسان
هناء خافت من مطلق و قالت: ترا ماكنت مصدقه بس استعبطط
مطلق ضحك: الي يكذب وش مصيره هناء؟
هناء كتبت لمطلق
مطلق ضحك بخبث: ماراح ارد قولي
هناء: خلاص مطلقق
مطلق: ها ها؟ الصوت؟؟
هناء قصرت صوتها: ايه ايه صدقت ارتحتم؟ حسبتك حرامي يا استاذ ياسر بس الظاهر ان سلمى متعوده على ذا المزح بس حظرتك ماتعرف ان اخواني مايعرفون يمزحون؟
ياسر ضحك و قال: خلي عنتس ذا الخرابيط الواضح انهم يمزحون معتس بس شكلتس تخافين بسرعه
هناء عصبت: انا ما اخاف من شي!!
مطلق ضحك: يحلوتس بس روحي أرقدي وراتس مزر-
سلمى جت على صوت هناء: يا ورعه ارجعي نامي اليوم بنروح المزرعه على قولة عماني
هناء فرحت: صدق؟
سلمى ضحكت: اي الي يشوفتس يقول مافي احد منبسط غيرها
هناء ضحكت و سكرت الباب و نست سالفة مطلق و ياسر الي اخذوها طقطقه
مطلق ابتسم و حس ان هناء ترضا على الأشياء البسيطه مب سالفة اشياء غاليه
ياسر ضحك على هناء و حركاتها بس ما انكر انه حب ضحكتها و شخصيتها
راح مطلق و هو مبتسم و راح يشتري شي من البقاله مرايه صغيره او شي حلو ل هناء و ضحك على نفسه لما شاف انه مهتم لزعلها
عند هناء الي انسدحت و تذكرت كلام مطلق انها تسوي الي تبيه امها و نفذت و انقهرت لما شافت نفسها تنفذ بس أنكرت و قالت مب عشانه عشان امي و اصلا بدون مايقول كنت اسوي كذا
استانست هناء و نامت منتظره تروح المزرعه حقت جدها
..........**........
فالصباح عند العيال
مطلق دق على هناء الي ردت و هي مستانسه
مطلق: اشوف انتس صحيتي بدري شكلتس جاهزه؟؟
هناء: اي جاهزه انا و سلمى برضو و حلا و نجد
مطلق: طيب تبين نفر بالديره شوي
هناء: ايي و ابي البنات يجون معي
مطلق: لا يا هناء مابي احد يجي
سلمى سمعت و الباقين سمعو
مطلق: قولي لهم يسألون اخوانهم اذا موافقين او ابوانهم او امهاتهم سلمى دقت على ابوها و مارد و دقت على رماح و مهدي ماردو و دقت على ياسر و مارد و قعدت لين مادق عليها ياسر من جديد
ياسر بصوت نعسان: وش بغيتي؟.
سلمى: عادي اروح مع هناء و مطلق بنفر ب سيارته فره
ياسر ابتسم: ايه عادي بجي معكم مدامي صحيت
سلمى أشرت ل هناء ان واحد من اخوانها موافق: طيب
و طفت سلمى الخط و قالت ل هناء ان اخوها بيجي معهم
هناء: مطلق؟
مطلق: ها؟
هناء: سلمى اخوها موافق و يقول انه بيجي معنا
مطلق: زين
حلا سألت امها و ابوها و ابوها كان واثق ب مطلق و ياسر و يقول ونعم فيهم و قالت يعني اروح قال لها من معه و اذا البنات اهاليهم موافقين ف انا موافق حلا فرحت وقالت تم
و قالت هناء ل مطلق الي إباءهم موافقين و كذا
و راحو البنات ركبو مع مطلق و ياسر ركب قدام و نور و هناء كانو يتهاوشون من يجلس جنب الدريشه لان سلمى ركبت قبلهم و اخذت مكان الدريشه وقفلت الباب و محد يجي من عندها
مطلق: هناء ادخلي مب لازم تكونين جنب الدريشه
هناء: مابغااا ابي اجلس جنب الدريشهه
نور: يع دلوعه
مطلق اخذ هناء على جنب ما كان يبغا يفشلها قدام خوياتها ف اخذها بعيد و خلاها تصيح شوي من التوبيخ حقه
مطلق ابتسم: افا زعلت الدلوعه على قولة نور؟.
هناء قعدت تصيح: هي دايما تقول كذا ليش انت بعد تبي تقول زيها ق.قهرتني
مطلق: اخخ يا هناء ودي أشد لتس خدودتس الزبده ياحلوتنا جبت لتس هديه عشان ماتزعلين مني
هناء قعدت تصيح زياده: انت حمارر مابي اكلمك مابي هدايا منككك
مطلق: افا جبتس لتس المرايه الي تبينها بس شكلي برجعها
هناء ناظرت مطلق: عطني المرايه
مطلق ضحك: هاتس ذي لتس ذي ل حلوتنا ولا دلوعاتنا؟
هناء مسحت دموعها: لحلوتكم طبعا
مطلق: اجال حلوتنا صامله تركب جنب الدريشه؟؟
هناء حست ودها تقول ايه بس حست انه بيعصب عليها ف قالت: لا
مطلق: عهدتك عنيده و ماتتركين الي تبينه غريبه؟؟
هناء: عشانك مب عشانها وجه القصدير
مطلق: اها يعني لؤي متعلم منتس كلمة وجه القصدير؟
هناء: لا هو معلمني
مطلق: اخخ احيانا احسه اكبر منتس مدري ليه
هناء: احترم نفسك
مطلق ضحك: ابشري سمو الاميره هناء
هناء: اي كذا
سلمى كانت تناظرهم و تشوف كيف مطلق يهتم و يعصب و يوبخ و شديد بس يراضي و هادي و يتشرط كثير و بنفس الوقت عيت تعرف شخصية مطلق
راحت هناء و ركبت بس مب جنب الدريشه
نور بخجل: ه.هناء،،
هناء: هلا؟؟
نور بخجل قعدت تناظر الدريشه: اسفه ماكان قصدي اقول لتس انتس دلوعه،،
هناء ابتسمت: لا عادي
هناء قالت ل مطلق يمر لهم البقاله مطلق وافق و راح للبقاله
سلمى قد نزلت و نور و حلا برضو نزلو و نجد و هناء نزلو و ياسر نزل و اشترا ببسي و مطلق ماكان مشتهي شي بس اشترا حمضيات
هناء: خيرررر يا طيررررر؟؟ تقول لي لا تشرين الغازيات و انت تشريها!!
مطلق: ها؟؟ توك تلاحظين؟؟
هناء: لحظه انت تشربها دايما؟؟
مطلق: ايه؟
هناء: مضرررر لصحههه
مطلق ضحك: يعني الحين انتي تبتليني اني مانعتس؟ ولا ابوي الي مانعتس؟
هناء: مدري هو انت ولا ابوي ولا فهد ياخي أصواتكم متشابهه
البنات اشترو و مطلق و ياسر يتهاوشون على مين يدفع الحساب بس راعي البقاله انرفع ضغطه
راعي البقاله: انا بسوي عمي ابو كرش و الي يصير عليه يدفع
اتفقو مطلق و ياسر
راعي البقاله: انتا (يقصد مطلق)
مطلق طلع فلوسه الا يتهاوشون هو و ياسر من جديد
راعي البقاله: انتم كلكم بقر ولا ايش؟؟ اقسمو الحساب انت تدفع نص و هو يدفع نص و خلصنا يبوي ابذرتو امي
مطلق انرفع ضغطه: اللهم اعطني الصبر امسك
ياسر ضحك من مطلق: هاك
و ركبو السياره ياسر و مطلق
هناء بزعل: تاخرتتتتتتت و امي تدقق عليناا
مطلق: هناء اقصري صوتس في ولد مع اخوتس مب انا و انتي لحالنا ف اقصري صوتس
هناء قصرت صوتها: طيب امي تدق من قبل شويه و تقول تأخرنا على المزرعه و هاوشتني كله بسببك
مطلق انفجع: وللل يا ياسر شكلنا رحنا فيهاا
ياسر: لا اله الا الله أن شاء الله ابويه مروق يارب
مطلق قعد يستغفر و فجأه سكت و ضحك و هو يقول: ياسر اذا شفنا وجيههم منفسه تعرف وش نسوي صح؟
ياسر ضحك: الله يقلع بليسك احسبك ناسي كيف تهج
مطلق ضحك: كيف انسا و احنا رايحين للمسجد اليوم ركض
ياسر ضحك: الشكوه ل الله اجال نهج
مطلق ضحك بخبث: ايه ليه لا؟ نرجع الشياب ل ماضيهم الاسود لما يطاردونا
سلمى ناظرت مطلق و ابتسمت و قالت بنفسها خبيث
مطلق لاحظ نظرات سلمى و استغرب بس كمل الطريق
هناء زعلت: اسرعع امي تقول لو تأخرتو دقيقه زياده بنموت على يدها
مطلق بصوت حاد: شكلتس بتموتين على يديني لو ماسديتي فمتس الحين
هناء حطت يدها على فمها و سكتت
ياسر كتم ضحكته
هناء عصبت لما ياسر ضحك عليها: شعندكك تضحكك؟؟
ياسر ضحك: لا بس اشوف لي شي بجوالي يضحك
هناء ناظرت مطلق الي كانت عيونه كانها نار و انخرشت و مسكت يد سلمى من الخرشه
سلمى لاحظت نظرات مطلق ل هناء و مسكت يد هناء و قالت: لا تخافين مهب مسوي لتس شي بس يبي يخوفتس
هناء سكتت و ناظرت مطلق: مطلق؟
مطلق وقف عند باب الحريم و نزلو البنات و قعدت هناء
مطلق: روحي نادي امي و اركبو انا بنزل ل الرجال
هناء: طيب،،
ياسر: يولد شف وجيههم تبشر بالخير نروح نحب روسهم و نتوكل على الله؟
مطلق: قدام
راحو العيال و سلمو على عمانهم و ابوانهم و توكلو على الله و راحو ل المزرعه و بنص الطريق
هناء: مطلق؟
مطلق: يختي تراك ازعجتيني مطلق مطلق شتبين؟
فهد: ماعليك منها ذي الخبله
هناء: خلاص مابي شي تف
مطلق: انت وراك مارحت بسيارتك؟
فهد: افا تبي الفكه مني و انا اخوك؟
مطلق: لا ابد بس اشوفك فاضي مدري وش عندك
فهد: تبغا الصراحه؟ مخلص البانزين
مطلق: يووه يا ذا البانزين حقك تخلصه بسرعه انت كل ايامك تطلع رايح جاي؟؟
فهد: شسوي الواحد يحب يفح-
مطلق رفع صوته و أشر ل فهد ان لؤي و هناء و أمهم معهم و راح يفضحوهم عند ابوهم: اييييه يااااا فهددد شلوونكك؟
فهد: بخيررر و انتتت؟
مطلق: بخيرر
فهد: جعلهه دومم يارب
مطلق: اييه زينن
فهد: هناء وش بلاتس من قبل شويه تناظريني و قاعده تضحكين؟؟
هناء: ترا مطلق يشرب شي مضر
فهد و مطلق ناظرو بعض و مطلق تنحنح
فهد: يعني وش مثلا؟؟
هناء: انت تقول ان المشروبات الغازيه مضره صح؟
فهد: ايه؟
هناء: مطلق اليوم اشترا عصير غازيات اصفر و انت تقول مضر للصحه
فهد ضحك: اها يعني الحين وش اسوي فيه اصفقه؟.
هناء: براحتك سوي الي تبي
مطلق: يالله صبرك
فهد: بعدين اصفقه و اقول لتس عشان بعدين مايشرب اشياء مضره
هناء: لا لا خله يسبق ياسر و خالد و ريان و اولاد عمي الي قدامي و اعمامي
فهد: انطلق يا مطلق
مطلق الي فهمه انه يفحط بس قال لا مستحيل فهد يقول كذا قدام امه و اخته و اخوه الصغير ف قال مطلق: يعني؟
فهد تنحنح: اسبقهم
مطلق فهم و حاول يسبق ياسر و اعمامه: يولد ياسر صامل يسابقنا
فهد: اقولك وقف و خلني اركب مكانك
مطلق: اقول تخسي شف شف و تعلم
مطلق قام يسرع اخر شي الا يوقفون عمانه بيجلدونه و يحاول يصدهم و هناء قمطت ام العافيه و صارت تبكي على الصامت بس مطلق قدر يصد عن عمانه يعني مايصدمهم
مطلق ضحك: الا يالرخمه تبكين؟؟
ام مطلق بخوف هاوشت مطلق: لعاادد تسوي زي كذاا
مطلق ضحك هو و فهد و نزلو ل عمانهم
ابو مطلق بغضب: تسابقنا انت ولا وش سالفتك؟
مطلق: لا يبا طاح مني شي و فجأه دعست بانزين الا ألف بسرعه عنكم عشان ما اصدم بكم
ابو مطلق الي ناظر مطلق بنظرة تراني عارف حركاتك: لعاد تسوي ذا الحركات لا الحين اكسر فوق ظهرك ذا الخيزرانه
مطلق: سم يبا
ابو مطلق ركب مع إخوانه و كملو الطريق
و مطلق ركب و هو يضحك
فهد: ابويه واضح انه عارف بس قعد يسلك لنا
مطلق ضحك: احلى شي بعدين ذي شفيها تصيح للحين؟
هناء: كل ز* بغينا نصدم و ماتبغاني ابكي على نفسي؟
مطلق: خلاص اسكتي يالمزعجه ماراح ندعس
ياسر أشر ل مطلق يفتح الدريشه
مطلق: وش بغيت؟
ياسر: قبل شوي انت قاعد تسابقني؟؟
مطلق: ايه ليه؟
ياسر: من فاز؟
مطلق ضحك: عماني
ياسر: من؟؟
مطلق: انت فزت
ياسر ضحك: اييه زينن ولا كان طقطقت علي طول الوقت
مطلق: اها يعني الحين انت بتطقطق علي؟
ياسر: يعجبني ذكائك
مطلق: اخخ بس خلنا نوصل نتسابق ب الخيوال و امسكك طقطقه
ياسر: هاذا إذا فزت علي
مطلق: يووه والله اني اشتقت ل الزعيمه
هناء و هي تشهق: منهي ذي الزعيمه ذي؟
مطلق: خيل
هناء: اها طيب
وصلو للمزرعه و راحو البنات و دخلو البيت حق المزرعه و قعدو فيه و تقهوو و جلسو و الحريم راحو الغرفه الثانيه
...........**.........
عند العيال
مطلق دمعت عينه يوم شاف الزعيمه قدامه بس وخر دموعه و ركب
مطلق: ها ياسر تنسحب؟؟
ياسر: مب انا الي انسحب و انا معي الفارس
مطلق: هيه خل الفارس حقك ذا مايقرب من بنتي لا الحين اجلده و أعلمه علوم الرجاجيل
ياسر: اقول تقلع انت و بنتك ذي من زينها وليدي الف خيله تتمناه
مطلق: ايه الف بس الزعيمه ثقيله طالعه على ابوها
ياسر: اقول توكل بس تنتظر الفارس يجي يخطبها؟؟ تحلم فيه هي
مطلق: الفارس هو الي يتمناها امش بسرعه نشوف من يفوز هاك الحين نعرف مين يتمنى مين
ياسر: طيب طيب
مطلق ابتسم بخبث يوم شاف ياسر معصب
........**.......
عند البنات
هناء: طفشش
سلمى: يووه يا ذا البزره قومي صلحي لنا شاهي على الاقل مو كل يومتس فاضيه
هناء: وجع خلاص ماتشبعون من ذا الشاهي
سلمى: وي اذكري الله لا اقوم ارفستس
هناء: ترا يخليكم صعاليك(يعني كانكم عضام)
سلمى: ليه مانصير زيتس و نقول ماتشي ماتشي
هناء مسكت ضحكتها: طيب طيب بروح اسوي شاهيي
سلمى: نور؟
نور: هلا؟؟
سلمى: امشي نشغل شي نرقص عليه
هناء: خيررر
سلمى ضحكت: والله مب قصدي انساتس بس سوي الشاهي على بال ماتطلع لنا شيلات تعرفيني اتأخر ادور عشان اختار شيلات على ذوقي
هناء: زيين
راحت هناء تسوي الشاهي و قعدت تشاهد بجوالها الين استوا الشاهي
هناء: خلصت و هاذا هو الشاهي و حطيناه
سلمى: زين اجلسي على بال ما القا شيله كويسه نرقص عليها
هناء: ابشري
سلمى: تبشرين بالجنه
قعدت هناء هي و نور يسولفون لين اشتغلت الشيله
هناء استحت انها ترقص و امها تناظرها بنظرات الي ارقصي مب وقتك تستحين
اما سلمى كانت قاعده ترقص و تهز و ماعليها من احد و قاعده تغني الين ما جتها سهام بصوت خفيف قالت لها: امي تقول اذا ما ارخيتي صوتس ب اجلدتس قدام الحريم
سلمى قصرت صوتها و قعدت ترقص
هناء قعدت ترقص بخفيف و شعرها الطويل يتناثر بوجهها كل ما رقصت و خجلت و جلست بس تصفق
سلمى مسكت يد هناء و سحبتها
سلمى: ارقصي و انا بنت عمتس ماعليتس من نظراتهم لتس اهم شي وناستنا
هناء: ا.ايه خلاص برقص
هناء قعدت ترقص مع سلمى و تحاول تجاري سلمى برقص بس سلمى كانت خطواتها سريعه لما تمشي و هناء كانت مستحيه ف ماكانت تنتبه اذا سلمى تحركت
سلمى: أرخي صوتس لا اجلدتس قدام الحريم
هناء: ها؟؟
سلمى: امي تقول كذا لي اذا نسيت نفسي و حسبت اني لحالي بغرفتي انا و سهام ف انتي الي عليك الحين يا هناء انك ترقصين مثلي و ماتستحين لا اجلدتس
هناء عصبت: تجلديين مننن؟
سلمى ضحكت: أرخي صوتس الناس تناضرتس
هناء: يعني كذا نظامتس؟ هين انا اوريتس الرقص الحين
سلمى اعتبرته تحدي و تحمست و قعدت ترقص و خطواتها اسرع و اسرع اما عن عماتهم كانو يصفقون
هناء: وجع لا تسرعين كثيرر
سلمى وقفت: اخخ يتعب خلاص بوقف انا
هناء وقفت و جلست و قعدت تشرب ماء هي و سلمى
سلمى: ترا يقولون ب ذي المزرعه أماكن شرايك نروح نكتشفها؟ و يقول جدي ان في مكان للخيول بس الخيول حقات العيال و هم مختارينها من زمان و معطينها اسامي برضو شرايك نروح لهم؟؟
هناء: بس،،طيب
راحو هناء و سلمى و نور و لطيفه لمكان الخيول
هناء قامت تناظر مطلق و كيف يعرف يركب الخيل و يمشي فيها
مطلق لمح نظرات بس عيا مايبغا يخسر ف راح و انطلق هو و الزعيمه
و ياسر انطلق
بس فاز مطلق
مطلق: فزت انا
ياسر ضحك: ايه فزت بس الزعيمه هي الي تتمنى الفارس
مطلق : يبوي تسوق امها سري يارجال بس
ياسر ضحك
لؤي: مطلق مطلق ابغا اجرب
مطلق: تعال
مطلق شال لؤي و ركبه معه فجأه مطلق يلمح نظرات من جديد
مطلق ناظر الا ذي هناء
مطلق راح ل هناء و هو معصب: شعندك هنا؟؟
هناء: ابي اجرببب
مطلق: قدام الرجال؟؟
هناء زعلت و قعدت تناظر مطلق
مطلق بغضب: لا تحاولين لا الحين اسطرتس
هناء: وش ذا العنصريه تسمح ل لؤي و انا لا
مطلق بغضب: و انتي شايفه لؤي بنت؟ لؤي ولد و انتي بنت
هناء: وش الفرق؟؟ ترا عادي،،
مطلق: روحي ادخلي ذا البيت أو تمشي ب ذي المزرعه
سلمى: ياسررر يا حيوانن
ياسر: سري بس ذا الفارس حقي لحالي يلا مناك
سلمى: ترا بنط من السور ذا و الحقك انت و الفارس ذا حقكك
ياسر: حاولي
سلمى و سهام: ياسررررررررر
رماح: الله يل*عن استغفرالله ياسر تراهم قدام رجالل تسمحح تخليهم يركضون وراك و زي كذا يا مجنوننن؟؟
ياسر وقف و هو يضحك: يلا اركبو انا بمسكه لكم و اخليه يمشي فيكم بشويش
سلمى: ركبونييي
ياسر قعد يساعد سلمى و خلاها تركب
ياسر: الوضع كويس؟؟
سلمى و سهام: اي
رماح: يع يقهرون بس ياسر ياسر وجع و احنا وش حاطينا فيه؟؟
مهدي: ليكون تغار؟
رماح: لا ما اغار على ذول البقر بس ليه يحبون ياسر اكثر؟؟
مهدي:لانهم يعرفونك تتشرط يا وجه الشطرنج
رماح: كل ز* و توكل على الله لا الحين اسطرك انقلع الله يقلع بليسك انقلع
مهدي: نفسيه
و راح مهدي
رماح بستهزاء: نفسيه كلز*
مهدي: ترااا سمعتكك
رماح بستهزاء: ترا سمعتكك اقول انقلع سمعتني ولا ماسمعتني وش علي منك؟
مطلق: هناء ادخلي بلا عناد
هناء: فهدددددد
فهد: لبيه؟
هناء: تكفى ابغا اركب
فهد: اقول ادخلي
هناء: هيييين هيين كذا نظامكم؟؟
مطلق ضحك: وش بتسوين؟؟
هناء صعدت السور و نطت
مطلق: كان في باب من هناك
هناء ركضت و راحت عند يوسف
يوسف: بسم الله عليتس وش صاير؟؟
هناء قعدت تتنهد: شفهم شفهم
يوسف ضحك: وش سويتي هالمره؟؟
هناء: شف ذا الحمير مايخلوني اعيش حياتي مبسوطه
يوسف: ليه؟
هناء: بس ابي العب ب الخيول معهم و يبوني ادخل البيت مايبون العب معهم عنصريين
يوسف: اجال لو قلت اركبي معي تركبين؟؟
هناء: ها؟ اييييييييي
يوسف ضحك بخبث و خلا هناء تركب هناء لاحظت ضحكته بس ما أعطت الأمور اي اهتمام
يوسف: ها ترا يمكن تطيحين و تموتين او يرفسك الخيل ماتدرين
هناء قعدت تضحك: هه تستهبل صح؟؟
يوسف: ليه استهبل ها؟
مطلق: يعني كذا نظامتس يا هناء؟
هناء: انقلعو بالعب مع يوسف
مطلق: انتبه لها لا تطيح علينا ذي الدلخه و تصيح
فهد: صادز
يوسف: افا تحسسني انها اختك لحالك
مطلق: اخلص وش بتسوي فيها؟؟
يوسف: شي لا يعلمه إلا الله
مطلق: والله لو شفتها تصيح و قالت منك يايوسف ماتشوف مني خير شفت وقت نومك؟ ماخليك تنام اخلي لؤي يرفس فيك لين تصحا
يوسف: اقول كلز* اسوي الي اسويه مالك دخل
مطلق راح هناء كانت راكبه مع يوسف
يوسف نروح ندعس مطلق و فهد؟؟
هناء: لا بس شوي شوي خله يمشي خفيف
يوسف: يووه تطفشين
هناء: اخاف يطيح فيني
يوسف ضحك: و ليه تخافين تطيحين؟؟ مب انتي راكبه خلاص؟؟
هناء: يمكن يرفسني وش يدريني بسم الله
يوسف فك الخيل و ضربه عشان يمشي بسرعه
هناء انخرشت و قعدت تناظر بالخيل و هي خايفه يطيح فيها
هناء بخوف: يوسف يوسف وقفهه ترا لو انجلطت ماحيكون خير لك يوسفف وقفهه
يوسف شاف خرشة هناء و قرر يوقف: ها عسا اعجبتس الخيل
هناء: خلاص بنزل
يوسف: ليه ماتردين عن سؤالي؟
هناء: اصلا انت كذا طناخه بس تبي تزعجني و تبغاها تطيحني و توجعني كل ذا عشاني قلت لكم ابغا العب معكم
يوسف: ماعندتس سالفه ارجعي ادخلي البيت
هناء الي عيت رجولها تشيلها من يوم ما نزلها يوسف و طاحت
يوسف: وللل وشفيتس؟
هناء: ابعد عني مابغا اشوف وجهك يالحقير
يوسف: وش صاير لرجولتس؟؟
هناء: خلاص وخر ماني بحاجه للمساعده
هناء بل يالله قامت و قعدت تمشي بخفيف لين وصلت السور الي نطت منه و جلست تنتظر مطلق او فهد يمرونها
و قعدت تناظر يوسف بنظرات اوريك هين هين
سلمى: هناء شرايتس فيني؟؟ طلعت خياله مثل اخوي
هناء: اها حلو ياسر تعرف الباب وينه؟
ياسر: الباب هناك
هناء: طيب يعطيكم العافيه
راحت هناء و هي زعلانه من يوسف و حركاته و هي كانت مره مستانسه ليه يخرب عليها فرحتها
مطلق مر من عند هناء و نزل: تعالي تعالي
هناء: مابي العب خلاص
مطلق: مانب مخليك تلعبين انا الي بالعب على قولتك و انتي تركبين معي بس كذا
هناء: مابغا
مطلق: مب قبل شويه مزعجتنا عشان تركبين الخيل؟؟ خلاص يلا اركبي ذا من قبل شوي ادور مكان مافيه احد و العيال هناك بعيد ف يعني نقدر نروح لهناك و تركبين الخيل و امشي فيتس بشويش
هناء الي خافت ان مطلق يخلي الخيل تهج فيها مثل يوسف: مابي العب ابغا ارجع انسدح رجولي توجعني
مطلق: شفتي ذي اسمها الزعيمه من كثر حبها لي مانستني و مانستس يوم كنت اركبتس معي شوي و ارجعك عند امي لانتس كنتي مشغله
هناء: مابي
مطلق تذكر يوسف: يوسف سوا لتس شي؟؟
هناء: لا
مطلق: هناء قولي الصدز
هناء دموعها بعيونها: خلا الخيل تهج فيني كله من سببه خلاني اكره الخيل
مطلق: يمكن فكه بالغلط
هناء صاحت: لا هو قاصد الحمار قاصد هو و الخيل حقتو ذي مسوين فيني خطط بس عشان ادخل البيت انا بس ابغا العب معكم يعني شف كل بنات عمي يلعبون مع اخوانهم الا انا تبوني انطق مع الحريم الي اكبر مني و سوالفهم كلها عن الناس ماعرف وش عندهم
مطلق: طيب انتي تحسبيني بسوي فيتس زي يوسف؟؟
هناء: ايه اتوقعها منك انت و فهد من قبل شويه تطيرون ب ذا الخيل
مطلق ضحك: لا والله مدامتس راكبه معي بخفف
هناء: والله اذا سويت شي مثل يوسف لي ما اكلمك انت و هو ابدا لو يجي فهد و يقول استهدي بالله راح استهدي بس ماراح اسامحكم
مطلق ضحك: ايه ايه بس اركبي اركبي
هناء: طيبب
ركبت هناء و مطلق ركب وراها
مطلق ضحك بخبث: ها اسرع؟؟
هناء: نزلني مابغا اكلمك انقلع
مطلق: لا لا خلاص امزح معتس
مطلق مشا بشويش و شاف ياسر و اخته مسرعين لعندهم
مطلق: يووه عاد مبعدين عن الرجال يجينا رجال ثاني
ياسر: يولد شفيكم بطيئين كذا؟؟
مطلق: و انت وش عليك مننا؟؟
ياسر: ماعلي منكم بس سلمى تبي تسابق اختك
مطلق ضحك: هناء تسابقينها؟
هناء: اصبر لين اتعلم هي من قبل شوي تلعب انا توني بالعب اصير خياله على قولتها
ياسر: يلا اجال بروح
مطلق: اختك سلمى ذي عرفت على طول؟.
ياسر: ايه لانها تشاهد ذول و كان ودها تركب واحد من زمان و تشوف مقاطعنا وحنا صغار ب ذي المزرعه
مطلق: اها كويس
هناء: مطلققققق بطيييححح
مطلق ركض ل هناء
مطلق: و** تو*** الحين انتي على اساس بتطيحين
هناء: مطلق ساعدني بليز
مطلق: يلا الحين ترا برفسه عشان يمشي معك
هناء: والله كنت حاسه انك تسويها زي يوسفف
مطلق: يوسف مسوي كذا بس؟؟
هناء: ا-
سلمى: ذا نوع من التدريب يا دلخه
هناء: لا ذا يسمى انه يخرش الناس و هو متعمد
مطلق: يالله صبرك هناء الحين انتي زعلانه يوسف بس عشان ذا الشي؟. ذا يسمى تدريب و هو بغا يخرشك و ما قال انه شي من التدريبات
هناء: لا لا مابغا يويلك تسويها يا مطلق والله ازعل منك
سلمى رفست الخيل حق هناء و ركبت الفارس و رفست الفارس مع بطنه و هج مع هناء
هناء: سلمىىى
سلمى ضحكت: تشجعي و انا اختس
هناء: وجع تقهرونن كلكم مطلق وقفه تكفى
مطلق ضحك من حركة سلمى و قال: هناء اذا بغيتي توقفين اسحبي الخيل من راسه عشان يوقف
هناء سوت زي كذا بس بخفيف و ما أثر شي: تكذبب عليي
مطلق: اسحبي الخيل لين ينرفع راس الخيل بقوه اسحبي
هناء سوت زي كذا: وقفففف
هناء نزلت و طاحت من جديد
هناء الي حست انها خلاص بتموت: خلاص مابي العب ودوني البيت
سلمى: يالجبانه
هناء: سلمى ماني ناقصتك وخري عني
سلمى: خلاص تعالي معي انا بعد بدخل البيت
هناء راحت هي و سلمى و رجعو البنات كلهم للبيت
مطلق: هاه نمرح(ننام) هنا؟
ياسر: نشوف الشيبان عاد هم و قراراتهم
مطلق: الله المستعان شكل الساعه 3 الفجر بنرجع
ياسر: حلو المهم شرايك نسوي مرجيحه للبنات ب ذي الشجره؟؟
مطلق ضحك: يمكن وحده منهم تطيح
ياسر: نتوكل على الله و نجرب احنا مب خاسرين شي
مطلق: اجال تم
راح ياسر و جاب حبل اما مطلق جاب خشبه و قطع دوائر من الخشب عشان يدخلون فيها الخيط
ياسر: يولد اصبر اربطه و اجيك
مطلق: زين
ياسر ربطه اكثر من مره و ركب فيه
مطلق: ها الظاهر ماطاح فيك
ياسر: ايه شكله زين
مطلق: قم تمرجح شوف يمكن تطيح ورا أو قدام
ياسر تمرجح و ماطاح
مطلق ضحك بخبث: ليتك طحت
ياسر: كلز*
مطلق: يملا فمك قم بجرب
ياسر: زينن
مطلق: لا والله زينه ماتطيح الظاهر
ياسر: ايه داري انها زينه انا الي ربطتها
مطلق: وش يعني تمدح نفسك؟؟
ياسر: ايه
مطلق: مداح نفسه يبيله رفسه
ياسر: انت يبيلك رفستين لين ماتعرف ان شعرك شين(يعني القصايد حقت مطلق)
مطلق: اقول امش ماحطيت حرتك الا ب الشعر حقي
راحو العيال و مطلق دق على هناء
هناء شافت مطلق دق بس ماردت و شافتها سلمى
سلمى: جوالك يدق
هناء: ايه اعرف
سلمى: من؟؟
هناء: مطلق
سلمى: طيب ردي على اخوتس
هناء: اعرف برد عليه الحين بس يدي ماء اخاف يخرب الجوال بروح اجيب منديل و اجيتس
سلمى: زين الزبده بروح انا هناك عند نور اسولف معها
هناء: زين
راحت هناء و مسحت بالمنديل يديها و ردا على مطلق: هلا؟
مطلق: خير ان شاء الله خير من قبل شوي أدق عليتس لييه ماتردين؟؟!
هناء: يدي كانت ماء ايش كنت تبغا؟.
___________
خلص البارتتت
أنت تقرأ
عشق ماينسا له عاشق
Randomتتكلم القصه عن أفراد عائله اي كل من أبناء ابو هايف يسكنون في بيته لكن بعض أبناءه لديهم أشغال في المدن الثانيه كما أن الجامعه مهمه لدا اولاد أبناءه مابين الصراع في الأعمال و المهن و من ثمها في الإجازات يقضونها لدا ابو هايف من ثمها تبدأ قصص الحب ما بي...
