مطلق ضحك: خلاص اسكت يل بزر عشانه
مفلح ضحك: فديت الي يقول عشانه
مطلق ضحك: فديت الي يقول فديت
العيال ضحكو
مطلق: ها صح علي؟
سامح: اي هالمره ضبطتها مثلنا
مطلق ابتسم: يحليلكم بعدين وراك يا مفلح ماتجي تسولف معنا؟.
مفلح: يولد أبي انام
مطلق: تعال نام علي
مفلح: لا مهب لازم
مطلق: ياخوي انا الي قايل لهم يجيبونك انت و ذا البزر
سامح: ماشاء الله صرتو تهايطون فعمري؟ تراني كبرك انت وياه لا تسوقون امها
مطلق+مفلح: تراك أصغر مننا ب شهر
سامح بقهر: ياذا الشهر الي ابلشتوني فييهه!!
أدهم ضحك: ماعليه ماعليه
عند البنات))
هناء: تراها بتجي!! يكفي حش فيها ناخذ سيئات
هدى: بس تقهرر
اديم: سامح يقول انه حرام نتكلم عن شخص بغيابه بسوء صح انها تقهر و الى ذالك لكن راح تأخذ حسنات و احنا ناخذ سيئات!!
رنيم: يحليله اخوك حريص عليس
جت غزل و قعدو البنات يسولفون اما غزل الي ماكان عاجبها المكان
غزل: بنات ذا بيت مين؟.
أديم: بيتنا ليه تسألين؟؟
غزل: امم لا بس ماعجبني صراحة
أديم: زين المطلوب مني؟؟
غزل: غيروه
هدى بكل نرجسيه: هاتي الفلوس عشان نغيره على حسب مزاجك
غزل ضحكت: حلوه النكته بس لا تعيدينها
رنيم: غزل شايفه نفسك على ايش؟؟
غزل: وش انتي بعد؟؟
رنيم: تروحين تسوين نفسك مررهه كيوت و شايفه نفسك مرهه على ايش ياحظي؟؟ و بعدين بيتهم ذا كانه قصر و احسن من بيتكم بمليون مره ولا تبين اذكرك؟؟
غزل: غيرنا بيتنا و ذا القصر حقهم مهب حلو و قلتها بكل صراحه!!
رنيم: زين بقولك بكللل صراحه بيتكم الجديد مهب حلو اذا انتي فيه و اذا مهب عاجبك ضفي وجهك لبيت اهلك
غزل: انا الغلطانه اجيب لكم حركات
رنيم: قصدك جايه عشان تشوفين اي واحد بشارع و تقولين ياحلوه ليتني اتزوجه؟
غزل مسكت أغراضها و اخذت كوب القهوه حق هدى و كبته على هناء....هناء الي انخرشت و صرخت و قعدت تبكي
هناء ببكاء: يوجع يوجع بعدي يدكك
غزل: احسن
رنيم مسكت غزل و قعدت تدف ب غزل لين برا البيت و ضربت غزل بنعولها و سكرت الباب بوجه غزل و قالت: معاد صرتي خويتنا الي قبل تغيرتي يا غزل!!
غزل الي راحت لبيتهم مشي عشانها جايه اصلا مشي
غزل: شايفين نفسهم ايش؟ اصلا انا أجمل منهم كلهم وهم بكرا بيجون زي الكلاب و يتاسفون!!
عند العيال-----
مطلق سمع صوت هناء و دق عليها و ردت
مطلق: شفيتس؟؟
هناء دموعها تصب: لا بس انكبت علي قهوه
مطلق وبخ هناء وقالها ان صوتها وصل لهم!!
هناء: غ.غزل كله منها هي كبته ع.علي ا.ابي اضربها
مطلق بغضب و توبيخ: طيب بس ماتوصل يطلع صوتس لين عندنا؟!!
هناء ببكاء: ك.كان يوجعني
مطلق بغضب: جايتس الحينن
سامح: ماحبيت شخصية التوبيخ ذي كانك قاسي على اختك مع اني مدري وش تقول لك
مطلق بغضب: ليه ودك تعرف؟؟.
سامح: ل.لا لا م.مابي اعرف مابي
راح مطلق لهناء و طق الباب
هناء طلعت
هناء: شتبي!!
مطلق بغضب: وريني وين كبته ذي البزر؟؟
هناء: على يدي
مطلق: زين حطي عليه دهون امي لما نرجع البيت عشان يطيب
هناء: ط.طيب
راحت هناء و رجع مطلق و مطلق حس انه طول فقعد شويه عشان هناء
عند البنات))))
رنيم: بنات مانقدر نسكت!! شوفو وش سوت ب يد هنونتي!!
هناء ضحكت: ماعليه
رنيم: اسمعو نسوي اننا نبيها تسامحنا و اننا اسفين وكذا زين؟ و بعد اسبوع كذا تتطمن مننا نقول اننا نبي نتجمع في بيتها ب اي طريقه كل وحده تاخذ لها عذر زين؟ و بعدين لما نروح لها نكب عليها القهوه و نطلع
هدى خافت: لا اخوانها!!
هناء بخوف: ايه قد مره سوينا على اساس مقلب وكذا و مسكونا اخوانها
رنيم: عادي نجيب اخواننا!!
هناء: ماعرف بسأل مطلق
عند العيال))))
مطلق: يلا مع السلامه بكرا اجيك ان شاء الله الحين بمشي تأخر الوقت
سامح شاف الساعه و استغرب: وش الي تأخر الوقت؟؟ الساعه 9 !!
مطلق ضحك: لازم ارجع اختي وش يضمن لي انكم ماراح تسوون شي؟.
سامح: باكلها اختك ايش ذا كانها زوجتك مهب اختك!!
مطلق بغضب: اقول كل ز* ذي البنت الي ب العايله الباقين كلهم عيال
سامح: و امك؟؟
مطلق: لا ياحبيبي امي هي الملكه اما ذيك بنت الملكه يعني الاميره
سامح: زين خذ اميرتكم و انقلع
مطلق: اقطع وخص لا الحين اسطرك يل بزر
طلع مطلق و لحقه سامح
سامح: لا ترا امزح معك!! و يويلك ماتجي بكرا
مطلق ابتسم: ابشر بجي
طلع مطلق و اخذ هناء الي ماتبي تركب معه
مطلق: اخلصي ادخلي
هناء: احلف ماتعصب علي
مطلق بغضب: ادخلي يابنت الحلاللل!!
هناء دخلت و هي خايفه
مطلق: اشوف يدتس؟؟
هناء: ه.هاه ش.شف
مطلق لمس هناء الي قعدت تصيح
مطلق حرك: خلاص خلاص لا تصيحين ماتوجع ماتوجع ماعليتس
هناء ببكاء: مايضحكك ترا توجعع!!
مطلق: طيب انا ماضحكت!! ليه تصيحين!!
هناء قعدت تبكي لين ماوصلو و نزلت و دموعها بعينها
مطلق: خلاص هدي ان شاء الله مايوجعتس
هناء ببكاء: يوجعني
مطلق ابتسم: يلا هناء ادخلي البيت و خلي امي تحط عليتس دهونها زين؟؟
هناء ببكاء: مابي يوجعع!!
مطلق بشمئزاز مسك هناء من يدها الثانيه و راح قال لأمه تعطيه الدهون و أمه مصدومه من المنظر الي مربطه مطلق لهناء و جا فهد
فهد: شسالفه؟
ام مطلق: اخوك الله يصلحه مربط اختك عشانها مهب راضيه تاخذ الدهون عشان يدها منكبه عليها قهوه من خويتها الي الحين مهي خويتها
فهد ضحك: ياحليلها لو انها جايه بالهداوه
ام مطلق: الحين كيف افكها من اخوك العنيد ذا؟؟
فهد ضحك: يمه لا تحاولين مطلق اذا حط براسه شي حطه بدون تفكير
ام مطلق: ذا من طالع عليه ياربي!!
فهد ضحك: على ابوي و جدي
ام مطلق: صادز
مطلق ابتسم بخبث: لا تحركين يدتس لا الحين اوجعتس
ام مطلق: صار خبيثث!!
مطلق ضحك و هناء قاعده تبكي
مطلق: خلاص خلاص لا تصيحين باقي شويه
هناء قعدت تصيح و تشهق: كلهه من غزلللللللللل
مطلق ضحك: الله لا يوفقها
هناء: ابعددد عنيي مطلق توجعنييي
مطلق:اصبري اصبري شويه و اخلص شفيتس مستعجله؟؟
خلص مطلق و فك الحبل الي ربطه ب هناء
هناء قعدت تبكي و راحت لامها: يكرهيييييي يكرهييييييييي
مطلق ابتسم: ماعليه بكرا يخف عنها
ام مطلق: هاته
مطلق: هاتس ياحلوة البن
ام مطلق: حرام عليك خليت بنتي حبيبتي تصيح!!
مطلق: حبيبتس مهيب ميته عشان جرح
هناء: اذا ماسويت الي بقوله لك ماراح اسامحك
فهد: تتشرطين بعد احمدي ربك مهب ابوي الزبده مطلق تعال للغرفه بوريك حاجه
هناء: تف
مطلق: بوجهتس
راح مطلق مع فهد و دخلو الغرفه و شاف مطلق الي وراه فهد
فهد: وش قولك؟؟
مطلق: كذب يولد شف الكاميرا واضحه عكستها المرايه شف شف الي يصور كذابين ماعندهم سالفه
فهد: ذكي طول عمرك ياحلو
مطلق: حبيبي والله
هناء فتحت نص الباب و قعدت تتجسس
فهد بهمس: وش عندها ذي؟؟
مطلق بهمس: غبيه تحسبنا مانشوفها
لؤي دف هناء و فتح الباب: وش عندتس واقفه هنا هاه؟؟
هناء: شدخلك انتت
لؤي: انتي الي شدخلتس جايه هنا؟؟
هناء: دخلني الباب
لؤي: دعستس دباب ها ها ها يضحك صح؟ مزحنا معتس يلا الحين دزي امها
هناء: ننن نننن يل بزر
مطلق: بزر ها؟؟ اعقل منتس هو
هناء انخرشت
لؤي: صادز كانها بزر
دخل لؤي الغرفه و انسدح
مطلق: وشعندتس؟؟
هناء: اسمع،،،
مطلق: ها؟؟
هناء قالت لاخوانها(يوسف-لؤي-مطلق-فهد) انها تبي تسوي خطه و تبي تنتقم من غزل بس اخوان غزل قد مره مسكوها يوم سوت كذا
العيال بغضب: لمسوتسسس!!؟
مطلق بغضب: ليه ماعلمتيني؟؟!
فهد بغضب: ليه ماقلتي لي؟؟
يوسف بغضب: بعدين اذا احد لمستس قولي لنا!!
لؤي بغضب: والله؟ و ماقلتي لنا؟؟ صاحيه انتي؟؟ يلمسونتس و ماتقولين لنا؟؟
هناء: انا جيت هنا عشان اقول لكم!!
مطلق الي انقهر ووافق انه يجي عشان يتضارب مع اخوان غزل و العيال كلهم وافقو يجون و نفس الشي مع أديم و هدى و رنيم
فالصباح-
ابو مطلق و ام مطلق قعدو بالحوش هم و العيال و جتهم هناء
ابو مطلق: ياهلا بل اميره
هناء ابتسمت و جلست جنب ابوها و قدامها اخوانها و جنب ابوها امها
مطلق قعد يناظر هناء و كان مشوش
ابو مطلق: لا تناظر الاميره يا ورع
مطلق بداخله طرت عليه شيله: لما اعاين هل اميره؟(وصحا مطلق على نفسه)
مطلق ضحك: ابشر
هناء: بابا؟؟
ابو مطلق: سمي
هناء: ابي اشتري ملابس العيد و حلويات للعيد و اسوي توزيعات
ابو مطلق: وش هالتكاليف؟؟
هناء: امم عادي خلاص ملابس للعيد
ابو مطلق: خلاص ولا شي نخليه بخاطر الاميره
ابو مطلق ناظر فهد
فهد شاف ابوه يناظر فيه: اخخخ اخخ يا بطني اخخخ مع السلامه بروح
ابو مطلق ابتسم بخبث: معاد تنفع ذا الحركات بعدين بتروح المستشفى عشان بطنك يوجعك؟ وش ذا الدلع؟.
مطلق ضحك: صادز
فهد انكسح و جلس
ابو مطلق: توديها انت مطلق مغير يوديها و يتعب انت لا شغل ولا مشغله
فهد: يبه حرام عليك و المحل حقك؟؟ من يشتغل فيه؟؟
ابو مطلق: المحل مطلق بعد يساعدك فيه هو و لؤي و يوسف لا تسوي لي انك انت الي بس تشتغل
هناء شافت فهد معصب: خلاص يبه مابي اروح مع احد
ابو مطلق: ليه؟؟
هناء ناظرت فهد و ناظرت ابوها
فهد شاف هناء زعلانه: خلاص بوديتس
مطلق: يمه محتاجه اجيب لس شي؟.
ام مطلق: ايه جيب أغراض البيت بقول لهناء ترسلهم لك
مطلق: زين اعتبريها تم يبه تبغا اساعدك بشي؟؟
ابو مطلق: لا مابغا تساعدني بشي عندي هالثلاثه يخلصون الأشغال عنك هالمره
مطلق: زين بتوفيق
راح مطلق و ركب سيارته و راح يشتري أغراض البيت اما عن فهد ركب سيارته تورط ب انه يجيب الفواكه و يودي هناء السوق و يقعد ب محل الذهب حق ابوه و بكرا بيجي خويه ف يبي للدوانيه تنضيف قال لامه و قالت ابشر بس لاحظ انها تعبانه و قال خلاص ارتاحي و قال لهناء
بكرا-----
هناء قامت و توضت و قامت تصلي و جاها فهد
فهد: تبين تمشين الحين السوق؟
هناء: عادي ب اي وقت
فهد الي قرر انه يخلص كل اشغاله بيوم واحد و يشوف معاناة مطلق
فهد: امشي
هناء: زين
لبست هناء عبايتها و شيلتها و نقابها و راحت
فهد فتح الباب لهناء و ركبت
فهد: امطار ماشاء الله
هناء و فهد: بسم الله توكلنا على الله
هناء نزلت بسرعه و قعدت تركض و دخلت للمحل و فهد قعد يركض و ضحك على هناء
هناء ضحكت: لا تضحك
فهد ضحك: فديت ضحكتس يلا اشتري و خلصي
هناء قعدت تختار و فهد استغرب من ملابس الحريم
هناء: ذا احلا ولا ذا؟؟
فهد: كلهم خايسات
هناء: ليش والله حلوات
فهد: مدري بس شوفي ذا كيف تخلين ضهرتس طالع؟؟
هناء حسبت ان فهد ماراح يلاحظ اذا كان الكتف او الظهر أو الفستان اذا كان قصير زي مطلق و فارس
فهد شاف نظرة هناء و ضحك: تحسبيني ماعرف لكم؟؟
هناء: هاه...لا لا..
هناء اشترت فستان طالع ظهره بدون ماتوريه فهد اما فهد كانت اهتماماته كلها ب كيف بيخلص كل الأشياء ذي قبل الفطور؟؟َ اما هناء جابت بلوزه سوداء تناسب الفستان عشان اذا كشفوها تعرف ماراح يخلونها تعيد ف عشان اذا كشفوها تقول بلبس ذي البلوزه تحت الفستان
فهد: ها خلصتي؟؟
هناء: خلصت من الفستان ابي اشتري الكعب
فهد: زين
راحت هناء و اشترت الكعب و الشنطه و تاج(يناسب الي بعمرها)
فهد: خلصتي من السوق؟.
هناء: اي باقي بس التوزيعات و حلويات العيد
راح فهد فتح لهناء الباب و ركبت و ركب و حرك و دخل هو محل الفواكه و الحلويات و دخلت هناء عشان تشتري حلويات العيد
خلصت هناء الأغراض حقتها و اشترت حلويات و قررت تسوي فيهم توزيعات للورعان و جابت حلويات تقدر تقدمها للحريم و رجعو البيت
فهد: الحمدلله على النعمه
هناء: الحمدلله
و دخلت هناء و جا فهد وراها و معه الاكياس
هناء: احبك
فهد ضحك: شعور متبادل
مطلق جاهم: ايه و انا لي اكثر من سنه اوديتس و ماقلتي لي احبك
هناء: انت بس تعصب عليي
مطلق ناظر هناء: ايه ايه صح الزبده وريني ملابس العيد حقتس
هناء ناظرت الكيس ب ارتباك: ك.كل شي بوقته ح.حلو صح فهد؟؟
فهد: مع اني ماشفت الفستان حقتس بس صح عليس
مطلق ناظر هناء بغضب وهو عارف: هاتي الكيس
فهد: ليكون الي ببالي؟؟
مطلق: غبي انت؟؟ تسوق امها ماتشوف وش الفستان حقهاا؟؟
فهد: هناء وريني الكيس اسرعي
هناء: خلاص ياخي كل شي بوقته حلو!!
مطلق: يشيخه؟؟ عشان لما يجي العيد مانقدر نرجعه وانتي عارفه اننا ماراح نخليك تعيدين
هناء: ماتثقون فيني؟؟.
فهد:الا نثق فيتس بس هاتي الكيس
هناء: مابي
مطلق: اها يعني شاريته صح؟؟
هناء: ايه شاريته وشدخلكم؟.
فهد بغضب: على كيفك؟؟ قايل لك لا تشترين تروحين تشترينه؟؟
هناء: ابعدو
لؤي و يوسف تدخلو
لؤي: سلامات؟؟
يوسف: شسالفه شفيكم؟؟
فهد بغضب: رح ناد امي
مطلق بخبث: لا ناد ابويه
هناء خافت و جا لؤي معه امه
مطلق: جب ابويه ماني قاعد استعبط
لؤي راح و قال لابوه و جا ابو مطلق
ابو مطلق: يعني انا الي تتامرون علي و تقولون لي اجي؟؟
مطلق: محشوم يبه بس شف بنتك وش جايبه
ابو مطلق: وش جايبه؟؟
هناء بخوف: ماجبت شي
مطلق: هاتي الكيس
هناء: لا
ابو مطلق: هاتيه ياهناء
هناء أعطت ابوها الكيس و ابو مطلق فتح الكيس و اخذ الفستان و و شافه
ابو مطلق بصدمه: افا افا يا هناء افاا
فهد: قايل لها يا يبه انها ماتشتري الملابس الي كذا بس لعبت علي
ابو مطلق: و انت وينك انت؟؟
هناء: شف جبت بلوزه معها بلبسها تحته
ابو مطلق: والله اني داري ونعم ببنتي عارف انتس ماتحبين الملابس الي زي تسذا و انت وياه الحين جايبيني عشان كذا بس؟؟
فهد: ماكنت اعرف..
مطلق ناظر هناء وهو كان عارف انها عارفه انهم ماراح يخلونها تعيد ف جابت ذي اذا لاحظو و انقفطت تصرفهم فيها
مطلق ناظر: بلوزه ها؟؟
هناء ناظرت الارض: ا.ايه..
راح ابو مطلق و قعد هو و ام مطلق بالحوش
عند العيال و هناء
لؤي ضحك بوجه هناء وواضح انه وده يضربها
لؤي: سقتيها على ابويه؟ هههه.. سويها مره ثانيه و بعدين قسم بالله لا تشوفين ذا الببسي فوق راسك
مطلق: شفيك مدمن على الببسي؟؟
لؤي: يبوي شدخلك
مطلق: مير ماعندك سالفه مسوي تخوف ذي الدلخ-
هناء ناظرتهم و زعلت
لؤي ناظرها: بطقاق ازعلي
فهد: صادز
يوسف: هيه ورع انت وياه لا تخلوني امردغكم الحين الا وخيتي
فهد ضحك: شف شف مين بيمردغنا
لؤي ابتسم: ايه ولا تنسى الحين
هناء: والله اسطورتيي يوسف
يوسف ضحك: فديت التعزيز
مطلق ضحك: بشارك
هناء: ضدنا؟؟
مطلق: ايه ليه؟
هناء: لا
مطلق: ليه؟
هناء: لا مانبي مطلق يشارك معكم
لؤي: تحسبنا قاعدين نلعب اثبت و يجي واحد يقول لا شوت تحسبينها لعبه نلعبها معس يل بزر؟؟
هناء بزعل: خلاص ترا الي فيني مكفيني!!
لؤي: تحسسيني هم الدنيا كله على راسك
هناء و دمعه بعيونها: لؤيي يامستفزز براا الغرفهه كلكمم
لؤي و العيال طلعو
يوسف طلع من الغرفه: بسم الله شفيها ذي؟؟
لؤي قعد يضحك: خارشها ابوي يوم دخل تحسبه بيهاوشها
مطلق دخل غرفت هناء الي كانت منسدحه بسريرها
مطلق: شفيتس؟
هناء ببكاء: مطلق مب وقتك وخر عني
مطلق: قولي ولا والله ماراح اروح لين تقولين
هناء غطت وجهها باللحاف و قالت: مطلق روح بلا عناددد!!
مطلق جلس اكثر من دقيقه
هناء وخرت اللحاف و شافته قاعد يناظرها: خير ان شاء الله؟؟
مطلق: بتقولين ولا لا؟؟
هناء: انت عارف لا تسويلي بريئ
مطلق: عشاني ناديت ابويه عليتس؟؟
هناء: تراك تقهر
مطلق: زين؟
هناء قالت لمطلق: انا بس ابي مره البسه بس مره و محد اعطاني فرصه!! و انت رحت تقول ل لؤي يقول لباباا؟؟. ليش ياخي وش سويت لك!! بعدين كل الي بعيد معهم حريم!! يعني مافي غيرك انت و اخواني و ابويه و امي و الحريم يمدي تشوفون علي ذي الملابس!! مافي ولا ولد بيشوف ملابسي!!
مطلق: عشان هاذا بس؟؟
هناء: و لؤي يقهر يوم يناظرني وده يضربني بس مايقدر...لاني بنت على قولته
مطلق: ايه؟.
هناء: و فهد قعد يهاوشني و ابويه جا كله بسببك!!
مطلق ابتسم: ياخي احيانا أحستس للحين البزر هناء مدري متى تكبرين
هناء: شقصدكككك
مطلق ضحك: ماقصدي شي يلا تراهم اخوانتس و ابويه تعرفينه بس بيهاوشتس ماراح يسوي شي ثاني و فهد و لؤي ماحبو انتس تلبسين ملابس زي كذا ب العيد لانهم مايحبون شي منتس يطلع
هناء: لا هم بس يهاوشوني لو يوسف ما سوا كذا كان لؤي نثر الببسي حقه علي و خلاني ادفع فلوسه!!
مطلق ضحك: قصدتس بينثر الببسي حقه عليتس و راح يهاوشتس لين تصيحين و تعطينه فلوس الببسي
هناء: انا اصيح من بزر؟؟
مطلق ضحك: اعترفي انه هو الي مخليتس تصيحين
هناء: لا ابويه الي خلاني اصيح!!
مطلق: يحوللل ابويه ماسوا لس شي و دخل بهدوء و انتي تصيحين تحسبينه بيسوي شي؟؟ زين ادري ان ابوي عنده هيبه ب البيت و الكل يسمع كلامه حتى الورعان و الي اصغر منه و الي بكبري بس مب لدرجه انه داخل عليتس بهدوء و روقان و شاف حاجه من عندتس و طلع بعدها قعدتي تصيحين؟؟ وش ذا الدلع
هناء بكائها قعد يزيد: و انت ليش تقول لهم بشارك و بصير ضدكم
بداخل مطلق: اما عاد ليكون خارشها انا؟؟احس لؤي السبب بس ليه احس انه انا بنفس الوقت؟؟
مطلق: الحين انتي صحتي عشاني قلت بصير ضدتس؟.
هناء الي ماتبغا تعترف بس من وجهها ايه: لا!!
مطلق ابتسم بداخله: اها شكله انا
مطلق ضحك: ليه تبيني اصير معكم؟؟
هناء: ايه..
مطلق ضحك: طيب ليه؟
هناء: وش ثلاثه ضد واحدد
مطلق: زين زين بعدين ماراح اصير ضدتس بس خلاص لا تصيحين
هناء مسحت دموعها ووقفت اما عن مطلق عرف انه السبب بس كان واضح انه يمزح ليه تصيح؟ او ان ابوه خارشها؟؟. مايدري طلع مطلق و طلعت وراه هناء تسوي الفطور و ما كلمت ولا واحد من فهد و لؤي بس تكلم مطلق و يوسف
لؤي بهمس: يامدمن التفحيط
فهد: وش تبي؟؟
لؤي: شف البزر تتكلم معهم و مسويه زعلانه مننا
فهد: بطقاق شسوي لها؟؟
لؤي: يعجبني ردك
مطلق: ماتفهمين انتي؟؟ اقول لس مب كذا
هناء: كيفف
يوسف: شوفي كذا
هناء: ها سويتها
يوسف: زين و الحين؟؟
هناء: خلاص عرفتت!!
يوسف: لو احترق ثوبي لا امردغس
مطلق عطا هناء نظره: اذا منتي عارفه قولي
هناء: ماني عارفه..
مطلق: ترا بس تحركينننن يدتس!!
هناء: خلو امي تسويه انا عييت اعرفف
مطلق: امي تعبانه تدرين؟؟
هناء: ها؟
مطلق: خلاص هاتيها انا بسويه و عاد شوفي انتي
لؤي: ماله داعي هات بسوي حقكم كله بس جمع الثياب
يوسف: كفوو والله لؤي المحزم الملياننن احبكك
لؤي: حبتك القراده
يوسف: وحبتك و ضمتك و سبتك و ز*تك و كل تراب يدحا فمك
فهد ضحك: سوا لك بيت شعر قصير يعبر عن قهره ب القراده الي حبته
لؤي: استغفرالله
يوسف: استغفرالله
هناء ضحكت
لؤي كوا ملابس اخوانه و هناء بخرتهم و راح يجون اهل ابو مطلق ب ليلة العيد
مطلق: يبه وش ذا القرار المفاجئ
ابو مطلق: كلنا بسياره وحده مافي اعتراض
فهد: لييه؟؟
ابو مطلق: بنرجع بعد اسبوع من الديره! ف كذا مهب لازم كل واحد يجي بسيارته
فهد: طيب لازم واحد مننا يجيب سيارته،،
ابو مطلق: لا مهب لازم
وافقو العيال و قعدو و بيوم قبل العيد''''
هناء: ازحفووو
لؤي: لا بالله اقعدي بحظني؟.
هناء: كلكم فاتحين رجولكم خيرر؟؟ الا انا الي منحشره
ابو مطلق: عدل جلستك يولد
لؤي: زين
هناء الي نامت على كتف لؤي و لؤي الي نام على كتف يوسف و يوسف نام على كتف فهد و فهد نام على كتف مطلق و مطلق الي صاحي و صورهم
مطلق ضحك: يحليلهم
ابو مطلق : وراك تصور؟؟
مطلق: بس كذا ودي اصور
الو مطلق: زين
ام مطلق الي نامت بنص الطريق و يوم وصلو الكل صحا و راح يرقد
ب ليلة العيد***
هناء: بنات يلا مشينا اسرعو بنروح لصلاة العيد
سلمى: حلا هنوف اخلصوو
حلا: زين زين محنا بطايرين ودي اني اخلص الحين عشان لما ارجع بس افك عباتي و اجلس
الهنوف: نفسها
هناء ناظرت الهنوف: الهنوف بليزز بسرعه
الهنوف ابتسمت: يحليلتس و انتي تتدلعين
راحو البنات لصلاة العيد هم و الحريم
عند العيال""
مطلق: مشينا ياعيال؟
رماح: اصبر اضبط شماغي
ياسر: رماح يرحم لي والديك وين الكبك حقي؟
رماح: هره تحت مخدتك من امس و انا ادوره داري انك راح تضيعه
ياسر: كفو والله رماح المحزم المليان
ثامر: اسرعو
لؤي: لا تستعجل ياورع و تصير هناء رقم 2
مطلق: لو ما مسكت لسانك يا بزر لا اسطرك الحين
ياسر بداخله: كفو مطلق برد لي خاطري مقدر اقول كذا لان مابيني وبينها شي
مشو العيال لصلاة العيد
بعد صلاة العيد العيال دخلو على الحريم و البنات عشان يسلمون
ام مطلق: عيدكم مبارك
مطلق: علينا وعليكم يل غاليه
فهد: علينا وعليكم بالف صحه وسلامه
لؤي و يوسف ابتسمو: علينا وعليكم
و العيال: علينا وعليكم ياعمه
خالد حب يد امه: عيدكم مبارك يل غاليه
ام ناصر: علينا و عليك يوليدي
ناصر: عيدكم مبارك وكل عام وانتم بخير وصحه وسلامه
ام ناصر و الحريم: و انت بخير وبصحه وسلامه
ناصر حب راس امه: ها عسا ما ازعجناكم و ازعجنا البنات
ام ناصر: لا مافي ازعاج و انا امك
لما خلصو العيال و عيدو على عماتهم راحو يعيدون على البنات
ياسر ضحك: عيدكم مبارك يا سلموهه
سلمى ضحكت: علينا و عليكم بالف صحه وسلامه يا يسوري
رماح دف ياسر: لا مهب سوري سعودي ها ها ها
مطلق ضحك بصوت خفيف
رماح: بالله اعجبتك؟
مطلق: مدامها منك أعجبتني
رماح: شف انت خبيث بس ما انكر اني حبيتك
مطلق: حبيبي والله ادري اني خبيث و ادري اني انحب على طول
ياسر الي قعد بالارض يناظرهم و هو يضحك
هناء ناظرت ياسر ب استغراب ليه ما قام للحين و يضحك و ياسر لاحظ نظراتها
مطلق شاف ياسر للحين جالس و مسكه: قم قم
ياسر: زيينن
سلمى: عيدكم مبارك يعيال
العيال: علينا وعليكم
فهد: من العايدين الفايزين
هناء بصوت خفيف: هيه وش اقول؟؟
لؤي بصوت فيه ضحكه: قولي من المفروشين و المرفوسين
هناء: من المفروشين و المرفوسين..... هاه؟.
العيال ناظرو هناء و ياسر طاح من الضحك
لؤي الي وخر بسرعه و راح جنب مطلق وهو يضحك
هناء: وش الي يضحكك؟؟
مطلق: قولي من السالمين الغانمين
فهد ضحك و هناء استحت على وجهها
فهد كتم ضحكته: ماعليه ماعليه
هناء: م. من السالمين الغانمين
رماح ضحك و العيال كلهم ضحكو و هناء قعدت تناظر لؤي و هي فيها البكيه
لؤي: ها ليكون الحلو زعلان مني للحين؟.
ثامر: دزها
لؤي: ياخي شفيك علي
ثامر: خويك ساهر احسن منك
لؤي: ماشاء الله من كارهين ل احباء
ثامر انخرش و ناظر لؤي
لؤي:ااا زي الاخوان يعني مب قصدي بشي ثاني
العيال سلمو على بنات عمهم و سلمو على بعض و سلمو على عماتهم و ابوانهم و جدانهم
الهنوف: يلا هناء تراه موقف بسيط
هناء: يقهر
لؤي تصالح مع هناء و عطاها هديه
هناء: احب لؤي
الهنوف: بسم الله علينا مب قبل شوي يقهر و مدري وش؟؟
هناء: ماعرف بس احبه
راحو البنات و عيدو
و استانسو
هناء: حلا ابعدي رجولك بصور
حلا: اخر من يتآمر علي انتي يل بزر
هناء ناظرت حلا
حلا: خلاص خلاص لا تصيحين بقوم
سلمى بصراخ: هناااااااا!!!
هناء بخوف: وش فييي
سلمى: ااا مب قصدي اخوفك بس كان قصدي هنا مب هناء
حلا: تراك تقهريينن مدري وين احطه بسببك!!
سلمى: خلاص هاتيه
حلا: امسكي
سلمى: يمه ثقيلل
حلا: حسي فيني اتنقل فيه ظهري بغا ينكسر
الهنوف: هاتي جركن الماء و حطيه على ذي الزاويه كل ما جبنا كرتون ماء فاهمه؟.
سلمى: اها اي كويس عشان كل من بغا ماء اخذ
هناء: عبود خذ ذي من التوزيعات
عبود الي كان معه كثير توزيعات ب الكيس حقه
عبود: سكرا عمه
راح عبود لابوه الي يسلم على الرجال
فارس ناظر عبود: ها جاي تاخذ عيديتك؟؟
عبود هز راس ب اي
فارس بغضب: ماشاء الله مجمع بالعافيه عليك
راح الرجال و جلس عند الرجاجيل
عبود جا بيهرب بس مسكه فارس
فارس: يويلك تاكلهم كلهم عطهم امك و كل يوم تاخذ حلاوه وحده فاهم؟؟ ترا الحلاو مهب زين لو انه زين جبت لك كرتون منه لا تكثر يا حبيب بابا و خذ ذي عيديتك
عبود هز راسه ب طيب وهو شوي و يصيح
فارس ابتسم: لا تصيح ترا مانب مسوي شي يلا استانس ب العيد بس لا تكثر حلويات عشان بطنك مايوجعك
مسح فارس دموع عبود وهو يضحك: قسم بالله مانب مسوي شي
عبود الي اخذ فلوس ابوه و هو عارف ان وحده له و وحده لأمه ولعمته وجدته
عبود دخل و عطا جدته وراح
عبود: عمه؟؟ خذي هاذا من بابا
هناء: يلبيه فارس قل له ان هناء تحبك+عيدكم مبارك
عبود: علينا و عليكم تمام بقول له
راح عبود لامه
منيره ابتسمت: هلا يماما؟؟ عيدكم مبارك
عبود: علينا وعليكم ماما هاذي من بابا
منيره: يلبيههه فارسي قل له ان منيره تحبه
عبود اعطا امه حلاوه و استغربت منيره و طقتها الهنوف و غمزت
منيره ابتسمت: يلبيه ياعبود احبك
عبود ابتسم و راح
منيره راحت و خبت الحلاوه ب شنطتها لعبود لانها ماتحب حلاو المصاص
ثامر و لؤي تصالحو و ثامر حب شخصية ساهر مع انهم يتهاوشون بس صارو اخويا
عند الرجاجيل""
مطلق: سم ياعم
ابو سالم: سم الله عدوك
مطلق: يا هلا وغلا
عبود: هيه مابي
مطلق: سم
عبود: مابيي
مطلق: امسك
عبود: مابي..
مطلق: سم يبه
ابو مطلق: سم الله عدوك
مطلق: سم يا جد
ابو هايف: سم الله عدوك
فارس ابتسم: سم يا مطلقوه
مطلق ابتسم: سم الله عدوك+ سم يا فارسوه
فارس ابتسم: سم الله عدوك
ضحكو مطلق و فارس و جلسو ومطلق حط راسه على كتف فارس
فارس: ها تعبان؟؟
مطلق: مب من عوايد ولد ابو هايف يتعب
"العيال احيانا يقولون ولد ابو هايف او عيال ابو هايف هاذا مو معناته اني لخبطت ابائهم لا بس يعتبرون جدهم ابوهم و الى ذالك و يحسونه فخر"
خلصصص البارتتتتت
عيدكم مبارك وكل عام وانتم بخير وصحه وسلامه يارب
💗🌸
أنت تقرأ
عشق ماينسا له عاشق
De Todoتتكلم القصه عن أفراد عائله اي كل من أبناء ابو هايف يسكنون في بيته لكن بعض أبناءه لديهم أشغال في المدن الثانيه كما أن الجامعه مهمه لدا اولاد أبناءه مابين الصراع في الأعمال و المهن و من ثمها في الإجازات يقضونها لدا ابو هايف من ثمها تبدأ قصص الحب ما بي...
