عشق ماينسا له عاشق

بارت 8

أهنئكم بقدوم شهر رمضان المبارك أعانني وأعانكم الله ع صيامـــه وقيامـــه
‏وأسأل الله لي ولكم القبول والرحمه ووفقنا فيه لحسن العمل وخير الدعاء يارب العالمين ...
‏"مبارك عليكم الشهر "
‏🌙🌿✨💜

عشق ماينسا له عاشق
هناء: زين يلا مع السلامه
فارس: في امان الله
عند منيره الي راحت تسوي القهوه و الشاهي و تحط التمر و تسوي الكاسات و الفناجيل للرجال و راحت لفارس و أعطته
فارس: زين تعالي تعالي
منيره: نعم؟
فارس: الي زعلتي عليه كله عشان هاوشت عبود؟؟
منيره: ايه و عشان ثلاث اخر كلمات بعد!! تبي شي غير كذا؟؟
فارس: منيره؟؟
منيره: نعم؟؟
فارس حب راسها: خلاص والله ماتوقعت زعلتس بيطول كثير طفشت من هزعل قلت اخليتس ترضين من نفستس
منيره: خلصت؟؟
فارس بغضب: منيره ترا الموضوع مهب لعبه و حتى هناء قالته يمكن يوصل الموضوع للطلاق و انا مابي ذا الشي!!
منيره ناظرت فارس: لو انت طفشان مني رح طلقني ترا الأمور سهلات
فارس انصدم: منيره وش ذا الكلام؟؟
منيره: قلت الصدق تبغاني اكذب عليك؟؟
فارس: منيره تدرين اني ماتوقعتها منتس؟؟ تبين الطلاق مني؟؟
منيره: انا ما ابيه بس انت تبيه
فارس: و من قال اني ابيه؟؟
منيره: م.ماعرف
فارس: عقلتس الي قال من نفسه ولا انا مابي الطلاق و ما ادانيه
منيره: حتى انا
فارس: زين ليه ماتسامحيني و ارتاح ترا طفشت من الزعل بعدين كله على عبود ماوقفت الا على ذاك اليوم؟؟
منيره: زين خذ القوه و الشاهي
فارس: اول شي جاوبيني
منيره: زين سامحتك خذهم
فارس ابتسم: زين
راح فارس و اخذ الشاهي والقهوه والصينيه و التمر و حب راس منيره الي ابتسمت له
منيره: لعاد تعيد ذيك الكلمات قهرتني
فارس: زين زين ماراح نعيدها
منيره: وش قصدك ب ماراح نعيدها؟
فارس بخبث: يعني برضو انتي ماراح تعيدي زعلتس
منيره ابتسمت: همم بفكر
فارس: من دون تفكير قولي تم
منيره: تم
فارس: شاطره
منيره: من يوم يومي شاطره شتبي اكثر من كذا؟؟
فارس: مابي شي سلامتس
منيره: الله يسلمك المهم فارس
فارس: عيونه؟؟
منيره: مدامي لابسه عباتي و كذا احم احم
فارس ناظرها: وش عندتس؟؟
منيره: نبي نروح السوق
فارس: ابشري بس وش المناسبه؟؟
منيره: اسمع ماتعصب!!
فارس: اذا هو شي بيخليني اعصب ف راح اعصب من دون تفكير!! قولي وش عندتس!!
منيره: اليوم بروح لعزيمه مع عماتي و بعض بناتهم
فارس: زين؟؟ ذا الي بعصب عليه؟؟
منيره: لا
فارس: زينن قولي!!
منيره: اسمع بشتري ملابس على ذوقي مو تروح تتآمر و تقول ذا قصير و ذا كتفه مهب زين و ذا ظهرك طالع من ورا ترا العزيمه كلها بنات!! يعني مين من الرجال بيدخل عزيمة الحريم!!
فارس ناظر منيره بغضب: بودي القهوه و اجيتس
راح فارس لعمانه و اولادهم و ابوه و جده و حط القهوه عندهم و رجع لمنيره الي متوتره
فارس: ايش كنا نقول؟؟
منيره: امم كنت ابي ا.ا.اروح للسوق.. و مابيك تتحكم و تتآمر علي انا الي بختار و اصلا محد من الرجال بيدخل!!
فارس: منيره خلي ذا الكلام على جنب انا مب هامني الي يشوفونك بنات ولا رجال انا مب فارقه معي اعتبرهم نفس الشي و انا ماحب احد يشوف زوجتي بملابس قصيره او الظهر طالع و الي قبل شوي قلتيهم ثاني شي انا لو بختار لتس ماراح اختاره الا وهو عاجبتس بعدين ترا برد و مايصلح تلبسين الملابس القصيره و ذول الخرابيط خليتس عاقله يا ورعه لا الحين ماخليتس تروحين معهم
منيره زعلت: بس في ملابس شتويه..
فارس: نوري؟ انا قلت كلامي و مابعد كلامي شي زين؟؟
منيره بزعل: زين
فارس فتح الباب لمنيره وهو يضحك على عبوس وجهها: تفضلي يل اميره
منيره ناظرت فارس: تمام...
فارس: يووووه يا ذا الزعل الي ما افتكينا منه
منيره: هييي انتبهه للطريقق
فارس ضحك: ابشري
منيره ابتسمت: احم احم
فارس: ها وش بعد؟؟
منيره: لازم اشتري كعب
فارس: زين تعرفين تمشين فيه؟؟
منيره: اي ماشفت الكعب حقي الي بالبيت حق ابوي كثير بس عطيته خواتي عشاني كنت حامل و كنت زعلانه منك
فارس ضحك: زين زين نشتري كعب لتس ها في شي ثاني؟
منيره: اي و شنطه و ذهب ابغاا و شباصات شعر بعطيها سماء
فارس: يحليلها سماء تستاهل كل خير
منيره ناظرت فارس: ارجع للبيت مابي اشتري لها و مابي اروح للعزيمه!!
فارس ضحك: اويلي من نار الغيره
منيره: خير تمدح بنت الناس؟.
فارس: يابنت الناس هدي ترا قلت الصدز بعدين تراها وريع كأنتس شادتها
منيره: زين زين حتى سالم كويس خلنا نشتري له كوره و نشتري ل عبود برضو
فارس ناظرها: سالم اي واحد؟؟ الصغير ولا الكبير؟؟ و ولد مين؟
منيره ناظرت الدريشه و حطت يدها: شفيك شادها كلهم وراعين
فارس ابتسم: انتقام ب ذي السرعه؟؟
منيره: لا تنسى اني العنيده ببيت ابوي
فارس ضحك: زين زين يل عنيده ليه ماوافقتي اول يوم يوم خطبتك؟؟
منيره: بختصار ماكنت ابي اكون اول وحده تتزوج لاني شفت ناصر ماتزوج و هو الكبير
فارس: وش علينا من ناصر علينا منتس انتي ليه ماقبلتي؟ عطيني السبب الحقيقي
منيره ضحكت: كان عندي صديقه خاقه عليك
فارس بستعباط: منهي اروح اتزوجها؟
منيره: انقلع معاد ابي اكلمك
فارس: لا والله امزحح
منيره: مابي
فارس: نوري مايكفي انتس زعلتي مني قبل؟؟
منيره: ذا بسببك انت الي تجيب المشاكل لنفسك
فارس: خلاص خلاص والله كنت امزح معاد بستعبط ب أمور ازواج
منيره: شف ترا كنت امزح يوم قلت انها خاقه عليك...بصراحه كانت بس تسبك عندي و كانت تقول انها تكرهك لانك تضرب اخوها
فارس: بنت مين ذي؟؟
منيره: صيته بنت طلال
فارس: اها ذاك اخوها؟ كان يجي يتفلسف عندي
منيره: ب وش مثلا؟
فارس/ لو تدري انه كان يقول انه بيتزوجها وش بتقول؟: شي مايخصتس
منيره: زين يلا نمشي
فارس فتح الباب لمنيره و مسك يدها و راحو للمحل الفساتين
منيره قعدت تدور لين عجبها واحد اخضر: شرايك ب ذا حلو صح؟؟ و طويل و مافيه شي مب زين
فارس: تلعبين على مين ياحبي لتس؟؟ و الظهر؟؟
منيره رجعت الفستان: زين باخذ ذا الوردي
فارس شاف الوردي: لا مب زين شوفي
منيره انحرجت: لا تركزززز خلاص مابييهه
فارس ضحك: زين اختاري واحد ثاني
منيره شافت واحد لونه أخضر غامق و انجذبت له: شف ذا حلو صح؟؟
فارس اخذ نظره على الفستان: هو حلو بس اطول منتس
منيره رجعته: زين
فارس ناظر منيره: و ليه نرجعه؟
منيره: اطول مني و ماتوقع فيه طولي
فارس: كم طولتس انتي؟؟
منيره: شدخلك
فارس: ماراح اضحك قولي لاني اصلا عارف انتس قصيره من دون!!
منيره: زين 157
فارس كتم ضحكته: زين زين يا صديق
منيره: وش صديق بنت ذي
فارس انصدم: اما عاد ماشفتها
منيره: مدري عنك
فارس: زين زين بروح اشوف اذا فيه مقاس لتس ولا لا
منيره: تمام
فارس: في مقاس للبنت ذي؟
العامله: ايه طبعا بس وش الفستان الي تبيه هي؟؟
فارس: الأخضر ذا
العامله: زين بشوف
راحت و جابت مثل الفستان و قاستهم على منيره
العامله: احم المشكله مب مننا المشكله من طولها...
منيره عصبت: زين زين انا الغلطانه اني دخلت ذا المحل تتهزون بطولي يا وجه البقر؟؟ اناااا منيرهه تتهزون بطوللييي؟؟
العامله: لو سمحتي اذا ماعندك شي ثاني اطلعي
فارس قعد يضحك: ياربي تتهزين بطولها و انا بنفسي ماشفتك احسبتس ولد؟؟ الله يعين خلاص يا منيره نروح نشوف محل ثاني
منيره و هي الدمعه شوي تطيح منها: يع تقهر تتهزاء بطولي ننن ننن المشكله مب مننا المشكله من طولها ننن نن وجه البقر يع تقهر ليتها مو من القبيله
فارس قعد يضحك و يناظر اي شي عشان ماتحسبه منيره يضحك عليها و تصيح
منيره: وش تضحك منننه؟؟
فارس ضحك: ولا شيء تذكرت لي مقطع بعدين انتي من صدقتس تصيحين عشانها طقطقت بطولك؟؟ و هي تصرفها خطأ المفروض ماتضحك على خلقة ربي بعدين طولتس زين!!
منيره مسحت دموعها: زين نبي نروح ل ذاك المحل
فارس ضحك: ابشري يا ام دميعه
منيره مشت: لعاد تكلمني
فارس لحقها: لا لا خلاص امزح معتس
منيره: زين ابغا اشتري على ذوقي!!
فارس بتسليك: زين زين
منيره دخلت المحل و اختارت الي لونه ازرق و عجبها: شرايك فيه؟؟
فارس: الكتف علامه؟؟ و بعدين ليه ظهرتس طالع؟؟
منيره: بس عجبني..
فارس ناظر منيره: زين خذيه بس لا تلبسينه ب العزايم
منيره: اذا مالبسته وش الفايده منه؟؟
فارس: لا البسيه ببيتنا بس مب قدام الناس
منيره ناظرت فارس: فارسس
فارس: ها؟؟
منيره: خلاص مابيه يا وصخ
فارس: وجع تدخلين ب نيتي؟؟
منيره: لا بس مابي البسه بس عندك!! ابي البسه بعد ب العزايم!!
فارس: زين رجعيه انا ماحب ذا الملابس خذي لتس فستان مستر
منيره: باخذ هاذا
فارس: اذا تبينه ماتلبسينه ب العزايم
منيره: الا
فارس: لا
منيره: الاا
فارس: منيره ماحب ذا الحركات!!
منيره: ابيه و ابي البسه!!
العامله: لو سمحتو في ناس هنا و أصواتكم عاليه
منيره: ز.زين
فارس: منيره
منيره: شتبي؟
فارس: اخخ
منيره: شفيك؟؟
فارس: تعبانن
منيره ناظرت فارس: كذاب
فارس: يعني كذا كشفتيني؟؟
منيره: ايه
فارس: زين خلاص بناخذ البس الازرق بس ايش؟؟
منيره: اي؟؟
فارس: تلبسين بلوزه تحت الفستان
منيره: لا
فارس: نوري؟؟
منيره حطت عينها على فستان احمر
فارس ناظر الي تناظره منيره: تبينه؟؟
منيره: اي
فارس ابتسم: مثل الموت الأحمر بيطلع حلو عليتس
منيره: خلنا نروح بسرعهه
فارس ضحك: مهب طاير يمكن مب بطولك
منيره تذكرت سالفة الطول و زعلت: خلاص مابيه
فارس: عادي انا اشيلتس
منيره ضحكت: تستهبل؟؟
فارس: لا ما استهبل اقول الصدز اشيلتس او نقصر طول الفستان
منيره ابتسمت: يلا
فارس و منيره راحو للمحل
العامله: منيررره
منيره ناظرت: م.مين؟؟
العامله: افاا نسيتيني؟؟
منيره: ااا مو كثير اجي للديره
العامله: اي عارفه انا سماء
منيره: سماء!!! يابعددددد قلبيييييي
العامله: فديت قلبتس
منيره: والله اقول ليه لفت انتباهي هاذا المحل طلعتي فيه و ملابسك كلها زي ذوقي
العامله: يابعد قلبي اختاري بس اختاري و اعتبريها هديه
منيره: لا والله؟؟ لا ندفع غصب!! انتي فتحتي المحل عشان الناس تشتري مو تروحين تخلين صديقاتك ياخذون مجانا!!
فارس ابتسم: تعالي تعالي الظاهر ذا مقاستس
العامله راحت ل فارس: شلونك يا فارس شلون عماني؟؟
فارس: بخير الحمدلله والله الكل كويس انتم شلونكم؟؟
العامله: والله بخير والله نورت الديره بقدومك انت و منيره
فارس: النور نوركم والله
العامله: اي تبون ذا الفستان صح؟؟
فارس: ايه
العامله: زين تعالي منيره نشوف مقاسك
راحت و طلعت كثير ملابس و لقت طول منيره
منيره: اخيراا
سماء ضحكت: يابعد قلبي والله
منيره: يلبى قلبتس
سماء: ياحلوتس بسس
منيره: طالعه عليتس حلوه
فارس دفع و طلع
سماء ابتسمت: يلا مع السلامه اشوفتس بالعزيمه ها!!.
منيره: بتكون العزيمه منوره فيتس ياقلبي احبتسسس
سماء: و انا اموت فيتس
فارس قعد يضحك
منيره: ليش تضحك؟؟
فارس ضحك: ياحلوتس والله
منيره: تتطنز علييي
فارس: لا والله قاعد امدح فيتس قمر قدامي و ما امدحه؟؟
منيره خجلت: القمر ذا بيتغطى عنكك و مايبي يكلمكك
فارس ضحك و حب راس منيره: ياحبي لس بس
منيره: فارس خلنا ندخل ذا
فارس: ابشري
دخلو محل الكعب
منيره: ابي اشتري واحد احمر
فارس: زين شوفي مقاسك
منيره: انتظرني برا
فارس: زين اذا بغيتي شي هريني برا
طلع فارس و قعد يطقطق بجواله و يلتفت و يناظر منيره و يرجع يطقطق بجواله الين ما جاه اتصال من مطلق
مطلق: السلام عليكم؟؟
فارس: وعليكم السلام ورحمه امر؟
مطلق: ولدك قاعد يصايح عندنا وش السوات؟؟
فارس: عطني عبدالله
مطلق: زين
عبود بصياح: بابا وين ماماا
فارس: عبود لا تصيح انا رايح مع امك نشتري أغراض و نرجع خلك مع عمك
عبود مسح دموعه: متى ترجعون
فارس ضحك: مادري
عبود: كيف ماتدري؟؟
فارس: خلاص انتظر ياعبود لا تصير مشغل و اذا جتني شكوه منك شفت رجلي ذي؟؟ ارفسك فيها
مطلق: ترفسك ناقه يل كلب
فارس ضحك: صح نسيت لو رفسته بتعلم ابوي
مطلق: بعلم الي بديره كلها ولا تدري؟؟ ب اجلدك انا لحالي
فارس: اقول امسك لسانك لا الحين اسطرك
عبود: باابا
فارس: هلا عيون بابا؟؟
عبود: جيب لي كوره معكك
فارس: ليه؟؟
مطلق: صار عنده اخويا(اصدقاء)
فارس: اها زين بجيب لك
عبود: شكرا بابا
عبود راح يكمل لعب اما عند فارس ناظر منيره وراح يتمشى
و شاف له واحد يضرب ب ولد يمكن عمره من 13 إلى 15
فارس ناظر الولد و شاف ان الي يضربه يمكن قد عمره او اكبر راح لهم فارس
فارس: يبوي سلااماتت؟؟ تضرب فيه بالسوق قدام الناس؟؟
مهند: وش بغيت انت ضربته ما ضربته مالك دخل
فارس: الحين انت مين عشان تضربه؟؟
مهند: شدخلك لا تحشر خشمك ب الي مالك دخل فيه
فارس: يولد وش يقرب لك ذا الكمخه؟
ساهر بألم: خ.خويي
فارس: و ليه يضربك؟؟
ساهر: عشاني اروح معه هو و خويه الجديد وهم مايبوني
فارس بغضب ناظر مهند: كذا نظامك شايف الناس لعبه عندك؟؟ والله لو انه ميت عليك؟ لا لا تخاف مهب ميت عليك بس خايف انك تروح الطريق الخطأ ولا هو ماعليه منك
مهند: اقول توكل بس
فارس ناظر ساهر: ماعليك منه يمكن خيره انه تركك لو انه ما تركك كان صرت بطريق السوء معه ترا اعرف ذا الحركات خوي يسحب على خويه عشان واحد مايستاهل و انت المفروض ماتصيح الحين! المفروض ماتحط له مكانه بقلبك اذا تبي اخويا شف لك اخويا تقدر تثق فيهم مو من عجبك رحت عليه رح عند ناس تخاف الله رح عند ناس تقدر تخلي ثقتك فيهم
ساهر و هو خايف: دورت بس مالقيت
مهند: يع مسوين دراما
فارس ناظر مهند و قام من مكانه
فارس بغضب: اسمع يا ورع انا مب عندي نظام كيري ميري انا عندي بوقس يخليك سنه قدام بالمستشفى فاهم؟؟
مهند: خفت يل عجوز وش بتسوي؟؟
فارس بغضب تقدم و عطا مهند ذاك البوقس و طاح مهند
فارس: يشيخ؟؟ اشوفك هجدت؟ تراك قاعد تلعب مع عيال ابو هايف بعدين شفيهم العجايز؟؟ جدك ضاربك و كرهتهم؟؟ اسمع ياورع اذا مارحت عن الولد ذا والله ثم والله لا اتعشى في-
منيره بخوف: فارس وش فيييهه
فارس: مافي شي خلصتي؟؟
منيره بخوف: ا.ايه
فارس: خلاص روحي للمحل الي ذا الي مدري وش اسمه
منيره ناظرته: اروح لحالي؟؟
فارس: تراتس مب ورع
منيره: خلاص بروح بس اذا ضعت؟؟
فارس ضحك: انا؟؟
منيره: اي
فارس بتسليك: لا أدق عليتس عشان تنقذيني
منيره: اوكي بنقذك اذا ضعت بس اهم شي دق علي
فارس: زين
منيره: بس ذا ليش طايح؟
فارس بغضب ناظر ساهر الي قام بسرعه
فارس ابتسم: ولا شيء سلامتس
منيره: فيك شي يما-
فارس بغضب: قلت مافيه شي روحي للمحلك ذا!!
منيره: بس اصبر لا تسحب فينييي قدام الناسسس
فارس بغضب: اصص
منيره: خلاص خلاص والله بروح
فارس ترك منيره: يلا روحي
راحت منيره و رجع فارس ل ساهر
ساهر: ش-
فارس: اسمع ياحلو انا عندي اخو بكبرك او اكبر منك
ساهر: ا.ايه؟
فارس: تبي تخاويه؟
ساهر: ا.اي..
فارس: زين بتصل عليه بس انت كم عمرك؟
ساهر: 14
فارس: اسمع ترا بياخذونك طقطقه على عمرك لا تزعل العمر بيد الله
ساهر: لا عادي مدام اخوك مثلك بتأكيد انه طيب و أخلاقه الف
فارس: حبيبي والله شكلي باخذك منه ماراح اخليه ياخذك مني
ساهر ضحك
فارس ابتسم: زين زين مع السلامه يقول ان ماعنده مشكله يخاويك
ساهر: كويس
فارس: انت من اي ديره؟.
ساهر: من الديره الفلانيه
فارس: غريب وش اسم ابوك؟؟
ساهر: احمد
فارس طرا عليه واحد: وش قبيلته؟؟
ساهر: قبيلة*****
فارس: احمد عبدالله؟؟؟
ساهر: ا.ايه؟..
فارس: الا يزق ماعلمني انه بيجي
ساهر ناظر فارس بنظرة ليه تسب ابوي؟؟
فارس: زلة لسان ياخوي الزبده ابوك هنا؟.
ساهر: ايه
فارس: وينه؟؟
ساهر: مع امي يتقضون أغراض العزيمه
فارس: زين
لؤي جا: ها وين الولد؟.
فارس: هره
لؤي: زين من ضاربه؟؟
فارس: يبوي تحقيق هو خذه و تقلع انت وياه
لؤي: زين تعال
راح لؤي هو و ساهر و قعدو يتمشون و يتعرفون على بعض و هم بطريقهم شافو خوي ساهر
ساهر و هو زعلان: خلنا نروح من هنا
لؤي: لا خلني اشتري لك شي و اجي اصبر هنا بروح اجيب ببسي انت وش الي تبيه؟؟
ساهر: ولا شيء سلامتك
لؤي: اذا منت بقايل الي تبيه ترا بشتري لك اي واحد
ساهر بزعل: زين ببسي زيك
لؤي استغرب من ساهر بس ما انكر انه حب شخصية ساهر الصادقه بعدين راح و اخذ ببسي اثنين و حاسب اما عند ساهر جاه مهند و حازم
مهند: اشوف صار لك خوي؟؟ ترا اقدر افرقه عنك لانه خويي
ساهر: اعرفك؟؟
مهند: يووه خف علينا تراك ماتسوا نعولي مسوي ماتعرفني؟؟ و انت الي بس لاصق فيني؟؟
ساهر: مهند توكل و بعدين لو تعرفه كيف ماتعرف اخوه الكبير؟؟ و تروح تقول لاخوه يل عجوز؟؟ ترا اقدر اقول له و تنتهي كذبتك عليه
مهند بغضب: اص اص بس يل ورع تدور ناس تدافع عنك يل استغلالي
ساهر بغضب: انا استغلك؟؟ انا ماعمري قلت لك جيب و سو و هات و عط  و مدري وشو مثلك!!!
مهند: شف شف واضح انه مستغل و يدور الناس تدافع عنه و يبي يستغل لؤي
ساهر زعل مره و جا بيمشي الا شاف لؤي ورا و معه ببسي
لؤي ابتسم: سم يل خوي
مهند: شف ذا اكبر مثال انك استغلالي!!
لؤي: هلا مهند وش بغيت؟؟
ساهر انصدم و طلع مهند صدق مايكذب و انهم يعرفون بعض
مهند: ترا ذا مستغل و استغلني و يبي يستغلك انتبه منه!!
لؤي: دليلك
مهند: صح ان ماعندي دليل بس صدقني انه دايما يتآمر علي
ساهر انصدم من حركة مهند
مهند: و كل ماقلت له سو كذا و كذا قال خدامة ابوك انا؟؟
لؤي: طيب وهو صادق خدامة ابوك هو؟؟ تبي شي ادفع
مهند: اقول لك يتآمر علي!!
لؤي فتح الببسي: ماعطيتني دليل
مهند: افا يا لؤي تصدق الغريب على خويك القديم؟؟
لؤي ضحك بخبث: قديم ولا جديد هههه تستهبل معي انت؟؟ ترا اولاد ابو هايف مايمشون الا مع الحق ولا هو صدق ماغلط خدامة ابوك هو؟؟ بعدين وشدخل أصدق الجديد على القديم تسوقها؟؟ يمكن تكرهه انت و جاي تفرق بيننا يا تعطيني دليل يا تتقلع قبل ما انثر ذا الببسي عليك و اخليك تدفع فلوسه
ساهر انخرش من ابتسامة لؤي الخبيثه
مهند: شف هو منخرش عشان سمع الحقيقه
لؤي ضحك: ساهر ان شاء الله تتخطى
ساهر: ان شاء الله...
لؤي: مهند حبيبي ترا بنثره بعد العد الين ثلاثه واحد..اثنين.. ثلاثه.. تعال تعال
مهند: خلاص بمشي افف
راح مهند هو و حازم الي مبتسم بخبث انه فرق بين مهند و ساهر
ساهر: يع يقهر
لؤي: افا ليه؟
ساهر: من يوم ما فرق بيننا حازم و هو مصدق حازم الي يكذب عليه دايما!!
لؤي: زين حازم مالومك صراحه المفروض ماتصادقه لانه في مره فرق بيني و بين ثامر ولد عمي بس بعدين رجعنا لبعض
ساهر ضحك: عطني دليل عشان اصدقك
لؤي: فرق بينك و بين مهند بتأكيد بيسويها بكثير ناس
ساهر: زين صدقتك
لؤي: ودك تعطيه كف
ساهر: ليه..
لؤي: يشيخ خله يدز قلك ليه ترا واضحه!! سرق منك خويك و تقول ليه يبي له قتل
ساهر: عادي انت خويي
لؤي: كلز*
ساهر زعل وسكت
لؤي ناظر ساهر: ترا امزح معك
ساهر ابتسم
لؤي: شف الورع انبسط
ساهر: عندك اخويا؟؟
لؤي: ايه
ساهر: من؟؟
لؤي: اولاد عمي
ساهر: ايش أسمائهم؟؟
لؤي: ثامر و مؤيد و ايهاب
ساهر: اها
لؤي و ساهر جلسو يسولفون و قرر لؤي يخلي ساهر واحد من الشله
اما عند فارس
فارس: ها نوري خلصتي؟.
منيره: باقي ذهببب
فارس: زين
منيره راحت و اختارت ذهب و دفع فارس
فارس: ها رضيتي الحين؟؟
منيره: اي
فارس فتح لمنيره الباب و حط أغراض منيره داخل السياره
فارس: زين ادخلي و انتظريني بروح اجيب من ذا البقاله كوره لعبود و اجيتس
منيره: زين
راح فارس و اشترا كوره و حرك للبيت
منيره: شكرا فارس
فارس: حركات عبود الي مانخلص منها
منيره: ليش ماتبيني اقول شكرا على الاقل؟؟
فارس: مابي تقولين شكرا سوي لي شي انا بعد
منيره: وش اسوي؟؟
فارس ابتسم: ولا شيء بعدين اقولتس
منيره استغربت: زين؟
فارس: مع السلامه
منيره: مع السلامه
راحت منيره تشوف الفستان و استانست عليه و لبست الكعب و حطت الذهب و بعدين غيرت و راحت تساعد عمتها
يوم العزيمه......
ام مطلق: اسرعو يا بنات اسرعو مطلق مستعجل و مو فاضي لنا بسرعه!!
راحت منيره تسوي شعرها بسرعه بس عيت تقدر تستعجل
ام مطلق: منيره اسرعي الكل خلص!!
منيره زعلت: عمهه
ام مطلق: اسرعي يا منيره
منيره ضمت عمتها: تكفين انتظروني محد قال لي انها اليوم
ام مطلق: زين اسرعي بنحاول ننتظرتس
منيره حاولت تخلص بسرعه و الدمعه بعيونها
ام مطلق: منيره؟؟ والله تأخرنا اسرعي مطلق ماعنده صبر
منيره: تكفين عمه صبرر
ام مطلق راحت لل مطلق و قالت له ينتظر
منيره اتصلت على فارس و واضح من صوتها بتصيح: الو فارس
فارس: وش السالفه؟؟
منيره قالت له و ضحك
فارس ضحك: افا تصيحين عشان شي بسيط خلاص انا اوديتس انتي و امي بس قولي لعمتس و ابشرو بسعد
منيره قالت لعمتها
ام مطلق ضحكت: طيب ليه تصيحين يماما؟؟
منيره: خفت تروحون عني و انا نفسي اروح العزيمه
ام مطلق: اجال خلاص بقول لمطلق و اجيتس
راحت ام مطلق و قالت له و رجعت تستنا منيره
منيره: عمه؟؟
ام مطلق: عيونها؟
منيره: الحين فارس من وين جايب ذي الصفات يعني هو على من طالع؟؟
ام مطلق ابتسمت: على امي
منيره ابتسمت: ينفع اقابلها صح؟
ام مطلق: ايه تقدرون تروحون لها تعتبر جدتكم
منيره: كويس
ام مطلق: ها خلصتي؟؟
منيره: اي بس شرايتس؟؟
ام مطلق: ماشاء الله تف تف تف ياحلو تس طالعه ورده حمراء والله اليوم الكل متكشخ و بسم الله عليكم تجننون
منيره: ياعمري
ام مطلق: يلا ياحبيبتي روحي البسي و تعالي
منيره: زين اصبري عمه بروح شوي و اجي
راحت منيره و صورت نفسها على اساس ترسلها بس فارس دخل عليهم و هو متأخر مره على العزيمه
فارس: ها يالغاليه خلصتو؟؟
ام مطلق: انتظر منيره
فارس: يووه عاد اسف يمه اعرف اخرتس
ام مطلق: لا عادي ياحبيب امك اصلا منيره مثل بناتي و هي كانت اكثر وحده تسوي للبنات شعرهم ف مالقت وقت عشان تسوي لنفسها و خافت اننا نروح و نتركها
فارس ابتسم و حب راس و يد امه: يعطيتس العافيه يل غاليه الي مافي مثلها غاليه
ام مطلق ابتسمت: هرها هناك
فارس: زين بروح و اجيتس
ام مطلق هزت راسها
و راح فارس لمنيره و فتح الباب
فارس: وش ذا الزين؟؟ بعدين وش رايحه عرس ولا عزيمه انتي؟
منيره: وي شلون دخلت انت!! يمكن في بنات!!!
فارس: محد فيه غيرتس انتي و امي الباقين كلهم متحاشرين و عماني ماخذين جدي و جدتي و اخواني ماخذين بنات العم و عيال العم
منيره: يوووهه عاد ليكون عبود راح معهم..
فارس ابتسم بخبث: الحين يصايح عندهم احسن محد قال له يروح
منيره: شرايك بس؟؟
فارس: قمر احمر
منيره ابتسمت: يلا بلبس نقابي و عباتي و اجيك
راحت منيره تلبس عبايتها و راحت هي و عمتها ركبت قدام و هي ورا
منيره: الحمدلله اني ملبسه عبود ولا كان رايح معهم وملابسه كلها تراب
فارس ضحك: يووه عاد لقا له اخويا الخراب بكرا يجيتس وجهه مفقع
منيره: وي بسم الله عليه ليش يجي مفقع وجهه؟؟
فارس ابتسم: ماتعرفين لعب العيال؟؟
منيره: عمري لعبت معهم؟؟
فارس ضحك: لا بس كانو اخوانتس مانعينتس
ام مطلق: اي اتذكر قبل كانت منيره هي و هناء دايما يناظرونكم و يبون يلعبون معكم و يجون يصيحون عندنا عشان اخوانهم ضاربينهم على اساس انهم بنات و مايلعبون معهم حتى ان ام منيره كانت تقول عيب تلعبين مع العيال ف بعدين انا اتذكر اني جبت لهم لعبه كانت هناء هي و منيره و بنات عمهم يلعبون مع بعض
فارس قعد يضحك: اتذكر في مره اخذت هناء عشانها زعلانه من مطلق و فهد  ف اخذتها تلعب معي انا و كانت منبسطه بس منيره كانت تناظرنا و هي قاعده تصيح كان ودي اخذها تلعب معنا بس ناصر كان شوي و يرفسني لاني من قبل شوي اناظرها ف بيوم من الايام اخذت لمنيره و هناء حلويات عشان مايشغلونا و يقعدون ياكلونهم و رحت ناديتهم و عطيتهم حلوياتهم و راحو و قالو لعمتي اني عطيتهم الحلويات و نادتني قالت كم دفعت عليهم و سويت نفسي غبي قلت وش؟ قالت لي الحلويات قلت خمس ريال قالت ذول كلهم خمس ريال؟؟. قلت لا ياعمه مابي فلوسهم ذي هديه جبتها لهناء و قلت لها تعطي منهم بنات عمي و قالت زين و رحت
منيره ضحكت هي و عمتها و نزلو من السياره
منيره و ام مطلق: مع السلامه
فارس: مع السلامه
____________
خلص البارتتتتتتتت