عشق ماينسا له عاشق
مطلق: مابي شي بس سويت انا و ياسر مرجيحه بالشجره لتس و للبنات
هناء استانست: صدقق
مطلق: ايه بس اطلعي اوديتس لها
هناء: بقول للبنات صبر
مطلق: زين
هناء طفت المايك: بنات مطلق و ياسر سوو مرجيحه لنا
سلمى استانست: وينها؟؟
هناء: سووها بالشجره يقول مطلق انه بيوديني للمكان و انتو كونو وراي
سلمى: طيب
راحت هناء ورا مطلق و باقي البنات راحو و بعضهم ماراحو
راحو البنات و الكل يبغا يلعب
هناء: انا ابغا العب اول شي
ياسر: اول شي اختي معليش يعني
هناء سكتت و ماردت عليه: مطلق ابغا اول شي
مطلق ضحك على ياسر: قويه مو؟
ياسر ابتسم: الظاهر
سلمى: انا بالعب قبلك هناء
هناء: طيب
جلست هناء و البنات ماكانو يسولفون معها كانو يعتبرونها طفله عشانها اصغر منهم ب كم سنه راحت هناء و جلست جنب الهنوف و نور
الهنوف سكتت هي و نور
الهنوف: شعندك هناء محتاجه شي؟؟
هناء حست انها نشبه و قامت: لا سلامتك
هناء راحت عن البنات و راحت ل مطلق ب الاسطبل
مطلق: مين مزعل حلوتنا؟
هناء: مطلق ابغا اتمشى معك على بال ما البنات يلعبون و يجي دوري،،
مطلق نزل من الخيل: زين بس برجع الخيل مكانه و اجيتس
ياسر: وين؟
مطلق: بروح شوي و اجي بعدين
هناء ناظرت ياسر بحزن: أبغاه شويه و يجيكم
ياسر ناظر هناء: زين
ياسر بنفسه: يامن زعلها لو ماتعرف زعلها غالي علي.....لو درت ب ايامي راح تعرف من هي.....اخذت قلبي و قهرتني بزعلها...احترقت و انا اناظرها و كأني انا الي غلطت غلطة عمري...... تشوف الطيبه بعيونها و ترتاح......لو درت اني احب اسلوبها كان ماخلت لي زمن ارتاح....سؤالي هو يا هناء ******؟
(الشعر او القصيده انا الي سويتها و ترا ماعرف عن القصايد و الشعر بس انا اشوفهم بقصص نجد و حسيت ودي اسوي ف سويت و اسفه اذا كان في أخطاء عشاني مو مره اعرف للقصايد او الشعر)
هناء ارتبكت من نظرات ياسر و ياسر لاحظ و لف و قام يناظر بمطلق
مطلق: زين يلا مشينا ياهناء مع السلامه يا ياسر
هناء بحزن ابتسمت: يلا مع السلامه
مطلق ناظر هناء: وش عندك؟
هناء: ابي اسولف معك،،
مطلق ناظر هناء: طيب سولفي
هناء: مطلق انا نشبه؟؟..
مطلق قال بهدوء: ايه و كثير بس ليه تسألين؟
هناء ناظرت مطلق بنظره جاده: قل الصدق مو قاعده امزح!
مطلق: طيب الصدق لا مب مره يعني شوي
هناء: اها طيب،،
مطلق: شسالفه؟.
هناء: ولا شيء..
مطلق: قولي وش السالفه بسرعه
هناء: لا بس البنات مايسولفون معي و انا طفشانه و كل مارحت عندهم سكتو و قعدو يناظرون بعض
مطلق: اها بس كذا؟.
هناء: ا.ايه؟ليش..
مطلق: يمكن يتكلمون عن اشياء مب للاطفال؟
هناء بغضب: شقصدككك
مطلق ضحك بخبث: قصدي الي فهمتيه
هناء صارت تلحق ب مطلق تبغا تضربه
لين مطلق وقف و هو يضحك و جاه كفين
مطلق ضحك: بالله كذا تضربين الناس الي يزعجونتس؟؟
هناء: اعرف اعرف الضربات قويه
مطلق ضحك: تسلكين لنفستس؟
هناء لفت و قالت بنبرة ضحك: انقلع
مطلق ضحك: هاا ضحكت ضحكت
هناء قعدت تمسك نفسها عشان ماتضحك: ياخي خلاص ريح نفسك ماراح اضحك
مطلق ضحك: ضحكت ضحكت ضحكت
هناء استسلمت و قعدت تضحك
مطلق ابتسم: جعل الضحكه دومم يلا روحي نامي تأخر الوقت
هناء ناظرت الطريق و خافت: مطلق احنا ضعنا؟.
مطلق كان يبغا يخوف هناء زياده و كتم ضحكته و قال: اح ضعنا يا هناء
هناء خافت و قعدت تناظر مطلق و تناظر المكان المليان بشجر: مطلق بلا استعباط
مطلق: امزح امزح من هنا الطريق
هناء: الله يقلع بليسك قلبي كان بيطيح في بطني
مطلق ابتسم: بسم الله على قلبتس
و مطلق رجع هناء و حب راسها
مطلق شاف وجه هناء النعسان و قرر يسوي نفسه مب مانعها هالمره: عاد هالمره ماني مانعتس تبين تنامين ولا لا بكيفتس
هناء: صدق؟
مطلق شاف وجهها الي راح عنه النعاس: ا.ايه،،
هناء جت بتركض لل بنات بس مسكها مطلق
مطلق: ا.اسمعي غيرت رأيي ارجعي نامي
هناء ناظرت مطلق بغضب: حيوان
فهد شاف هناء مب نايمه: ياااا هناء
مطلق ضحك: عشان كذا مانعتس ذا جا و اذا ماشافتس نايمه بيصفقني و يصفقتس
هناء: يابعددد الدنيااا والله احبك بروح ادخل قبل مايجي ذا المجنون يصفقنا
راحت هناء و هي تركض بتدخل البيت
مطلق ضحك: ياعزتي لك يا فهد صرت مجنون و انت ماتدري
بس يلبى الفزعه الحمدلله جا بوقته
فهد: وراها ذي هجت؟؟
مطلق: تدري اني احبك
فهد استغرب من مطلق و يوسف لان يوسف قايل له احبك: قامت القيامه وانا مب داري؟.
مطلق ضحك: استغفر ربك يا حمار ليه ماتبيني احبك؟؟
فهد: استغفرالله بس غريبه انت و يوسف قايلينها بنفس اليوم.. متفقين علي؟
مطلق ضحك: لا شدعوه نتفق عليك عاد من زينك
فهد: ازين منك
مطلق ضحك: يمكن انت أنقذت يوسف مثل ما انقذتني
فهد: من وش انقذتك انا؟ ماتذكر
مطلق ضحك: ولا شيء
فهد ناظر مطلق و هو مستغرب بس ابتسم: جعل الضحكه دوم
مطلق ابتسم: امين وياك
فهد: ها ماودك نطلع من ذا المزرعه الكئيبه و نروح نفحط
مطلق ابتسم بشمئزاز: عشان كذا يخلص البانزين حقك كل يوم و تجينا سيارتك فيها تكسير ياوجه النحس
فهد: يوووه عاد بتفتح محاضره من جديد؟؟
مطلق: لا لاني امس مفحط
فهد: ايه زين سد حلقك
البنات رجعو و نامو
فهد: ها وش نسوي؟؟
مطلق: بروح انام عز الله شكلنا ب نخيم هنا
فهد: يازينك و انت ساكت اقول محد يفهمني غير خالد وينه؟
مطلق: عانه هناك
فهد: زين
راح فهد ل خالد و جلسو يسولفون
خالد: حبيبي والله
فهد: لا عاد تبي الصدق؟
خالد: ايه ابي الصدق
فهد: تذكر ذاك الولد الي تهاوشت انت معه؟
خالد: ماتذكر في كثير تهاوشت معهم اي واحد فيهم؟؟
فهد: ذاك المهايطي الي جايك يقول ابوي احسن من ابوك عشان ابوه اشترا سياره جديده قام يهايط فيها تذكره؟
خالد ضحك: وش تبيني اذكر ذاك المهايطي ايه توني تذكرته بس كنا بزران يخوي
فهد: ايه ادري اننا كنا بزران بس مانب مرتاح له ليومك هاذا احس فيه بلا
خالد: يبوي احلف لك لو تتعرف عليه الحين تنجلط من اسلوبه ينحب على طول
فهد ضحك: شكلي بتعرف عليه مدامك تمدح اسلوبه
خالد ضحك: مب لهدرجه بس والله ينحب
مطلق جلس يناظر خالد وفهد و هو مبتسم
قعدت اضحك عليهم و حلفت مافوت ذا السوالف ل اطلع حرتي في كل من قهرني و اقول لهم اذا سوالفي مسموعه من عيال عمي و اخواني انا واثق فيهم اكثر من نفسي
مطلق جا عند فهد و خالد و جلس
فهد: شسالفه مب تبغا تنام؟.
جدهم جاهم: ياولد انت وياه مارقدتو للحين؟؟
مطلق: والله يالغالي ماجانا النوم جلسنا نسولف
الجد هايف: اجال شكلي بجلس معكم حتى وانا جدكم ماجاني النوم الظاهر
مطلق قام و جاب مركه و هو يضحك: هلا بك يا جد تو مانورت الجلسه
الجد: النور نورك و انا جدك هاه شفيكم سكتو؟؟
ياسر شاف انهم جالسين و جا: وش فيكم جالسين هنا يا جد؟؟
الجد هايف: لا ابد نسولف
ياسر: مدام فيها سوالف لازم لها شاهي و ننادي جدتنا حلوتنا عشان لا سمح الله يمكن اقول فضايح يا جدي و تجلدني مافي محاميه غير جدتي
الجد هايف: يعقب تهرب ورا جدتك لا شكل المدينه خربتكم الله لا يبلانا بس
ياسر ضحك: لا يا جد بس الي بقوله بيصدمك و من الصدمه راح ترفسني انا و ذول الي معي
مطلق ناظر ياسر: اجال لا تتكلم يرحم لي والديك
الجد هايف: ماعليك ماراح اجلدك لا انت و لا هو بس اجلس مب لازم تجيب جدتك
ياسر ضحك: زين اجال والله انا اسف بس انا الي حكيت سيارتك يوم كنت صغير و حطيتها بولد الجيران
الجد هايف: نعنبو بليسك الله يل** من جابك الحين انت مخليني اهاوش البزر و انت الي حاكها؟.
ياسر: ياجد والله كنت صغير مافهم
الجد هايف: زين زين
مطلق ضحك: احلف انك ماراح تسوي شي
الجد هايف: قل
مطلق: لا اول شي احلف
الجد هايف: ابك شفيكم انا ماسوي شي!!!
مطلق: زين شف انا اسف والله بس تذكر يوم قلت لك ان في واحد سرق الغنمه؟ انا كنت سارقها و عطيتها ابو نايف لاني كنت احبه
الجد هايف: ايه و كلفتنا من جديد خمس ميه و جبنا وحده ثانيه الله لا يوفق عدوك
مطلق ضحك: و اتذكر فيه مره جيت عند العامل و فتحت الشبك حقه و ركضت للغنم حقه عشان يهجون و يروح وراهم كل ذا لانه قال عني يا بزر انتا في كلام بابا قال انا يبغا غنم؟؟ اقوله ايه احسن بس يقول لي حسبي الله اقول له لا تدعي يروح يدعي الدلخ مايدري لو مامشا ب الغنم حقه كان صار غنمه خايس
الجد هايف: سويت فيه خير
فهد: جدي اتذكر مره يوم قلت لي لا تضرب بنات خلق الله كنت اقول لك ايه ايه ماراح اضربهم و انت كنت تهاوشني قدامهم و يوم رحت انت جتني وحده غثيثه ضربتني و انا على نياتي صغير مافهم رحت وشديت شوشتها حسبتها تلعب معي الا فجأه تصرخ و تهرب مني و انا قاعد الحقها بشد شوشتها
الجد هايف: اللهم حسن الخاتمه
خالد: اسمع جدي تذكر يوم ريان راسه صار منتفخ و امي قالت شكله ناموس و ب ذاك الوقت كانت البطيخه ضايعه؟؟
الجد هايف: اييه؟؟
خالد: انا كنت رايح و جايب نص البطيخه و راميها على راس ريان بالحوش و كنست البطيخه و طشيتها ب زبالة جيراننا ريان ماكان حاس فيها مره بس كان يبكي عشان راسه انتفخ
الجد هايف ضحك: اخخ ياربي للحين اتذكر يوم جاني قال اقراء علي
فهد وهو يضحك: ما اكذب عليك ياجدي انا الي خرشت عمي ابو سالم لانه كان قاهرني(يقولون ل ابو سالم عم بس هو مب عمهم، يعني بس من باب الاحترام)
الجد هايف: مالومك فيه كان يرفع ضغطك بكلمة يا ورع
فهد ضحك: بس يحليله اذكر يوم كان يغثني كان عمره كذا 17 ، 16 كذا بس الحين يحليله هو و اسلوبه
مطلق ضحك: ما امزح معك ياجد انا الي قطعت الكهرباء عشان انام لان بنات العم كانو يغثوني و مايطفون اللمبه
الجد هايف: قاطعن الله بليسك خارشهم و مخليهم يتراكضون عند ابوانهم و ندور ب الكهرباء و تطفي جوالاتهم الله يقلع بليسك
مطلق ضحك بصوت عالي على بنات عمه: ياجدي والله اني كنت نعسان و سحبتها نومه اتذكر اني صحيت على خيزرانة ابوي عشانه كان يدورني و مالقاني بالاخير طلعت تحت السرير نايم
الجد هايف: بعد تحت السرير؟؟ جب جب الخيزرانه جبها نعنبو دارك هين هين انا اوريك محد بيفكني منك الا الموت
مطلق: ياجدي هد والله اني كنت بزرر صغيير مافهم
الجد هايف قام: قومو ارقدو انت وياه بكرا بنروح للبيت و العصر بنروح عزيمه يويل الي مايخلص لا اكسر ذا الخيزرانه على راسه
الجد هايف ضرب كل العيال بخيزرانته و قال: صح اني حلفت و وعدت اني ما اضربكم على سوالفكم بس ذي الضربات لاني عارف ان في زياده
راحو العيال و هم يضحكون و جدهم مبتسم و راح الكل يرقد
...........**..........
فالصباح عند العيال
مطلق: يا عيال يلا مشينا
مطلق جاه اتصال من هناء
مطلق: السلام عليكم؟.
هناء: وعليكم السلام ورحمة الله و بركاته..
مطلق: وش هو استاذ داخل على طلابه؟؟ قولي وش بغيتي؟
هناء: لا بس ابيك تجي و توديني مكان المرجيحه مالعبت فيها امس!!
مطلق: زين زين روحي صلي و البسي عباتس و بعدين اجي اخذتس
راحو العيال و توضو و صلو و راح مطلق ل هناء و لعبت هناء شويه و معها لؤي
مطلق: ها ماطفشتي؟؟
هناء: مين يطفش من المراجيح
لؤي نط: انا طفشت
هناء تفشلت: زين خلاص
مطلق ضحك: هاذا و هو أصغر منتس ماخذ عرق النذاله من بعض الناس
هناء عصبت وقالت بصوت عالي: اييه الي اسمهم يبدأ بحرف الميم و ينتهي بحرف القاف
مطلق ضحك: ايه ايه مشينا يلا
هناء كان ودها تلعب اكثر بس حست انها زودتها و قعدت تلعب كثير و هم بيمشون
وراحو العيال و ركبو سياراتهم و مشو
بعد ما وصل الكل.....بالبيت
هناء: اخخ راسي دختتت
سلمى: سلام بروح انام
هناء: مع السلامه
حلا: مع السلامه
حلا: شرايك نسوي جلسه هنا و نخلي جدتي تجي و نقعد معنا؟
هناء: تمام
حلا راحت تسوي جلسه و حطت قهوه و شاهي و هناء قعدت تسوي بسبوسه
هناء: يارب تكون كويسه لاني مو متاكده من المقادير دايخه
حلا: سلامتك
هناء استغربت بالعاده حلا توبخ هناء اذا نست شي ابتسمت هناء و سوت البسبوسه و خلصت
هناء بابتسامه: حلا؟
حلا: ها؟
هناء بابتسامه: ليتك تكوني كذا دايما
حلا لفت راسها: ان شاء الله
هناء حست ان حلا فيها شي: حلا فيك شي؟؟..
حلا: لا ولا شي سلامتك
هناء: حلا انا بنت عمك قولي و ماراح اقول ل احد ترا انا اتضايق لما اشوف احد زعلان جنبي،،
حلا: لا بس امي
هناء: وش فيها عمتي؟؟
حلا: ضربتني امس عشاني اسوي هواشات كثيره بين بنات عمي
هناء: بس كذا؟..
حلا بصوت مهزوز: لا انا مب زعلانه من الضربه بس زعلانه لاني فشلت و خيبت ضن امي امي كانت تقول لي توعديني ماتسوي مشاكل بس انا اخلفت الوعود انا مو حقت وعود انا فاشله
حلا ناظرت هناء الي كانت تناظر حلا بابتسامه و قالت: دلخه اول مره اشوفتس تبكين قدامي بس عشانتس اخلفتي الوعد الي بينتس و بين امتس بس تدرين يا حلا؟؟ ترا عمتي طيبه و راح تسامحك انتي بس اعتذري منها و ادري انها تسوا و المفروض ما اخلفتي بوعدك بس انتي ماكنتي مدركه انك بتتهاوشين مع وحده الا و هي غاثتك
حلا ناظرت هناء و مسحت عيونها و صرخت: انقلعي اشتغلي
هناء انخرشت: مو كذا تسوين فيني كنت انصحك
حلا ضحكت بصوت خفيف
هناء: حيوانه قاعده تضحكين علي
حلا: خلاص خلاص سوي البسبوسه و اخلصي علينا
هناء تأفأفت: ننن ننن زين زين انا اوريتس
حلا ناظرت هناء و قعدت تضحك: اذا في امك خير سوي مقالبك السخيفه
هناء: الشاهيييييي
حلا انخرشت و ناظرت الشاهي بس مافيه شي
هناء بضحك: امي مافيها اجال؟؟ اقول لها؟؟
حلا قعدت تلحق هناء و هناء كانت خايفه تمسكها بس ماتنكر انها كانت تضحك
سلمى شافت ان ماجاها النوم و قامت و راحت الحوش
هناء: سلمى سلمى ترضيينن تبي تضربني
سلمى كان راسها مصدع: ايه ارضى
هناء: سلمى وخريها عني
سلمى: حلا وقفي خلاص ترا مصدع راسي
سهام: شوفو من صحت
سلمى: اقول اص
سهام: البقره الي تعرف سوالف الحاره كلها
سلمى: اهب و انا اقول ليه راسي مصدع طلعتي معطيتني عين عشان انسا كل سوالفهم انتي اخت ولا عدو!!!
سهام: شدخلل استغفرالله بس
سلمى: اقول اسكتي انتي و لسانتس ذا الي اطول منتس ترا راسي مصدع و مالي خلقتس
سهام: يوووووووه معجززهه ام لسان طويل راسها مصدع كنت احسبتس غبيه لانهم يقولون الاغبياء مايجيهم مرض
سلمى: عشان تسذا ماجاتس مرض تقلعي بس
سهام: يالليل خلاص كلي ز*
حلا: سهاااممم امسكيهاااا
سهام: ازهليها
مسكت سهام هناء
حلا: كفو يا بنت العم
سهام: كفوتس بس وش سوت هي؟؟
حلا قالت ل سهام السالفه
سهام بشمئزاز و غضب: سوت معي نفس الشي
حلا بغضب و عيونها حاره كانها نار
هناء انخرشت و حاولت تهرب
سلمى كانت تناظرهم و تشوف عيون سهام و حلا كانها نار و قعدت تتفرج
حلا قعدت توبخ هناء و سهام قعدت تقول بكت بكت
هناء ناظرتهم و ناظرت سلمى
سلمى قعدت تضحك: خلاص تقلعو الا بنتي
سهام: يااا سلااام صارت بنتك الحين؟.
سلمى بضحك: ايه صارت بنتي
سهام ضحكت من ضحكة سلمى: ترا مب يعني اني ضحكت يعني راح اتقاضا و ماراح أرضها!! بنتس ذي يحتاج لها تاديب
سلمى: خلاص عاد بلا استعباط تراكم خرشتوها عيونكم تطلع منها نار قبل شوي
حلا: زين زين
سلمى اخذت هناء معها و هناء ناظرتهم و مدت لسانها مثل مايسوي لؤي
حلا اشتبت عيونها نار و الا بصوت عالي: هنااااااااء
مطلق سمع الصوت و دق على هناء
هناء: هلا؟.
مطلق: وش صاير؟.
هناء: انا بموت...
حلا: محدد بيفكك مني هالمره لا سلمى و لا عمتي ياااااااا حقيييره
هناء: تسمع
مطلق ضحك: وش مسويه؟.
هناء قفلت الباب و حلا تطق الباب
هناء بصوت خفيف بعيد عن الباب: اسمع انا بالبس عباتي و بنط من الدريشه و بعدها بجيك ركض
مطلق كتم ضحكته: زين زين
هناء لبست عسريع
و شافت سهام قاعده عند الدريشه و تنتظرها تنط عشان تمسكها
هناء نطت و دفت سهام و فتحت الباب بسرعه و ركضت و قعدت تضحك
مطلق فتح الدريشه و هو يضحك: افا يا ذا العلم
هناء قعدت تضحك: كيف برجع،،
مطلق من الضحك عيا يتكلم
هناء ضحكت: خلاص ياخي
مطلق قعد يضحك: وش سويتي انتي
هناء: بنت عمي حلا عصبت علي لاني قلت الشاهيي و كنت اصرخ و هي حسبته انها طاح و انكسرت الدله معه و انا خرشتها ف قعدت تلاحقني و خلت سهام تفزع لها و انا مسكينه و بعدين سلمى قعدت تضحك و تدافع عني و بعدين هدو و انا بطريقي مع سلمى مديت لساني و حلا عيونها قلبت نار و قعدت تلحق فيني ياخي تخوفف
مطلق قعد يضحك: قومي انزلي الله يصلحتس روحي لهم مانب عارف وين اوديتس
هناء: قدهاااا؟
مطلق ضحك: اييه قدها
هناء ماعرفت وش تسوي: تففف
مطلق ضحك: بوجهتس
هناء: نينينينيني
مطلق: تتطنزين علي الحين؟؟ زين زين اوريتس
هناء: طقت الباب و غيرت صوتها و حركة نقابها
سلمى: مين؟؟
هناء: جارتكم ام علي
سلمى: حياتس الله
سلمى بصوت خفيف: سهام و حلا ادخلو بسرعهه
سلمى: هناء ترا هجو ادخلي بسرعه
هناء قعدت تضحك: يعطيتس العافيه
سلمى: وياتس
سهام قعدت تناظر الا ذي هناء منزله العبايه هنا سهام قفلت معها و جابت نعولها الله يكرمكم
سهام: ام علي أجالي ها؟؟
هناء راحت ورا سلمى
سلمى: ابعدي عني يا هناء ماعندهم سالفه ماراح يضربونتس
سهام رمت نعله على هناء و جابت هت شوت(جت النعله برأس هناء)
هناء دمعت عيونها: اييييي راسييي حسبييي الله
سهام ابتسمت ابتسامة النصر: احسن باقي حلا تعطيك وحده
حلا جابت اكبر نعله تعور و رمتها على هناء الي توجعت مرهه
حلا: احسن عشان بعدين تعقلين
اما سلمى جلست مصدومه اوكيه نعلت سهام عادي يعني مب قويه مره بس حلا جايبه نعله كبير و قويه مره تشبه الكعب و اقوا
سكتو البنات شويه و فجأه يطلع صراخ هناء الي قعدت تصرخ و تبكي
حلا انفجعت و ماكانت مستوعبه انها جايبه نعله كبيره و قويه و حست ان القهر اعماها
حلا قربت من هناء و هناء بعدت عن حلا
هناء و عيونها دموع تصب قعدت تشهق: م.ماتوقعتها م.منكي ك.كنت ا.امزح ب.بس م.ماتوقعت ت.ت.تض.تضربيني
أنت تقرأ
عشق ماينسا له عاشق
Rastgeleتتكلم القصه عن أفراد عائله اي كل من أبناء ابو هايف يسكنون في بيته لكن بعض أبناءه لديهم أشغال في المدن الثانيه كما أن الجامعه مهمه لدا اولاد أبناءه مابين الصراع في الأعمال و المهن و من ثمها في الإجازات يقضونها لدا ابو هايف من ثمها تبدأ قصص الحب ما بي...
