عشق ماينسا له عاشق

بارت 7

عشق ماينسا له عاشق
ابو مطلق: ايه زينن
العمه ام سامر: و هاذي احلا كبده سوتها لكم ام قلب رهيف منيره
فارس جته رساله من منيره مكتوب فيها: ان شاء الله ترضى حاولت اسويها مثل ماتسويها عمتي لك عاد ذوقها قبل الكل اذا كانت مالحه وخرها عنهم و ايموجي ضحكه
فارس ارسل لمنيره: طبخ امي بالكبده محد يقدر له بس مدامتس حاولتي اعلمتس ان كل شي من يدتس حلو يا رهيفة القلب منيره و ايموجي ضحكه
منيره شافت رسالة فارس و ابتسمت و اكلت من الكبده و عحبتها و استانست و حست انها بتعجب فارس اما فارس اكل منها و اعجبته و ارسل لها حلوه شافت منيره الرساله و ابتسمت و كملت اكل هي و الحريم
اما عن فارس كان يبرد الكبده ل عبود و يوكله و ياكل
فارس: قل ااااا
عبود: ااااا
فارس: ابلعها لا تتفلها
عبود: حارررره
فارس ضحك: خلاص خلاص اتفلها
عبود تفلها و شرب ماء
فارس كمل و اكلو العيال و العمان و الجد و الجده و الآباء اكل و يالله لك الحمد
مطلق: انا بروح
ابو مطلق: اذا جتني السياره فيها شي ولا مقلوبه بوريك شغلك
مطلق انخرش كيف ابوه عرف: لا لا ماعليك ماراح يصير الا كل خير
فهد: بخاويك
ياسر: جاي معكم
لؤي: الا يبا شرايك تخليني اجرب السواقه؟؟
مطلق ناظر لؤي: تعال انا بعلمك لا تزعج الوالد خله يرتاح
ثامر: حتى انا ودي اني اسوق
مؤيد: انا بعد
ايهاب: اذا الكل يبي يسوق حتى انا بسوق
مطلق+ ياسر: تعالو نعلمكم
ابو مطلق: والله اذا علمتهم-
مطلق: والله ان نيتي زينه و اني ابي اعلمهم يا يبا
ابو مطلق: تقاطع كلامي انا؟؟
مطلق انتبه و تنحنح: محشوم يبا
ابو مطلق: تقلع انت وياه لا الحين اكسر هل خيزرانه فظهوركم
راحو العيال و بعدو عن المكان حق الرجال عشان يقدرون يعلمون و ياخذون راحتهم
ياسر ضحك: عاد الحين سموني المعلم ياسر للقياده
مطلق ابتسم بخبث: قصده للفساده
ياسر جا بيضرب مطلق بس مسكه مؤيد
مؤيد و هو يضحك: ماعهدتك تنغث على طول كان أحد قايل لك يا ورع
ياسر عصب و مطلق ماهمه اما عن فهد ابتلش ب خالد الي كل شوين يضمه عشانه قال له سالفه عن عدو خالد و الحين مسك شي على عدوه الدود
لؤي: ها وش اسوي الحين؟؟
ياسر: شغل السياره الحين و حرك ذا و ادعس
لؤي دعس بخفيف و مشا
مطلق: والله لو اسوي سباق معك اسبقك وش ذا السواقه التعبانه
لؤي: اقول انطم الحين تشوف السواقه الصح
لؤي دعس و فحط و ناظروه مطلق و ياسر يوم وقف كانه يعرف من زمان كيف يفحط
مطلق: تعرف وش سويت الحين؟؟
لؤي: فحطت
مطلق: من معلمك؟؟
لؤي حاول يصرف: جت كذا صدفه
فهد: صدق؟؟
لؤي: ايه ليه مب مصدقيني؟؟
مطلق استغرب: لالا مصدقينك بس كمل
لؤي كمل و دعس و فحط من جديد
مطلق: لا عاد ذي مب بصدفه!! ذي المره انت قاصده و قاعد تحرك يدينك على كيف كيفك
لؤي ناظر مطلق الي كان مركز بيدينه و ماعرف ان مطلق بيقفطه: يدي تنفلت
مطلق: يعني الحين لازم اصدقك؟؟ اقول قل من معلمك التفحيط
لؤي: انا معلم نفسي
مطلق: بسيارة مين؟؟
لؤي: بسيارة ابوي
مطلق: ماجاها شي؟؟
لؤي: لا ماجاها لاني ماكنت افحط فيها كنت اتعلم كيف اسوق و بعدين عرفت كيف افحط بس مانب مدمن تفحيط زي الي ورا
فهد: شقصدك؟؟
لؤي: الي انت فاهمه
مطلق: زين مدامك تعرف انزل
ياسر من شدة الصدمه عيا يتكلم
ياسر: ليه ماعلمتني عشان اجي افحط معك يا حمار
لؤي: اقول دز بس
راحو العيال و هم يضحكون على مؤيد الي يوم تحركت السياره انخرش و شهق و قلبو طقطقه عليه
عند فارس و منيره
فارس: منيره تعالي
منيره: مشغوله يا فارس
فارس: تعالي ابي أوري النجوم ان قمرهم معي
منيره استحت: طيب شويه و اجي
سلمى ضحكت: اثقلي
فارس ابتسم و انتظر منيره
منيره: جيت يلا نوري النجوم اني مع ليلهم و ليلهم معه قمره
فارس: مايكتمل الليل بدون قمراه
منيره استحت و فارس اخذ منيره و جلس بعيد و جايب شاهي له و كان الجو بارد
فارس شاف منيره قاعده تحاول تدفي نفسها
فارس: خذي الشاهي و امسكيه لعله يدفي يدينتس
منيره اخذت الشاهي و دفت نفسها وشربته و خلص
فارس لاحظ ان منيره بردانه مره: خلاص ادخلي داخل برد عليتس
فارس حب يد منيره و راحت منيره ركض داخل راح فارس و هو مبتسم ل عبود الي كان بردان بس يكابر عشانه يبي يجلس مع عمانه و خواله و جدانه
فارس: عبود ادخل داخل برد عليك
عبود: لا ابي اجلس مع خوالي و عمانيي
فارس مسك عبود و رفسه: ادخل داخل
عبود طاح ومد لسانه و هرب داخل
فارس ضحك: كذا نظامك؟؟
اما عن ابو مطلق ف كان يناظر فارس بنظرات استحقار
فارس ناظر ابوه و هو منخرش: ي.يبه شفيك..؟
ابو مطلق: ليه ترفسه؟؟ رفستك ناقه الحين انا قد رفستك و انت صغير الا يل
مطلق: يبا اقوم عليه؟؟
ابو مطلق: لا انا الي بقوم
قام ابو مطلق و معه الخيزرانه و قال: بسم الله نبدا ضرب من اول و جديد
فارس: يبه كنت امزح
ابو مطلق: وقف يا ولد لا الحين الطمك تعال
فارس: عشان تلطمني صدق؟؟
ابو مطلق أشر بخيزرانته: ايه انا واقف عشان الطمك امسكوه
مطلق و فهد مسكوه
فارس: افااا عضيدي خانني
مطلق ضحك: مقدر انا امشي على أوامر ابوي
ابو مطلق: خل عضيدك ينفعك الحين
ابو مطلق حاول يجلد فارس بس كان يتخطى ضرباته
فارس و هو يحاول يتخطى ضربات ابوه: يبه اصبر اصبر شوي خلنا نتفاهم اخر مره ماراح اعيدها
عاد ابو مطلق تنرفز و ضربه من النص ف بطنه طاح فارس و هو يتألم: ااااهه يبه انا رفسته بخفيف مهب بقوه اذا كل ذا عشاني رفسته معاد برفسه
قام فارس و عدل جلسته
ابو مطلق: حفيدي خط احمر
فارس ضحك: ابد اجال محد يلمس حفيد ابو مطلق
ابو مطلق: الكلام للكل الي يضربه اتوطى في بطنه
العيال: تم
هناء: هيه فارس
فارس: هلا؟
هناء: منيره تبغا دواء مدري وش هو بس هي تقول انها تبيه منك
فارس: زين
و اعطا فارس هناء دواء
هناء أخذته و راحت و عطته منيره
منيره صبته و عطته عبود
عبود الي كان تعبان و شرب علاج الفراولهه
فارس نادا عبود
عبود: همم؟
فارس: اوجعتك انا يوم رفستك؟؟
عبود سوا نفسه زعلان: ايه
فارس كشف عبود: افااا
بعدها فارس مسك خدود عبود وفغصهم
فارس هو يضحك بسخريه: اسف لاني عورتك يل"ضعيف"
عبود: تفف
فارس: اتفل على نفسك لا الحين اقطع لسانك الصغير ذا
عبود: خلثت؟؟
فارس: ايه خلثت
عبود: تتطنزز علييي
فارس: ايه اتطنز
عبود جا بيدخل و هو زعلان بس مسكه فارس و هو يضحك
فارس طلع من مخباته حلاوه: امزح معك ياحبيب ابوك
و اعطا عبود الحلاوه
عبود حضن ابوه: شكرا بابا
فارس ابتسم و حب راس عبود: يلا الحين يا حبيب ابوك ادخل عشان ماتبرد يكفي انك تعبان تتعب زياده مايصير
راح عبود و دخل البيت
فارس: الا ايه وش الاخبار؟؟
مطلق: الحمدلله
فهد: ابك ابعدو ذا عني
مطلق ضحك: محد قال لك تقول له سالفه يمسكها على عدوه
فهد: يل بلشه ليتني ماقلت
خالد حس انه زودها و وخر: الله يعطيك العافيه كان ماسك على أشياء بس ذي الزله عليه تسوا كل الأشياء حقتي
فهد: حبيب
مطلق: يوووه يا فهد عنده سوالف كل الي بديره
فهد ضرب مطلق: قل ماشاء الله
مطلق ضحك: ماشاء الله
عبود راح ل ابوه
عبود: بابا ابي اجلس معكم
فارس: انت تعبان الحين و احنا مب فاضين تتعب زياده ف ادخل احسن لك عشان لما نرجع البيت مو تجيني و تقعد تصيح و راسي حارر مرره و تعبان و بطني يوجعني زين؟
عبود دخل بجكيت ابوه: لا ماراح اقول كذا
فارس: زين زين
فارس سكر جكيته و الي طالع راس عبود
عبود قعد يضحك
فارس ضحك: ياحبي لهل ضحكه
ابو مطلق ناظر فهد: اقول قم سو القهوه للرياجيل
فهد: ابشر
راح فهد يسوي القهوه
فهد: وش السُوات الحين
مطلق: صاحي انت صاحي؟؟
فهد: وش السوات يا مطلق لو عرف ابوي بيجلدني
مطلق: لا حول ولا قوة الا بالله اسمع قل الشهاده مانبي نموت الا و احنا شهيدين
فهد: وش نظام عسكر هو؟
مطلق: ياحبي لك اشوا انه نظام العساكره بعدين شف نفسك قاعد تسوقها مفحط بسيارة ابوي وراك مافحطت بسيارتك؟
فهد: الحين انت بدال ماتقول لي طريقه اهج فيها تروح تزود علي و تقول اني بموت؟.
مطلق: قلت لك الصدق تبغاني اكذب عليك بتطلع ميت و انت زعلان مني
فهد: لا تتفاول لا اهبدك ب ذا الدله
مطلق: عاد محد قال تفحط بمكان فيه قشع عاد انت جبتها لنفسك الكفر انفقش الله يسود وجهك قل امين
فهد: امين وياك
مطلق: لا لحالك انا شدخلني فيك؟
ابو مطلق: ياااا ولدد وينن القهوه؟ بمحل صيانه انت وياه كل ذا عشان تجيبون القهوه؟؟
مطلق: دحين راح نموت
فهد ناظر مطلق: لعاد تقلد سامر حتى ماتدري هو يسبنا ولا لا كلامه يجيب لي المغص في راسي
مطلق: ادري ف كذا معاد بقلده امش امش ابوي لو تأخرنا عليه شوي راح يجلدنا كذا ولا كذا
راح فهد هو و مطلق و معهم القهوه والشاهي
فهد: س.سم يبه
ابو مطلق ناظر فهد: سم الله عدوك
مطلق لاحظ ان ابوه مركز مع فهد الي مرتبك و حاول يشتت انتباه ابوه
مطلق: شلونك يالغالي؟؟
ابو مطلق: بخير
مطلق: جعله دومم
ابو مطلق ناظر مطلق
مطلق انتبه ان ابوه يناظر فيه وقال بدون تفكير: يبه بغيت شي؟؟
ابو مطلق ناظر مطلق بحده: وش مسوين انت وياه
مطلق عرف ان ابوه شاك: وش سوينا؟؟
ابو مطلق رفع عصاته: قل وش مسوين انت وياه
مطلق ابتسم و حب راس ابوه: الله يصلحك يبه انا ماسويت شي
ابو مطلق: يعني ذا مسوي شي
مطلق: لا ماسوا شي بس لاحظت تناظره وهو مرتبك من نظراتك
ابو مطلق: يعني مسوي حاجه
مطلق: لا بس يده حرقتها النار و مابغاك تخاف عليه
ابو مطلق: ورني يدك
مطلق ناظر ابوه بصدمه: ي.يبه ماتصدقني؟؟
ابو مطلق بحده: الا اصدقك افا عليك بس تعال يا فهد ورني يدك
مطلق تنحنح و ناظر فهد
اما فهد تورط بس حرق أصبعه بنار الي شابها بمساعدة خالد
ابو مطلق: اسرع تعال ورني يدك
فهد: ها شف
ابو مطلق ناظر يد فهد الي كان يصب و أصبعه ماكان فيه
شي! بس عرف انه حرق أصبعه بس سكت
ابو مطلق جلس: زين زين
لؤي: يبه الكفره حقتك منف-
فهد قاطع كلام لؤي: لؤي حبيبي سمعت امي تناديك
لؤي ناظر فهد و راح
ابو مطلق ناظر لؤي: وش فيها الكفره حقتي
فهد قاطع كلام لؤي من جديد: يبه ترا مافيها الا كل خير بس ذا جاي يتفلسف في مره سواها معي و مع خالد طلع قاعد يتكلم عن لعبه
ابو مطلق ناظر فهد: زين زين
مطلق الي ابتلش بفهد و هو عارف انه بيلقم بعد لانه كان معه
فارس ناظر فهد و قال بهمس: وش فيك؟
فهد بهمس: مهب وقتك تكفى
ابو مطلق: وراكك انت ويااه
فهد انتفض: هاه ولا شي
ابو مطلق شك بس سكت و هو عارف مطلق يقدر يخفي اي شي عنه بس مايقدر يخفي ارتباكه هو و فهد
الكل قرر يرجع بيته و راح الكل اما ابو مطلق كان ينتظر العيال يدخلون الأغراض كلها بعدين يمشون بس لاحظ الكفر حقه مفقوش
ابو مطلق: اها و اقول ليه كان يقاطع كلام اخوه الرخمه زين زين يااااا فهدد يااا مطلق
فهد: س.سم يبه
مطلق: هلا يالغالي
ابو مطلق: سم الله عدوك الحين تعال انت وياه
مطلق قرب و فهد قرب
ابو مطلق: تذكرون يوم علمتكم كيف تسوون الكفر اذا انفقش؟؟
فهد: ا.ايه
ابو مطلق: زين سووها
فهد ناظر ابوه و هو مستغرب
ابو مطلق: لا تخاف انت وياه سالم يروضكم
فهد سوا نفسه خايف واتسعت عيونه اما مطلق ابتسم بخبث
مطلق: لا يبه تكفى
فهد: يبه الا ذا
ابو مطلق ناظرهم: عشان بعدين تتأدب انت وياه سووه الحين ذا
راح ابو مطلق و قعد فهد يضحك هو و مطلق و يسوون الكفره
بعد ماسووها و خلصو
ابو مطلق: رح يا فهد خذ امك و اختك و ودهم البيت اما مطلق بيوديني انا و عمانه و جده و جدته و عمته
راح الكل و بقا فارس هو و منيره و عبود
فارس: يا عبود منت بميت فك رجلي
عبود ببكاء: بابا انا خايف
فارس فتح النور بجواله: ها امسك الجوال انا معي قمري تنورني متى مابغيت
منيره استحت: خلاصص الناس تستحي ترا!!
فارس ضحك: ياحلو الي يستحون مني بسس
عبود تفل بوجه ابوه و هرب
فارس ابتسم بخبث و قال بصوت عالي: خليييه تاكله الذياب بعد شوي و نفتك منه
عبود انخرش و رجع ركض لامه
فارس عصب: ايه يروح لتس و يضمتس و انا لما يخاف بس يجي عند رجولي و مايضمني اما انتي يضمتس
منيره: الرجل القيور
فارس بغضب: من حقي اغار
منيره ابتسمت: تذكر انه ولدك مب عدوك
فارس ناظر عبود و مد لسانه
عبود: شوفيهه يمدد لسانه ليي
فارس بغضب قعد يتطنز ب عبود الين ما صاح عبود و تورط فارس
فارس ب ارتباك: اهه عبود شف انا مب قصدي اني اخليك تصيح يعني شف خلاص اسكت اسكت بيموتني جدك اذا شافك كذا
منيره شالت عبود: خلاص لا تصيح ذا نعلم عليه جدك
عبود ناظر ابوه و مد لسانه
فارس بغضب: ايه راضي الحين؟؟ يوم تشيلك توقف صياح وش ذا لهدرجه كارهني؟.
منيره بغضب: فارس خلاص اسكت!!!
فارس حاول يهدي: زين زين اركبو
ركب فارس و راح فيهم للبيت
فارس شال عبود عن منيره
منيره ناظرت فارس و دخلت البيت
فارس شال عبود و هو ساكت و دخله البيت
فارس: اخخ يا ذا اليوم