واخيرا خلصت من الامتحانات وراح انام براحتي كلت لأمي لاتكعديني لو الدنيا تنكلب
الام:نوم العوافي حبيبتي روحي
جمان:صدوك بابا وين
الام:يتأخر بالشركة
جمان.يلة باي..😴😴😴جريتها نومة منا لمن حسيت بابا يبوس بيه ويكول ماشبعتي نوم حبيبة
جمان:هممممم بابا بس شوي
الاب:بنيتي ياشوي الساعة ٩بليل
اني :يححح لاني نايمه هلكد ..كلت لبابا شيلني فدووة
الاب:تدلل بنيتي ...شالني ونزلنا شفت ماما تباوع طبعا ماما كولش تغار على ابوي كلتلها على عنادج ..كالت لبابا هسه تنزلها اني وبابا خربنا ضحك عليها ...شوي وكعدنا نتعشى وهكذا نفس الروتين الى ان اجى هذا اليوم
........................................
صكر :كعدت الصبح سبحت ولبست الزي وأخذت سويجي ونزلت لكيتهم كلهم كاعدين صبحت عليهم
الجد:وليدي صكر لشوكت بارد وماتحجي ويانه مثل كبل ترى الولد راح لرحمت ربو..ارجع مثل كبل وانسى
صكر :😡جم مره كلت لحد يجيب طاريو هاا تردون انسى ولكم هذا اخوي الماجابتو امي مات جدامي وتطشر كل وذرة بكتر ...خليت وطلعت للمركز طبعا من الحادث واني مااحجي الا قليل وصرت حيل بارد ......غمضت عيوني وذكرتو لمروان هذا صديقي من الطفوله واذكر شقانا جنا اكثر من خوان اذكر مرا كالي أريدك انتة اتزفني لان ماعندي اخوان وانته اكثر من اخوي اذكرتو حطيت راسي على المكتب وكمت ابجي حيل ..
.................................
صكر رجعت للبيت ساعة ٩ لكيتهم كلهم كاعدين بالصالة سلمت واجيك اصعد وجدي كال بدل وتعال هين بدلت وحدرت (يعني نزلت)طبعا من اكعد مااتحجى هواي من وكت الحادث
جدي كال ماطول جاعدين خل اخابر احمد
الجد : اللوو السلام عليكم شلونك وليدي
................................
جمان :كاعدين ورن موبايل بابا طلع جدو
بابا سلم عليه واني كلت هلو جدوو حبيبي شلونك بيبي شلونها عمامي زوجات عمي ولد عمي وبنات عمي إذا عندي شلونكم
.............................
صكر :جدي جاي يتحجى وي عمي واجه صوت بنت يخبل تحسو نغمة موسيقيه بتسمت على حجيها والسانها تكول برنو جان جدي يكول
..............
الجد:هلا وغلا بعد جدج ها يالكاطعة جا ماتسألين ما تجين ول يابة لسانج جنو برنو
اكول احمد ماتجيب عايلتك وتجي صار ٣سنين ماجاي
.............
احمد :الله كريم يابة اسبوع ونجيكم
................
صكر :صعدت لجناحي ضليت افكر بصوت هاي البنيه
اول تالي ياصكر تفكر بالبنوات
....................
جمان :طرت من الفرح اول مرة اروح لبيت جدو رحت من هسة جهزت ملابسي بجنط وعزلتهن ....وهكذامر الاسبوع ..وهسة احنا بالطريق للمثنى
جنت لابسة جينز اسود وقميص ابيض وستره طويلة سودة وطبعا ماانسى الكعب والنظارات ..وصلنا المثنى
......................
صكر :طول هذا الأسبوع الجماعة داخلين إنذار شي تنضف شي تعزل ووووالخ طبعا اني ماادخل كلهم يدرون بية ومايلحون لان اكلب الدنيا اجه اليوم اليجي بي عمي لبست دشداشة سودة بيها تطريز ذهبي ولفيت الشماغ البيجي بي ذهبي .....وصلت سيارة عمي واستقبلنا شوي واشوف الولد كلهم صفنو درت وجهي واشوف ملاك مو بنيه
........................
جمان :وصلنا واستقبلونا طبعا من نزلت كلها صفنت لان مالابسة حجاب بس شفت ولد لابس دشداشة سودة يخبل بس احسو حيل حزين بس لابس قناع البرود ..................
..........................................🤗🤗🤗🤗🤗
انتظرونا بارت جديد وحلو
أنت تقرأ
ملكت قلب الصكر 💖
Randomرجل توفي اخوه وصديق طفولته فأعتكف على نفسه وأصبح ) بارد..قاسي..لايبتسم ) اماهي فتاة مدلله (مرحة..تحب الضحك..جميلة جدا..حساسة )
