جرائم في سواد معتم

part one

#جرائم_في_سواد_معتم

الكاتبه وَتر

اهم شي التصويت + التعليق بين الفقرات ❤️
______________________

إيلام :-

- دك المنبه ساعه 6 كالعاده بنفس الوكت ، يومياً
فزيت طفيته ورجعت تمددت خليت ايدي على عيوني افكر باليوم الطويل المنتظرني وبعد فتره استسلمت للوضع وكمت
رحت غسلت وتوضيت واجيت اصلي

خلصت وكعدت اصفن بالسجاده اريد ادعي واطلب من ربي وحجاياتي متطلع ..

كمت غيرت ملابسي وطلعت من البيت صاعده لسيارتي ومتوجهه للمحكمه عندي مرافعه

- امشي بطريقي وافكر بحياتي وشنو مصيري بعدين؟
حبقى هيج لو حيصير تغيير بحياتي؟
أفكر هل اني سعيده بعد هذا كله ..

- بنيه أسمها ايلام حاربت هواي حتى تحصل على وظيفه احلامها وصارت محاميه ، بنيه تحل مشاكل الناس ومتخسر بقضيه وبنفس الوكت عاجزه تحل مشاكلهه

تواجه يوميا اسوء انواع الجرائم والظلم .. ومن شغله لشغله معدها وكت لروحها

- وبعد دوامة من التفكير وصلت للمحكمه جريت روب المحاماة ولبسته وأخذت الفايل ونزلت أمشي بخطوات هادئه رغم كل الهوسه الي بالمحكمة

تستوقفني بنيه باوعتلها بعمر مقارب لعمري تبجي وتترجى
: الله يخليج ست والله أخويه راح ينسجن ومااعرف شسوي ساعديني او دليني على احد

- أختي انتِ منو شجابج .. يقاطع كلامي الحارس
وهو يگلي :
ست معليج بيهه اني انجاز وياهه

- تسلم ممضوجتني تكدر تروح

: ميصير شلون

- تكدر تروح !

واشوف البنيه تبجي گدامي
- تفضلي عيني شنو المطلوب مني

تحجي وبصوت مبحوح : والله ماعدنا احد والله.. والله مانكدر نلزم محامي ماعندي غيره أبوي... أبوي وأمي متوفيين
انطيتها الكارت الخاص بيه وكلتلها تتصل عليه لان مااكدر اتأخر بعد

- طبيت للمحكمه وبعد نصف ساعه قرر القاضي يأجل المحكمه الى بعد أسبوعين

طلعت متوجهه للبيت اراجع القضايا الي عندي وصلت بعد ساعتين بسبب كميه الازدحامات بشوارع بغداد ..

- وصلت البيت ودخلت متوجهه لغرفتي باوعت للساعه ب 2 الظهر ، سبحت ورتبت شعري وخليت ميكب كلش خفيف ولبست البجامه وطلعت ، حسيت روحي جوعانه نزلت اشوف شمسويه أمي عالغدة طلعت واكلت

وصعدت لغرفتي طلعت الملفات وكعدت والمذكرات واشوف القضايا ..
وبعد ساعه اتصل عليه رقم غريب وخمنت البنيه وفتحت الاتصال وأجاني صوتها اليرجف