جرائم في سواد معتم

part three

#جرائم_في_سواد_معتم

الكاتبه وَتر

اهم شي التصويت + التعليق بين الفقرات ❤️
____________________

بعد مالبست هدومي ولبست الكمامه كبديل للثام طلعت
وصعدت بالسياره متوجه للمحكمه طبيت للقاعه الخاصه بالحكم كـ فرد من ذوي المتهم 

أنصدمت من شفت المحامي الخاص بيه ، إيلام ! بس بنفس الوگت تأكدت اليوم يتبرأ من التهم ويطلع وفعلاً تبرأ

وتأكدت بنفس الوكت الهه علاقه بكل شغله لدرجه تلزم قضيه واحد منهم ..

طلعت من المحكمه منتظر الإجراءات تكمل ويطلع من السجن حتى يطب بسجن اسوء ، سجني ..
_________________________

- اليوم المحاكمه لأخ البنيه الي رادت مساعدتي بقضيتها

وبعد فتره من الوگت اخذت نفس بأرتياح من سمعت قرار القاضي وباوعت للبنيه بأبتسامه

وشفت عيونها تلمع بشُكر .. طلعت من المحكمه متوجهه للميتم ..

وقبل مااوصل للميتم نزلت اشتريت هدايا للأطفال الموجودين هناك  ، هالتفصيل من احد اهم اسباب سعادتي بالحياه

اشوف ابتسامه طفل تكونت على شفايفه بسببي ،
وصلت الميتم ونزلت وماعندي اي قدره حتى امنع دموعي ..

وبعد ماخلصت طلعت من الميتم وصعدت للسياره سندت راسي على أيدي المخليتها عالسترين وحاولت اهدأ ..

وبعدها رجعت للبيت واستقبلتني أمي بدموع
:- أخوج .. اخوج إيلاممم اخوج

جمدت كلي واني مركزه انتظر الكلمه تطلع منها

:- أدهم... بالمستشفى

- شنوووو شنو .. شنوو ليش ؟

:- مصوبيه بطلقه

شهگت واخذت امي مستعجله وتوجهنا للمستشفى ومكدرنا نطب جان بالعنايه المركزه

كعدنا عالمساطب بالمستشفى وكل شويه نسمع صوت صريخ ناس فاگده اهلهه

واني حرت اشوف شسالفه لو التهي بأُمي

وبعد تقريبا 5 ساعات من الانتظار ونحن كاعدين ننتظر ، أزمت حالته ووگف گلبه

واشوف أمي تبجي وتلطم على وجهها واني كلش هادئه بس دموعي تنزل وممصدگه اجذب الي ديصير كدامي

واشوف اصدقاءه ماادري شلون عرفو ومنين اجو كلهم مصدومين ويبجون عليه وبعد ماطلعوه

تقدمت لي يمه وهو عالسديه مغطى ..
- وحگ من انزل القرآن لأخذ حگك

وثاني يوم صارت الفاتحه والبيت انگلب واني هادئه الى ابعد الحدود كل عقلي منو الي سوا هيج بيه ؟ وليش؟

واشوف النسوان تبجي ، وجماعته وكرايبنا من الرجال برا والكل مصدوم بيوم وليله صار هيج؟