#جرائم_في_سواد_معتم
الكاتبه وَتر
اهم شي التصويت + التعليق بين الفقرات ❤️
____________________
گعدت كالعاده يوم الجمعه شويه متأخره باعتبار ماكو شغل اليوم
وهمين أمي اليوم راح تطلع
گمت غسلت ورتبت الغرفه جانت محتاجه ترتيب بعد أسبوع طوبل ..
ونزلت جوا اشوف أمي شدتسوي توجهت لغرفتهه وشفتها دترتب باغراضها انتجيت مايله عالباب واباوعلها
تحمحمت وگلت
إيلام :- شكد راح تطولين هناك ؟
:-ماادري ياحبيبتي بس اقل شي 15 يوم
إيلام :- يااا مو هواي ؟
:- لعد شلون صارلي هواي مشايفه خالتج متسوه اطلع لي هناكَ اذا اقل
إيلام :- حقج حبيبتي بس شـ شلون البيت بدونج ؟
عافت غراضها واجتي وگفت كبالي تعدل بشعري وتحجي
:- اني همين راح اشتاقلج لو ماعندج شغل جان اخذتج وياي بس شنسوي يايمة واني شعندي غيرج حتى ... حتى اخـ أخوج راح
حضنتها ساكته مااعرف شحجي وقررت اغير الموضوع
إيلام :- زيينن شنوو رأيج تتريكين من ايدين بنتج الحلوة ؟
ضحكت بين دموعهه
:- هههه نشوف مهاراتج
طلعت من يمها وطبيت للمطبخ فتحت الثلاجه طلعت بيض وگيمر وهالامور رتبتهن وسويت چاي وگليت بيض عيون وخليت كوبين جاي ورتبت كلشي بعشر دقايق ربع ساعه وصحتلها
إيلام : يممةة تعاااليي نتريييك ؟
:- اي اي بنتي جايه
أجتي وكعدنا ناكل واني دااكص بالصمونه سألتها سؤال بدون ماافكر بيه
إيلام : واذا صارلي شي وانتِ مو هنا شلون ؟
كالت بعصبيه
:- شدتحججيين تريدين توگفين گلبي اليوممم؟
إيلام : اسم الله يوم خلص اسفه
:- مايصيرلج شي ان شاء الله يابنتي لتكولين هيج وتخلين بالي يمج ولتكطعين اتصالاتج مني
إيلام : هو انيي شلون اكدر يعدي يومي بدون صوتت حلوه الحلواتت
:- عيوني حبيبتي انتِ
وبعدها اجه الوكت الي تروح بيه وصل السايق وحضنتها اودعها وهي لزمتني دگ نصائح وتعليمات
:- باعي بنتي اهم شي من تطلعين من البيت تتأكدين من الصوبات والغاز واذا عالگه التدفئة طفيهه
إيلام : اي حبيبتي
:- وو .. اي ولتنسين الكابسه او السشوار ديربالج يحترك البيت
إيلام : اكيد
:- وها من ترجعين من الدوام وتكعدين بالبيت لتطفين الضوة خلي البيت منور ولتنسين الشواحن طفي بلكاتهن والجاي او الكهوه ديربالج الصبح اذا شربتي لتنسيهم عالنار ولتقربين الصوبه من الستارة و........
أنت تقرأ
جرائم في سواد معتم
Actionرَجُلُ قويُ لايهابُ شيئاً ، عَديمُ الرحمةِ مُتزن ، مُهيب ، مُروع خاضِعُ خضوعاً تاماً لسيطره النفس ليس لديه سوا خيارين في حياته ، الموت او الانتصار مُصاب بأسهم تسببت بنزِيفٍ عميقٍ لروحه تسبب بفقدان كُل ذره رحمةٍ في داخله مُتفطراً داخلهُ الى عدة...
