#جرائم_في_سواد_معتم
الكاتبه وَتر
اهم شي التصويت + التعليق بين الفقرات ❤️
_____________________
إيلام :
- كعدت الصبح فازه على أثر كابوس مُرعب
لدرجه كعدت واشوف روحي داابچي وحيلي كله يرجف .. متلفته يمين يسار اريد اتأكد اني بخير وبأمان
كابوس استرجعلي ذكريات عجزت اتخطاها .. بطريقه اكثر ألم ورعب
احاول اتنفس واخفف توتري شربت مي من الموجود يمي عالكومدي وضربت عيني عالساعه بـ 9 شهگت متأخره گمت اركض ركض حتى نسيت الكابوس
يادوب بدلت وحتى مكياج مخليت
غسلت وجهي ويادوب توضيت وصليت طلعت صعدت بالسياره ياالحك يا لا 15 دقيقه عندي
وصلت ونزلت طبيت للمحكمه وتمت المحاكمه وطلع موكلي بريئ ويه غرامه ماليه معينه
- طلعت وأخذت نفس مرتاحه صعدت بالسياره متوجهه لأي مطعم اكل عالسريع لان وراي تكمله معلومات تخص الموكلين بالدوام المسائي
واني وبالطريق انتبهت لسياره تراقبني وبس غيرت مساري بطريقه تبين اني منتبهه ، السياره مشت كبالي وراحت وجانت سياره بدون رقم ومظلله
كملت طريقي ونزلت يم المطعم وطلبت وربطت فجأة بين السياره والرقم الي اتصل عليه
_____________
( قبل يوم من الان )
- دگ عليه رقم غريب توقعته مندوب التوصيل
- الو
:- الو
- مندوب التوصيل ؟
:- اا اي ممكن توصفيلي البيت ؟
- المفروض عندك علم بالموقع؟
:- لا لا ماعندي معلومه
- وصفتله البيت ....
:- هذا الباب الابيض بيتكم ؟
- اي هو
-------------------------
امشي بالشوارع وانتبهت على رقم غريب ديخابرني فتحته :
الو
:- السلام عليكم ابني
تفضل منو ؟
:- أبوك
ش شتريد ؟
:- صارلك سنين ممحاجيني هذا رد ؟
آخر لقاء بيني وبينك من ذبيتني بينهم حسب علمي ..
:- لمصلحتك !
هههههه مصلحتي تدري اني وين هسه؟
:- شجاي تمسلت ؟
لتگلي لمصلحتك وانتَ متدري أي شي
:- خابرتك ابلغك امك توفت تريد تحضر فاتحتهه بجامع ....... ساعه 4 الظهر
ش شلون ماتت
:- جلطه
وثاني يوم طلعت للفاتحه طبيت مثل أي واحد غريب
لمحني ابويه واجه يحجي
أنت تقرأ
جرائم في سواد معتم
Aksiyonرَجُلُ قويُ لايهابُ شيئاً ، عَديمُ الرحمةِ مُتزن ، مُهيب ، مُروع خاضِعُ خضوعاً تاماً لسيطره النفس ليس لديه سوا خيارين في حياته ، الموت او الانتصار مُصاب بأسهم تسببت بنزِيفٍ عميقٍ لروحه تسبب بفقدان كُل ذره رحمةٍ في داخله مُتفطراً داخلهُ الى عدة...
