تزوجت طفله

𖦹𝐏𝐚𝐫𝐭 27𖦹

ملاك كانت قاعده بتعيط وهيا مش عارفه اى ال حصل واى ال هيحصل الحياه بقت ضدها فى كل حاجه عمرها ما هتفرح ولو ليوم واحد بس وكأن الحياه حالفه ما تفرحها ابدآ

فهد كان عمال يضرب فيها وهو بيعيط وعايز ينزل

ملاك سحبته وهيا حاضناه وبتطبطب عليه ومش قادره تتكلم

فهد مازال بيزعق ويرفس عايز ينزل عند حليمه: نينا يا ماماا انا عايز نينااا

ملاك غمضت عيونها وسابته مع نفسه

ادم صحى من النوم قعد يعيط هو كمان

ملاك بتاخد نفسها بالعافيه: يارب رحمتك يارب انا تعبت مش هقدر اكتر من كدا ياربى انا مش طالبه منك غير الرحمه

فهد اتعصب وهو لاقى ملاك مطنشاه وقام قعد يضرب فى الحاجه وهو بيزعق زعيق جامد

ملاك اكتفت وزعقت فيه: بسسس

فهد مازال مكمل الى بيعمله وزاد اكتر

ملاك وقفت وسحبته من ايده رمته على السرير: اقسم بالله يا فهد لو ما سكت لهربيك ساامع انا فيا الى مكفينى اهدى كده

ادم خاف منها وسكت وهو بيبص على فهد الى لسا بيعيط: نيناا

ملاك ضربته على ضهره: نينا نينا كل شويه لسا جاى من عندها كفايه بقى يا شيخ انا تعبت منك ومن ابوك ومن كل حاجه سيبونى فى حالى بقى يارب اموت وارتاح

ادم سمع سيرة ابوه وقعد يعيط

ملاك بصتله بزهول وهيا دماغها هتفرقع من الصداع خرجت وسابتلهم الاوضه كلها ونامت فى اوضة الاطفال وقفلت على نفسها الباب ونامت وهيا مش دريانه بحاجه من كتر التعب الى فيها

~~~~~~~~~~~~~~~~~~~~~~~~~~

انا عايزه ابنى مليش دعوه شوفهولى راح فين دلوقتى

احمد بصرامه: وهو ابنك صغير يا حليمه اى الى بتقوليه دا

حليمه بنحيب: مش صغير بس مش دريان انت مشوفتش حالته كانت ازاى وهو خارج يا حبة عينى اول مره اشوفه زعلان كدا ومكسور

احمد زعق فيها: اى الى بتقوليه دا ابنى راجل لا عاش ولا كان الى يكسره وقومى من وشى جيبتيلى صداع بكلامك دا

حليمه وهيا بتلطم: هيا بقت كدا يا حزنك يا حليمه محدش بقى بيحبك وكلو عايز يخلص منك حتى ابنك سابلك البيت ومشى خالص مشى وسابلى البيت ابنى انا عايزه ابنى دلوقتى

احمد قام بعصبيه: انا ماشى دا انتى الى يقعد معاكى يتجنن

ومشى بعصبيه وهو دماغه هتفرقع من كل الى بيحصل معاهم فى البيت وكأن مش مكتوبلهم يفرحوا ابدا عياله دايما زعلانين ومش سعيدين فى حياتهم الزوجيه بس هو بيلوم نفسه على كل دا هو السبب