تزوجت طفله

𖦹𝐏𝐚𝐫𝐭 28𖦹

وصلت بهيه لبيت احمد واستقبلوها ملاك وحليمه بخوف شديد منها

بهيه وهيا بتبص على ملاك بتفحص: ما شاء الله انتي مرت الغالي

ملاك بإحترام: انا ملاك يا تيتا مش فاكراني ولا اي

بهيه بسخريه: تيتا

ملاك سكتت ومردتش

بهيه لحليمه: فين الغالي ولد الغالي مشوفتوش من ساعة ما جيت

حليمه بتوتر: عنده شغل قال هيخلصه ويجي علي طول يا عمه

بهيه: خد يا ولد انت تعالي هنا

ادم بخوف حضن ملاك وهو بيبص عليها

ملاك: كلم تيتا يا دودو

ادم راح عند بهيه وهو بيبصلها بطفوليه

بهيه مسكت وشه: واه مش شبه ولد ولدي يعني شبه امه

ملاك ساكته وهيا هتموت وتقولها اتكتمي يا شيخه

فهد جاي جري من برا: ماما بابا جه

ملاك اتوترت وهيا بتشاور لفهد

فهد راحلها: نعم يا ماما

ملاك بتوشوشه: كنت فين

فهد: كنت برا مستني بابا

ملاك: اقعد هنا يلا اياك تطلع تاني من غير ما تقولي

فهد قعد بزعل وهو مستني ابوه يدخل عشان يخرج معاه عالقهوه

صقر دخل واول ما شاف بهيه حضنها وبهيه بتبوس فيه: وحشتني يا صقر كدا متقولش اروح اشوف ستي الغاليه

صقر بإبتسامه: مشاغل والله الواحد مش قادر يفضى نفسه ساعه على بعضها

بهيه: لا مفيش اعذار انا زعلانه

احمد بعد ما دخل ورا صقر: لا عاش ولا كان الي يزعل الغاليه

بهيه: اخص عليك متكلمنيش انت بالذات

احمد: وه هو انا اقدر بس

بهيه قعدت تتكلم مع صقر واحمد وملاك وحليمه راحوا يجهزوا الاكل وطبعا ملاك اخدت معاها ادم وفهد مش ناقصه كلام من بهيه هيا فيها الي مكفيها

ملاك: ماما احط اللحمه مع الرز ولا ف طبق لوحدها

حليمه: حطيها ف طبق والرز ف طبق احسن ما تخترعلنا وتقول معندكمش طباق تحطوا فيها

ملاك: يادي المشاكل انا فاكراها من زمان لازم تخترع دي كانت موريه ماما الويل

حليمه: ومين سمعك دي ورتنا ايام ما يعلم بيها غير ربنا مرا فقريه

ملاك ضحكت من كلام حليمه

حليمه: اكتمي احسن ما تقولك بتتضحكني علي اي يا مسهوكه

ملاك مش قادره تمسك نفسها من الضحك: مالك قلبتي صعيدي كدا

حليمه: مش شايفاها بتعلق ازاي اعوذ بالله منها