فى صباح يوم جديد يحمل الكثير من الاحداث....
فى بيت محمد ابو ملاك&
ملاك كانت بتلبس فهد وادم عشان مروحين وصقر جاي ياخدهم
هناء: خليكي كام يوم تاني
ملاك: مش هينفع والله يا ماما صقر مش هيرضي هبقي اجيلك ف مره تانيه
هناء: اوعديني عشان انتي بتقولي كده ومبشوفش وشك تاني
ملاك: وعد يا ماما هجيلك
هناء: طيب مش كنتي لبستيهم بعد ما تاكلو كده هيوسخو نفسهم تاني
ملاك: خليهم بس يتوسخو وانا هربيهم
فهد بصلها: ماما انا مش هتوسخ
ادم ببراءه: ولا انا يا ماما
ملاك باستهم: شطار حبايب ماما اسمعو بقي لما يجي بابا اقعدو مؤدبين هاا ومتقعدوش تضربوا في بعض ولا توسخو نفسكم سمعتو
فهد بطاعه: حاضر يا ماما
ملاك: انت بالذات مش حاضر يا ماما انت يلا يجي هتقوم ماسك في اخوك ومديه علقه قدامه ويقوم يبهدلني انا صح انا عارفه لازم اخد موشح منه
هناء: خلاص يبنتي هما شطار مش هيعملوا حاجه حبايب تيتا لو عملوا حاجه هزعل منهم
ملاك: وانتي يا ماما اديني قولتلك هتقومي تعملي حاجه والله ما هكلمك ومش هاجي عندك تاني
هناء: هساعدك بس
ملاك: ماما انا قولت اي
هناء: خلاص اعملي الي عايزاه
الباب اتفتح ودخل محمد ومعاه اكياس كتير جريوا عليه فهد وادم حضنوه
محمد بضحك: حبايب جدو عاملين اي
فهد بضحكه: كويس جبتلي الي قولتلك عليه
محمد قعد علي الكرسي جمب ملاك وهو حاضنهم: ايوه طبعا هو انا اقدر انسي
ادم: وانا يا جدو
محمد: وانت طبعا يا قلب جدو جبتلكم كل حاجه عايزينها انتو بس تأمرو وانا انفذ
ملاك بحب: ربنا يخليك لينا يارب
محمد باسها: حبيبة ابوها هتمشي انهارده
ملاك: اه والله يا بابا ليا تلات ايام هنا وصقر لوحده في البيت
محمد: طيب خليكي كام يوم تاني دا احنا ما صدقنا البغل دا يخليكي عندنا
ملاك ضحكت: هعمل اي بقي اهو الايام جايه وهاجي تاني كتير
محمد: براحتك يا قلب ابوكي.. خدي جهزي الحاجات دي علي ما صقر يجي
ملاك بتاخد منه الحاجات: تعبت نفسك ليه يا بابا
محمد: ولا تعب ولا حاجه.. وبص علي هناء.. ست الكل لسا زعلانه مني ولا اي
أنت تقرأ
تزوجت طفله
Romanceهــو: قاسـى لا يعرف عن الرحـمـه شـئ يأخـد القسـوه عـنــوان للحـياه يُــلـقـب بــ صـقــر المـخـابـرات وبــالفعل هـو صـقــر الأحـمـدى. هــى: طـفله بــريئه وعــنيـده لا تــعــرف اسـاسـيات الحـياه يُجـبــرها والـــدها عـلـى الــزواج مـــن ابــن عــمـها...