فى ايطاليا
لين بهدوء: ادهم هنرجع امتى بقى انت قولت هنيجى شهر بس والشهر بقى تلاته
ادهم ببرود وهو بيتابع شغله: لو اتكلمتى فى الموضوع دا تانى ردى مش هيعجبك
لين بقهر: لييه طيب كل ما اتكلم مش عاجبك كلامى عايز تسكتنى وخلاص انا سكت كتير وعايزه اعرف هنرجع امتى عشان انا بجد زهقت
ادهم مردش عليها
لين خبطت التربيزه بعصبيه: رد عليا انا بكلمك
ادهم بصلها بحده عالحركه الى عملتها دى: اى الى انتى عملتيه دا
لين مقهوره: انا معملتش حاجه قولتلك عايزه ارجع بلدى انت غربتنا هنا من زمان اوى سكت واتحملت بس خلاص مش هقدر اكتر من كدا
ادهم: ومسألتيش نفسك ليه الغربه دى هااا عشان اكلك انتى وعيالك عشان اجيب فلوس هو انتى شايفانى بلعب وبعدين انا كمان عايز ارجع بلدى زيك ومش عايز اقعد هنا بس غصب عنى اعمل اى قوليلى
لين دموعها نزلت غصب عنها وقامت دخلت الاوضه وقفلت الباب على نفسها وقعدت تعيط
ادهم دفن وشه بين ايديه وهو مخنوق ليه سنين عايش فى الغربه وبعد ما رجع لبلده ولأهله وعاش معاهم من تانى اضطر انه يرجع لإيطاليا تانى يخلص شوية شغل وصفقات بس الظاهر انهم مش هيخلصوا ابدا حتى بعد ما صفو الفرع الى هنا الشغل ما زال
خالد راح على الاوضه الى بتعيط فيها لين وقعد يخبط: ماما افتحيلى انا عايزك
لين سامعاه ومش راضيه ترد
خالد: ماما انتى بتعيطى ليه
ادهم راح شد خالد: اى يا بطل
خالد: بابا ماما بتعيط ليه
ادهم بيغير الموضوع: اخبار الدراسه معاك اى
خالد بزعل: انا عايز اصحابى الى فى مصر الى هنا مش بحبهم
ادهم: ليه يا بابا حد زعلك ولا اى
خالد: لاء يا بابا مش كدا بس انا مش بحبهم
ادهم باسه: حاضر بكره نرجع ونرجع لأصحابك الى فى مصر
خالد بفرحه: بجد يا بابا بكره
ادهم: مش بكره بكره يعنى
خالد: يا بابا انت كل يوم بتقول بكره بكره ومش بنرجع
ادهم متجاهل كلامه: اومال فين سديم
خالد بزعل: نايمه
ادهم: طيب يا حبيبى روح شوف الدروس الى عليك وذاكر كويس عشان لو جبت درجات حلوه السنه دى هنفذلك الى انت عايزه
خالد: بجد يا بابا
ادهم: بجد يا روح بابا
خالد: يعنى اى حاجه اطلبها هتنفذها
أنت تقرأ
تزوجت طفله
Romanceهــو: قاسـى لا يعرف عن الرحـمـه شـئ يأخـد القسـوه عـنــوان للحـياه يُــلـقـب بــ صـقــر المـخـابـرات وبــالفعل هـو صـقــر الأحـمـدى. هــى: طـفله بــريئه وعــنيـده لا تــعــرف اسـاسـيات الحـياه يُجـبــرها والـــدها عـلـى الــزواج مـــن ابــن عــمـها...
