قاعدين ليليان وميليسا وانزو
ميليسا : انزو معليش نسقسيك
انزو : وي تفضلي
ميليسا: كي كنت تهدر قبيل وقلت والدينا مانهموهمش همهم غير الدراهم ، معناها والديك حيين ؟
انزو : يما متوفية
ميليسا : اا ربي يرحمها مكانش علابالي
وو... باباك ؟
ليليان عرفت بانو باباه بعيد عليهم بمجرد انو ماجبدش عليه خزرت فميليسا نتع ماتسقسيهش عليه
تنهد انزو وقال : هذاك مايستاهلش كلمة اب
دخل آسر وهو معصب : ميليسا هيا نروحو راح الحال
ميليسا :اوك خزرت في انزو هيا تصبحو بخير 😊
طلعت ليليان لغرفتها وهوما كل واحد وين راح
دخلت لغرفتها تحس بالخنقة عينيها تعمرو دموع
جبدت البوم تصاور لي كان دايما مخبي في صاكها وهادي اخر حاجة بقاتلها من والديها قبل مايموتو
ليليان : ماما بابا توحشتكم 🥺
فوتت يدها على وجهم فالتصاور : ماعلاباليش كيفاش راح نقدر نكمل نعيش بلا بيكم
مسحت دمعتها وكملت تحكي وهي مبتسمة: بصح نوعدكم بحاجة ... رح نخليكم فخورين بيا حتى في قبركم .. الحاجة لي تمنيتوني نوصللها رح ندير كلش باش نوصللها 🥹
غلقت الالبوم و تكسلت في بلاصتها حتى داتها عينها
يوم جديد ▶️▶️:
ناض ايهم كعادتو بكري يدير الفوتينغ ويسمع نوعو المفضل نتع الاغاني الكلاسيكية
حبس يتنفس قاعد يحس في حاجة سخونة تهبط مع كتفو
فتح شوي على الفيستا لقاها معمرة دم
تنهد وعاود سكرها طلع لغرفتو كاش مايحوس على boite pharmacie
ويعاود يخيط الجرح
حتى دخلت عليه ليليان على غفلة
ليليان : صباح الخير
ايهم وهو يمسح فالجرح : ليليان ماشي قلتلك ماتدخليش بلا ماتطبطبي الباب ؟
ليليان : وشبيه كتفك ؟عاود تفتحلك الجرح؟نعيط لانزو يجي يديك يعاودو يخيطولك
ايهم : ماكاين والو
ومعليش دوك تخرجي رح نبدل حوايجي راني خارج
ليليان : والفطور ماتفطرش
ايهم : عندي خدمة فوق راسي لازم نروح
ليليان : اوك وماتنساش تشرب دواك
جات رايحة ومنبعد تفكرت حاجة رجعت
ليليان: معليش نروح لميليسا ؟وندي معايا ليڤارد
ايهم : معليش بصح بالاكي تتحركي لبلاصة وحدك شفتي المرة لي فاتت وش صرالك
ليليان: لالا مانروح لحتى بلاصة
▶️▶️▶️
في غرفة مظلمة فيها من وسائل التعديب اشكال وانواع
قاعد انزو وقدامو مورو مربوط في كرسي
مورو : شفت وين راك ؟خسارة ايهم قاللنا ماتمسوهش كون راني خسرتلك وجهك يا الشباب
شوي ودخل عليهم ايهم : انزو اخرج خليني معاه
ناض انزو عندو وهدر بلعقل : بصح ماتنساش كتفك مزال مجروح ويدك ماتقدرش تحركها مليح سايس روحك
ايهم ببرود : هيا انزو
خرج انزو وقفل الباب
ايهم خزر مع مورو خزرة تخوف
ضحك على جنب : تبانلي ڤرونك طلعو ولازم نقصوهم سي مورو
قرب عندو وحكمو من رقبتو بالعقل : علابالك بلي قربت لاملاك الديفل ؟
وعلابالك مليح وش يصرا لي يقرب لاملاكي ؟
ضربو على وجهو حتى ساح الدم من فمو
مورو بزق الدم و ضحك : هههه بصح عندك سلعة واعرة
هنا ايهم ماعادش يشوف قدامو من العصب زادلو البوكس الثاني والثالث ماحبسش حتى شوهلو وجهو
ومورو غير يضحك باش يزيد يستفزو
جبد موس وسخنو حتى عاد حمر
قطعلو تريكوه وقرب عندو
مورو وجهو راح الوان وجا الوان كي شاف وش رح يدير
ايهم : وين مسيتها ؟
ايهم : هنا؟ قرب وحطهولو على كتفو
ولا هنا : حطهولو على كرشو ومورو يعيط بالوجع
لالا وقيل هنا قرب وحرقلو شواربو بالموس
كي كمل حكم الرماد وفرغهولو فوق الحروق لي دارهملو
هنا مورو اغمى عليه من قوة الالم
▶️▶️▶️▶️
ديالاوهي تعيط : كيفاه مقدرتوش تهربوه مخدمين حمير حنا معاناااا
حارس: مدام حاولنا بصح بزاف مشددين الحراسة
حكمت شعرها تخمم وش رح تدير وتخاف على روحها قادرين يستهدفوها لانها قبل كانت تحت حماية مورو
هزت تلفونها بتردد كتبت نيميرو
ديالا : مكانش حل وحدوخر
كان قاعد وبحذاه بزاف بنات يشرب من كاس الويسكي حتى سمع تلفونو يصوني
هزو وابتسم ورد بزربة ودار روحو مايعرفش شكون المتصل
انطونيو : الو
ديالا : موسيو انطونيو انا ديالا
انطونيو : اوو ديالا هذا شحال ماسمعتش صوتك وش فكرك فيا ؟
ديالا : الصراحة انا محتاجة مساعدتك واذا ممكن نتلاقاو لانو ماشي هدرة نتع تلفون
انطونيو: تشرفيني
كوبات وهي متقززة من صوتو هزت مفاتح الطنوبيل وخرجت معاها ليڤارد
نرجعو عند ليليان ⏭️⏭️
وجدت روحها ولمت شعرها وخرجت رايحة عند ميليسا ماللي جات ماقعدوش مع بعض وحكاو كيف كيف
ليليان تعيط : كارلا (الخدامة )
جات عندها الخدامة تجري كملت ليليان تحكي : راني خارجة مانطولش ونرجع
اذا جا ايهم قبلي ماتنسايش تطلعيلو يشرب دواه
الخدامة : اوكي مدام
خرجت وركبت مع الشوفور وموراها ثلاثة طنوبيلات نتع لي ڤارد تحسباً لاي هجوم قادر يصرا
لحقت لدار ميليسا طبطبت وفتحلها اسر سلمت عليه وطلعت ديراكت لغرفة ميليسا لي لقاتها قاعدة وتخدم ب pc
ليليان وهي طل مع الباب : ميلي راكي لاهية؟
ميليسا: اهلين ياعمري ادخلي
ليليان : اسمعي حطي عليا كلش عندي بزاف ماڤصرتش معاك واليوم جايا باش نڤصرو ونحكو
ميليسا: حتى انا عندي بزاف صوالح بغيت نقولهملك
ليليان: تبداي نتي ولا انا ؟
ميليسا :روحي ابداي نتي
ليليان: ميليسا زعما تشوفي بلي ايهم يحبني ولا مُعجب بيا ؟
ميليسا :والله هو انسان بزاف غامض بصح من واش دار علاجالك يبان ميت عليك
ليليان: اممم والله ماعلابالي علاش راني حابة يكون يحبني زعما انا راني نحبو ولا غير والفتو وتعلقت بيه ؟
ميليسا: علابالي ماتصدقينيش بصح يابنتي راكي قريب هبلتي علاجالو كي كان مريض وواحد مايحبكش مايتصرفش هكا
ليليان: خايفة خايفة بزاف اني نكون نحبو ميلي هوما واعرين ومافيا وحتى خايفة انو يكون برك يرد فالمزية لي داروها فيه والديا
ميليسا : ماتقلقيش روحك كامل اذا كان يحبك وهذا شي لي راني حاساتو انا رح يتبدل علاجالك ويحبس كلش في خاطرك وكون جا يرد فالمزية نتع والديك مايعاملكش هكا ويخاف عليك للدرجة هادي
ليليان: ان شاء الله برك تكون هدرتك صح هايا احكيلي نتي وش بينك وبين انزو 😁
ميليسا : لي علابالي بيها انو انا راني متأكدة بلي نحبو بصح هو معلاباليش
ليليان : شكون كان يقول ميليسا لي جامي حبت في حياتها تجي لروما باش تحب انزو
ضحكت ميليسا 😅وكملو يحكو مع بعض ويضحكو
ميليسا وليليان مثال للصداقة الحقيقية ماشي صداقة المصالح والنفاق ، ماللي كانو صغار اي وحدة تقلقها حاجة تقولها للوخرة و مع بعض كأنهم خواتات ماشي صحابات برك وحتى انو اي وحدة تطلب عينين صحبتها تمدهملها وتبقى الصداقة هي صداقة المواقف لا سنين المعرفة ❤️
