كرونيك جديدة ولاول مرة تجمع ما بين المافيا 😈،الحب❤️ ،....القسوة😣....، الحزن 😢.....واكيييد
......😍الرومانسية
#ليليان و ايهم .....
للكاتبة Aya ....❣️ تحت عنوان فتاة الزعيم 💞
راجعة للدار وهي ميتة بالفرحة اخيراً جابت الباك بالمعدل لي حلمت بيه ورح تحقق وش هي واهلها باغيين اخيراً رح تقرا طب وتولي طبيبة معروفة وتخرج والديها من الغم والفقر لي هوما فيه ، بيت اقل متطلبات الحياة خالية منو عايشين على قد الحال يادوب خدمتها تكفي باش يتعشاو ولا يتغداو ,,نعم هوما ياكلو مرة وحدة فالنهار يا غداء يا عشاء ومع ذلك حامدة ربي ودايما تشكرو على اجمل واحن والدين في الدنيا وصلت عند باب الدار وهي تشوف الناس والجيران ملمومين لي يبكي ولي مش مأمن وش قاعد يصرا 💔ولي حصل لاحسن جيران في الحي" العم حسان وزوجته زينب كانو ناس بزاف طيبين وعندهم سمعة مليحة بين الجيران "لحقت عند الدار وهي تبعد في الغاشي مش مصدقة واش قاعد يصرا والديها يخرجو فيهم مغطيين بلحاف ابيض وبيتها مابقى فيه احتى اثر كامل رجع رماد حست و كأنو واحد جا وصب عليها سطل من الجليد مخها تجمد مقدرتش تآمن بلي والديها ماتو وراحو من هاذي الدنيا وبقات وحدها لانها الابنة الوحيدة والمدللة عند امها وابوها ، مزالت كلمة ابنتي نتي فخري دور بين وذنيها
وكلمة بنتي حبيبة امها تتعاود فعقلها صورها وذكرياتها الحلوة مع والديها كيفاه يضحكو معاها وكيفاه يعنقوها💔 وكيفاه يرقدوها معاهم كي تخاف لما ينقطع الضو ولا يجي الرعد كان لي يجي قدامها يعزيها ولي يعنقها ويبكي وهي كي الصنم واقفة وتشوف بدون حتى ادنى حركة جات صحبتها الانتيم لي تربات معاها من الصغر تهز فيها
ميليسا وهي تشهق بالبكاء : ليلي قولي حاجة حبيبتي وشبيكي اهدري ليلي متسكتيش ابكي وعنقيني ياروحي وشبيكي تبكمتي 😭😭... تعنق فيها وتبكي وليليان بدون اي حركة حتى صوابعها ولاو جليد وزراقت وتضببت الرؤية امامها ماحسو كان كانت طايحة فالقاعة فاقدة للوعي
جا آسر لي يكون اخ ميليسا ولي يعشق في ليليان
آسر : ليلي فيقي و يضرب فيها على وجهها يتحسس فالتنفس لقاه ضعيف هزها في حملتو ركبها فالطنوبيل وطار بيها للمستشفى
دخلوها للاستعجالات وركبولها الاكسجين والسيروم وهو قاعد برا متحير عليها لحقت ميليسا ودموعها ويدان : وينها ليلي ياك مصرالها شي كون كاش مايصرالها انا نموت موراها 😭
شوي وخرج الطبيب طمنهم عليها قاللهم بلي نزل ضغطها نتيجة صدمة وهي حاليا فاقت
دخلو عندها يجرو ميليسا تعنق فيها وتبوس : ليلي حبيبتي راكي مليحة حنا كامل رانا معاك متخافيش
ردت ليلي(هي اخيرا نطقت) وتبسمت : عيطي لماما وبابا وينهم جيبيهم يشوفوني دوك يتقلقو عليا بعدي نروح ليهم
انصدم آسر وميلي وشبيها الطفلة فقدت عقلها اكيد ، انفجرت ميلي (ميليسا) بالبكاء حتى خرجها خوها ورجع دخل عند ليلي (ليليان) ويشوف فيها بحسرة مش مصدق حبيبتو ووردتو ذبلت هكا في دقائق وفقدت عقلها
ليلي: آسر خويا تعيش عيطلي لماما
لطالما كان آسر يتقلق من كلمة خويا بصح وضعها قسم قلبو لالف شقفة تغرغرو عينيه بالدموع وحكم يديها : ليلي والديك في بلاصة احسن علاه ديري في روحك هكا هوما يحبوك ومكانوش رح يرضاو يشوفوك بهذي الحالة
انتفضت ليلي من بلاصتها نحات السيروم و جرات عند آسر وهي تقطع في شعرها وحوايجها وتحرك فراصها ب لا : لالا لالا لالا لالاااااااا مماتوش هوما وعدوني عمرهم مايخلوني هوما دايما كانو يحلمو يحضرو تخرجي من كلية الطب لالا هوما ميخلونيش مستحيل يخلوني فهمت مستحييل 😭😭
عنقها آسر بقوة ويمسح على شعرها وهي طاحت فالقاعة تعيط للرب لي خلقها
فجأة جاو الممرضاة والاطباء على صوتها ضربولها ابرة مهدئ ورجعت غرقت فنومها
خرج آسر من غرفتها يكركر في رجليه موش قادر يستوعب حتى هو موت حسان وزينب ولا ليلي لي وصلت لهذا الحال لقا ميلي قاعد وتبكي على حال صديقتها لي هبلت هي سمعتها وهي تعيط ومقدرتش حتى تنوض تروحلها من كثر ما كان قلبها يتقطع حتى رجليها مقدرتش تحركهم قعد آسر جنبها ضمها لصدرو وعيوونو حمورة نطقت ميلي: آسر ليلي رح تكون مليحة ياك مراحش يصرالها حاجة 😭
