بقاو انشات يفصلوهم ليليان مزيرة على عينيها وقلبها رح يخرج حتى سمع صوت تلفونو يصوني بعد عليها وهي مزالت دايخة
....: بوس اليوم وصلت ديالا لروما
ايهم : شددو الرقابة عليها نحب كامل تحركاتها توصلني
...: اوكي بوس
كوبا ايهم وشعل الطنوبيل ديراكت للقصر ماحبش حتى يشوف فيها وهي كان وجهها حمر وتخزر مع التاقة وماهيش مأمنة وش صرالها قبيل
وصلو عند بابا القصر هبطت تجري ديراكت لغرفتها تبسم ايهم على جنب وراح لبيروه عندو خدمة
دخلت لبيتها حاكمة قلبها وتمروح على وجهها
ليليان تحكي مع روحها : كان رح يبوسني 😳
تكسلت فوق سريرها ماهيش فاهمة شعور اول مرة تحس بيه فرحانة وفي نفس الوقت خايفة
ليليان: زعما راني نحبو ،..... لالا ليليان وش راكي تقولي هو اصلا مايشوفش فيك اووف غطات وجهها بالمخدة ومنبعد ناضت تدير دوش
نرجعو عند ميليسا:
ميلي: آسر الدار تهبل 😍 اسمع البيت لي لفوق الطرفانية كامل نتاعي ماتهدرش معايا
آسر : لا هاديك نتاعي
ميلي ذبلت عينيها : هيا آسر خويا تعيش ادي البيت لوخرة لي قريبة على البيرو 🥺
آسر حكمها من خدودها : مايكون غير خاطرك اميرتي ماتزيديش برك ديري هادو التعابير بوجهك
عنقاتو ميليسا : ربي يخليك ليا ياروحي
آسر : هيا دوك نخرجو ندورو كاشما نقضو وندو معانا لدار ولد خال ليليان عيب نروحو بيدينا
صفقت ميليسا بيديها : هيا
خرجو يديورو ويستكشفو المنطقة لي ساكنين فيها كانت منطقة بزاف كالم وقريبة لكلش شراو كامل وش خصهم وجابو وش يدو معاهم للعرضة نتع ايهم ورجعو للدار
🤍🤍🤍
خرجت من الدوش لابسة كاب وتنشف فشعرها بيدها لوخرة
ليليان: زعما وش نلبس 🤔
واخيرا خيرت غوب فلبلو سيال تحت الركبة ومفصلة على لاطاي نتاعها جاتها فتنة
نشفت شعرها باسيشوار وحطت شوي كونسيلر تحت العين وغلوس غوز وهي تحط ف الماسكارا صونا تيليفونها ردت بلا ماتشوف
ايهم : ليليان ارواحيلي للبيرو نحتاجك وكوبا
بقات حالة فمها عمرو لا عيطلها في رقمها وزيد ماخلاهاش حتى تنطق كلمة
كملت وراحت لعندو دقدقت في الباب
ايهم : ارواحي ليليان
دخلت كان داير جيهة التاقة
ليليان : وي ايهم عيطتلي
دار عندها وفتح عينيه خزرها من الفوق للتحت بقى مركز مع لاطاي نتاعها كيفاه مرسومة مسح الافكار لي جاتو فراسو وقدم عندها
ايهم : كنت رح نقولك على ميليسا وآسر لوكان يسقسوك على خالك
ليليان: ميليسا علابالها بكلش مانخبي عليها والو وهي قالت لآسر بلي خالي مات بعد ماجيت انا لهنا
ايهم وهو مزالو يخزر فيها : اوك تقدري تخرجي
غير خرجت حكم قرعة الماء شربها على ضربه وفتح قفالي الشوميز الفوقانيين
ايهم مع روحو : ااه ليليان كيفاه رح نقدرو نعيشو كيف كيف انا وياك في دار وحدة
في الليل ✨🌑
طاولة كبيرة معمرة من كلش والخدم يجرو منا ومنا يوجدو
كان ايهم قاعد فالصالون يشوف فتليفونو حتى دخلو انزو ولارا
لارا : hello بوس
ايهم : مرحبا وناض سلم عليهم
لارا : موسيو ايهم ليك وحشة
ايهم خربشلها شعرها : وش نديرو لاروش خدمة
هبطت ليليان مستغربة شكون هادي لي يحكي معاها ايهم خزر فيها ايهم
ايهم : لارا نعرفك ليليان شاور بيدو ليها وكمل يحكي ليليان هادي لارا تخدم معايا وكيما ختي الصغيرة
ارتاحات ليليان شوي من كلمة كيما ختي 😂 سلمت عليها وهي مبتسمة
ليليان: متشرفين
لارا : وانا كثر قعدو فالصالون يستناو ميليسا وآسر
لارا تهمس لانزو : هادي حبيبتو ؟
انزو : لالا ومنبعد نحكيلك لارا
سمعو صوت الباب ناضت ليليان تجري فتحتلهم وسلمت على ميليسا لي ماللي دخلت وهي منبهرة بهذا القصر الخرافي 😍
ليليان بهمس: سكري فمك كاش مايدخلك فيه
ميليسا: يا ليلي ختي هذا القصر خيالي خير من واش حكيتيلي عليه
جا ايهم انزو ولارا سلمو عليهم
آسر : سمحولنا طولنا بصح راكم تعرفو مزال منعرفش الطريق مليح هنا في روما والطريق زحمة
ايهم : لا معليش تفضلو
ميليسا : هاذي شكون ليلي
ليليان : حبيبة انزو 😌
ميليسا عينيها تعمرو بالدموع: راكي منيتك ميلي
خزرت معاها ليليان كتمت الضحكة وقالت :نتمسخر تخدم معاهم وقالي ايهم كيما اختهم الصغيرة بلاكي تبكي برك
ميليسا : اوووف خلعتيني قلبي قريب حبس
قعدر فالطابلة آسر بحذا ختو انزو بحذا لارا ايهم على راس الطاولة وعلى جنبو ليليان
بداو ياكلو ويحكو على امور الخدمة وكيفاش حتى جا آسر لهنا وعند شكون يخدم
ميليسا وهي حاطة معاهم هزت كاس نتع الجو ومعلابالهاش بواش مخدوم حتى بدات تحس جسمها كامل بدا ينمل والدوخة حكمتها (عندها حساسية من التوت )
و بدات تتلون بالاحمر دار آسر عندها
آسر : ميلي وشبيك !
ميلي تحس روحها مخنوقة : توت 😨
ناضت ليليان تجري عندها : اتنفسي ميلي حبيبتي .
آسر : نوضيها معايا نهزوها للسبيطار
ناض ايهم ولارا معاهم وانزو قلبو حبس خرجوها
ليليان تبكي وايهم يسوق
ايهم : صايي ليليان ماراح يصرالها والو
ليليان تشهق : آخر مرة صرالها هكا قعدت يومين جلدها كامل بالاحمر وماتقدرش تهدر 😭 انا كيفاه نسيت وماقلتلهمش ماتديرولهاش التوت ف jus😭
وصلو دخلوها ديراكت يديرولها غسيل معدة وليليان فالكولوار تبكي قعد قدامها آسر معنقها ويمسحلها فدموعها
آسر : خلاص ياروحي ماتبكيش مايصرا والو ان شاء الله
ايهم مزير على يدو حتى بياضت من العصب شوي وخرج عندهم الطبيب
راحولو يجرو
الطبيب : ماتخافوش مكان حتى حاجة درنالها غسيل معدة ودوك راهي فطنت تقدرو تروحو تشوفوها بالشفاء
دخلت ليليان هي الاولى حكمتها من يديها
ليليان : وش راكي تحسي روحك ميلي
ميليسا : راني مليحة ماتخافيش
ليليان: اسمحيلي والله نسيت كامل لوكان ماخليتكش تشربيه 😭
ميليسا عنقتها : خلاص ماصرا والو
انزو : على سلامتك مادموزال
ميليسا تبسمت معاه : الله يسلمك 😊
خرجت ميليسا هي وخوها رايحين لدارهم
ليليان تهمس لايهم : ايهم وش رايك كون نروح نبات معاها اليوم
ايهم مصدوم ( هادي من النهار الاول حبت تروح تبات عندهم ) : لالا ليليان راهم عيانين جاو غير اليوم خليهم يريحو
ركبو ورجعو للقصر راحت ديراكت ترقد بعد ماعيطت لميليسا تسقسي عليها
اما ايهم قعد فالبالكون دار ڤارو وبقى يخمم ساعة فليليان وساعة كيفاه يدير مع ديالا لي رجعت
