رواية جددي فيني حياتي باللقاء /للكاتبة وديمة العطا...

16

طلع حمد من العماره وجسمه ايحسبه مولع حراره وشعور بالغضب مايعرف
كيف اينفث عنه حاول في حفل العرس ايتم طبيعي لاكنه منحرق قعد يلهي نفسه ببعض الاشغال وتفكيره ميننه منو ناصر هذا بعد انا ماحصلت ورا هذا التيلفون الاويع الراس من البدايه كان لازم
اشله ولا اتم ارقب احصل دليل ااااااه ياخوفي انه علي لاعب عليها باسم واحد اسمه ناصر وهيه الخبلا ماصدقت خبر والله لا ارويهم كلهم اليوم لازم كل شي ينتهي
مابتم على حاليه هذا **** بالمهزله الي حطنيه فيها ابويه لازم ينتهي كل شي
كانت امل ترتجف وهيه اتحاول تهدا واتفهم الريم السالفه...فالقبله الي انتزعها منها حمد خلتها
تتخربط في الكلام وتعترف بكل شي
.....وضحكت الريم من الخاطر
الريم:هههههه ولا طلعتي اتحبينه هههه
امل:الرييييم مب وقته تضحكين هالحين شو اسوي
الريم بخبث:انفهمه السالفه
امل:لاااااا تحملي....شو بيقول عنيه؟
الريم:عادي انزين بنقوله انه بطل قصه تقرينها مب شرط انقول انج تتخيلينه البطل هههههه
امل:لا لا تحملي
اقنعت بعدها الريم امل انها تجهز عشان ابو حمد قال الهن انه ياي في الطريق
ياخذهن لبست امل فستانها ولبست عليه عباه غليضه لمت شعرها ورفضت اي مكياج غير الكحل
الريم:انزين حطي شويه روج
امل:الريم خلينيه على راحتيه انا مابعق العباه ولا بطلع على الكوشه بتم قاعده ورا
الريم:على راحتج
...........................................
وهذي هيه شما تخلص وتستعد للروحه للقاعه ومعاها سلمى والعاش
وطبعا سهيل هو الي بيوديهن
سلمى:سهيل دخلنا من البوابه الثانيه
سهيل:اريد اعرف شو هذا الي ناقز فوق راس شموووه
شما:ههههه اااه بصيييح
سلمى:لا دخيلكم...سهيل لو تسمح بلا تعليقات خلنا نوصل بدون دموع
التفتت للعاش
سلمى:العاش يبتي الشنطه البنيه
العاش بصوت وتر سهيل:هيه نعم
بعد ماوصلو ونزلو العروس عند البوابه الداخليه وكان سهيل معاهن
شما:سهيل خل حمد وسعيد كلهم ايون وانته اريدكم كلكم حوليه
سهيل:ليش الليدي ديانا
شما:خلاص خلاص انته ماريدك بس خل حمد وسعيد لازم هم ايدخلونيه
سهيل:ان شالله عمتيه اليازي
رجع سهيل لسيارته بسرعه لانه تركها مفتوحه واتفاجئ بالعاش فيها
سهيل:ليش ما حولتي؟
العاش:اريد ارد البيت
سهيل:لييييش؟
العاش:فستانيه انشق من تحت وانا امر عدال البوابه
سهيل:انزين وشوبتسوين بتبدلين وبتردين؟
العاش:لا لا انته ردنيه وارجع عن لاتتاخر عليهم انا اصلا ماعنديه غيره
سهيل:يعني وايد انشق؟
العاش:هيه
كان سهيل راد للبيت ومش عارف كيف ايحل مشكلة العاش
سهيل:ومابتحضرين العرس؟
العاش وهيه قريب اتصيح:شو اسوي
سهيل:انزين عطينيه اياه بوديه الخياط
العاش:لاااا مافي وقت ...لازم ارده عند المصمم الي سواه
سهيل:وييينه
العاش:منو؟
سهيل:المصمم...بنخليهم هم ايصلحونه بسرعه
العاش:ماشي وقت بيفوتك العرس
سهيل:اي عرس عرس شميم توها رايغتنيه وقايله لاتي
العاش:لا لاماعليه انا شبعت منها شفتها من الصبح معاها
سهيل:قولييليه وين هو المصمم؟
العاش:شارع المطار
سهيل:زين قريب
واتوجه سهيل بالعاش صوب خياط المصمم
في قاعة العرس حان الوقت لدخلة العروس والقاعه انملت بناس كثيره وبنات
يايات مخصوص لسعيد لانه اخو العروس وكانت هذي دعوه من سعيد الهن
الي وعدهن بيوله خاصه الهن
كانت الريم قاعده وبعدها بعباتها وامل تمت قاعده في مكان منعزل ولامه عباتها عليها ويادوب مطلعه ويهها واتحس ان نفسيتها تعبانه من الي صار الها ومالها خاطر للعرس
وصوت الاغاني ضاج براسها
امل:اوووف ياربي شو هالحاله
انطفت انوار القاعه وسلط النور لمدخل القاعه والكل في ترقب لظهور العروس الي ظهرت ويقودها من الطرفين حمد وسعيد
حمد حضر بنا على طلب شما وماقدر ايردها اما سعيد فكانت عنده حفوز للدخله والرزيف جدام البنات
...............................................
وصل سهيل والعاش للمصمم
سهيل:عنده حريم
العاش:هيه فلبينيات
سهيل:اخافهن ال.....
العاش:لالا حريم حريم
سهيل:ياله انزين نزليلمسه عواطف07-29-2012, 07:32 PMكانت راكبه ورا......نزلت وهيه مفتشله من فستانها المشعوط تحت
سهيل وعينه على طرف الفستان"""ياويل حالك ياسهيل لابسه فوشي..الله يستر
طلعو للدور الفوقي وسهيل لزم السكوت وقلبه يرقع من قربها واحساسه ان تحت العباه الملفوفه عليها بحرص شي مبهر
وفي الداخل حصلو وحده من الفلبينيات وقالت الها العاش عن مشكلتها وان العرس بدا
فوعدتها انها اتحل الها المشكله بسرعه وطلبت منها
تدخل الغرفه الي مايفصلها عن المكان الي قعد فيه سهيل الا ستاره
.................
كانت شما تنتفض وهيه تمشي بخطى بطيئه وسعيد وحمد ماسكينها ويصعدون ابها المدرج
ربيعات سعيد كتمن الانفاس وهن ايشوفنه مقبل بلون كندورته الصارخ بالبياض والسفره الحمرا والعقال وطبعا البربوشه والخيزران
غير النظرات والابتسامه الي كانه راسمنها على شفايفه......وبعد ماغاب عن عينهن حمد و رزته ومشيته الواثق فيها رغم القلب الملتاع حينها
كانت سلمى تمشي وراهم وهيه عاقه العباه وطالعه روعه في فستانها التركوازي ...سعيد ماقصر في مدح خواته قبل لايدخل معاهن للقاعه
واول ماوصلو للكرسي سلموحمد وسعيد على العروس واتبدلت الاغنيه باغنية هدي هدي هدي هدي اخدعوك وصرت ضدي ..لاتسرع في قرارك
...وتاخذ القصه تحدي
واول مابدا سعيد باليوله علت اصوات لشلة من البنات على طرف من الكوشه
حمد مشى لنصف المنصه ايريد يطلع لاكن سلمى اعترضت طريقه وطلبت منه ايرازفها
رفع حمد حواجبه مبتسم لاكنه رجع عن خاطرها وبدا ايول معاها
سلمى واهيه ترقص معاه وموازيتنه:خلنا انروح جدام العروس بتستانس
ورجع حمد معاها لجدام العروس اما سعيد فخبل بالبنات بحركاته
.....................
طلبت الفلبينبه الي عند المصمم من عايشه تصعد على رف عشان ترتفع شوي عن الارض وتقدر
اتخيط الها الفستان من تحت كانت العاش متوتره لانهم اتاخرو ومتلومه في سهيل انها اخرته عن العرس
خلعت العاش العباه والشيله وصعدت على الرف الصغير وبدت الفلبينيه اتخيط الفستان من تحت بايدها بمهاره
والعاش حاطه ايديها على خاصرتها
دخلت عليهن وحده تسال عن المصمم وطلعت تاركه الستاره مفتوحه شوي
كانت عيون سهيل على الجدار بعدين مشت للمرايه المجابله له وعاكسه
مدخل الستاره الي وراها العاش وشافها وتم متنح ايشوفها
قام واقف والتفت للستاره وقرب بخطئ حذره هو متاكد ان عيونها للجه الثانيه اقترب اكثر وطل براسه
داخل انبهر انبهر لاخر درجه وهو مايستاد..جانب ويهها طالع وتقاسيم جسمها بالفوشي تذبح حس بحراره
تشتعل فيه وماقدر يبعد نظره عنها قامت الفلبينيه وطلبت منها ماتتحرك عشان اتروح
تيب ابره ثانيه وبعد ما طلعت دخل سهيل ووقف قريب منها
سهيل:اسميه ماجذب الي قال ان العين دار الزين
صرخت العاش والتفتت بسرعه ادور شي تستر فيه نفسها لاكن سهيل حاصرها عند الجدار وهيه اتحاول تحمي نفسها امنه
العاش:سهيل شو هالينان
سهيل:انتي خليتي فيه عقل
العاش:لااااااا اطلع برا اطلع برا حرام عليك انا ماعليه عباه ولا شيله
سهيل:حراام عليج انتي الي اتسوينه فيه
التفتتله العاش وقعدت تضربه بايديها وهو ايحاول ايصد ضرباتها وهويضحك
العاش:انته قليل ادب قليل ادب ماتعرف السنع ولا اتعرف اتحشم حد
سهيل:هييييه انا من يابتنيه اميه قليل ادب وما قد كنت قد وعديه احبج العاش وربيه احبج ارحمينيه حرام عليج
العاش كانت تتنافض ودموعها بدت تنزل
العاش:سهيييل انته شو تريد منيه ...الي تسويه هذا غلط
سهيل:انيه احبج غلط انتي متى بتحسين
العاش:والله لا اخبرعليك حمد واخليه ايادبك على الي تسويييه
قعدت العاش على الارض وتمت اتصييح
الفلبينيه:شووو في ماما
التفت الها سهيل:برا برا انتي ايم هزبن هي"مشكله عاده لو الجمله غلط بتعلق علينا مكحوله"رووحي برا
سحب سهيل الفلبينيه برا ورجع للعاش الي اسرعت لعباتها ولبستها والشيله طوتها وحطت غشوتها على راسها
والتفتت بتطلع ومسكها سهيل:هااه على وين
العاش:بطلنيه انا مستحيل ارد معاك بتصل على حمد وبخليه ايي ايردنيه
سهيل:تعالي اهنيه وعن لينان
العاش:انته الي مينون وهب صاحي
سهيل:لاتلومينيه...الي ايشوفج وين يقدر يمسك حواسه خصوصا وانا مغرم لاخر رمق
سحبت يدها والتفتت للاصانسير
العاش:والله انك هب صاحي
.................................................. .......
مازال سعيد بحركاته الرهيبه الي خلت اكثر الحاضرات تفقد حواسها
ويعلو صفيرها وزعيقها ...وللاسف هذا الحال موجود في اغلب الاعراس
اعتقد ان ابليس قبل بداية العرس ايكون صاف جيشه وايوصيهم اسمع
بليسوووه انته اباك الحريم الي على الطرف هذا اتخليها تنعش بليا مدخن..وانتم ياملعن ياصغار اباكوالجهه هذي تدبون في ريولهن
عشان ابا اشوفهن فوق الطاولات يلعبن....اما انتم يا شباب الابالسه العبو في الميدان وقولو الميدان ياحميدان خلو الكل يخترش عشان اذا نزل علينا غضب ينزل عليهم بعد....اعوذبالله من غضب الله
حمد ماياز له الي ايسويه سعيد علنن عند الكل ياترا شو هو شعور الريم وهيه اتشوف سعيد بهالحال مش كفايه قلبيه الي ينزف بعد هذا لحمار قاعد يلعب بقلب اختيه
نزل حمد على الطرف الي فيه امه وخالته وسلم عليهن وعلى طول اشتلت العيايز كلهن الي ايعرفهن والي مايعرفهن عشان ايسلمن عليه
ويالله يالله اتفجج منهن ولمح الريم وناداهاا
اقتربت امنه الريم ومسكها من يدها ورقاها معاه فوق على المنصه
الريم:حمد وييين؟
حمد:اباج اترازفينيه
الريم:لااا
حمد:يالله امشي
سهيل تعب مع العاش وهو يترجاها تركب السياره
سهيل:الله يرضى عليج اركبي والله ما اسويلج شي....انا اسف والله اسف اوعدج ما اقل ادبيه معاج
مع انيه ما اشوف انيه سويت شي
العاش:ما سويت شي عيل وين لو اتسوي شي قلتلك مابروح معاك
سهيل:لحوووووه وبعدين يعني عاجبنج حالنا العالم اطالعنا بيقولون هالحين انيه قاعد اتحرش فيج
العاش:خلهم ايقولون الي يقولونه ولو ايبون الشرطه بعد احسن
سهيل:واهون عليج فديتج والله احبج
العاش:سهـــــــــــيل احترم نفسك
سهيل:انزين اركبي يابنت الحلال لاتفضحينا
العاش:احلف انك اتودينيه القاعه سيده
سهيل:والله اوديج القاعه سيده....هااه بتركبين
العاش:مادري
.................................................. .
كان سعيد مندمج مع اغنية عيضه المنهالي
للحرب مجرم وحتى الحب له مجرم
يامجرم الحب اناوش ذنبي وجرمي
كان يردد مع عيضه كلمات الاغنيه وياشر على نفسه
عيضه :خليت نار الجفى في داخلي تضرم...وارماني الوقت وانت بالجفى ترمي
كانت السفره والعقال حينها في ايدين المعجبات وسعيد في حركة يابس على طرف الكوشه
يوم لمحت عينه فجئه سواااد يلمع ايمر من عداله مع حمد
في باله يدري ان سلمى فستانها مش اسود وشما عروس بفستان ابيض ..طيب اوكيه في انا عنديه اخت
غير يجوز ترقص بحضوريه ولا هذي وحده ما قدرت تمسك عمرها...لاكن المصيبه اهيه ترقص مع حمد مع حمد حمد....هااااه اتكون الريم...مستحــــــــــــيي� �ل
اتوقع العاش الي ماتجوز ترقص عنديه ولا اتخيل ان الريم تتجراء واتسويها
في الوقت هذا ما قدر سعيد يعرف الي مرت من عداله لانه يرزف وويهه للمعجبات جدامه والي مرت مع حمد هالحين موجوده جدام العروس ترقص
التفت سعيد رايح لجهة العروس في الوقت هذا كانت الريم تمشي بعكس اتجاهه مع حمد واول ما اتلاقو
في نصف المنصه نزلو كلهم بحركة يابس.. سعيد وحمد ....والريم في حركه براسها دوخت سعيد
عيضه :قاسي عليه ولاترحم ولاتكرم..تبغي تخضب بدمي سيوفك الصرمي
وانا وفيا على العهدالذي مبرم..واقول للنفس صوني العهد واحترمي
بعدها قامت الريم ومشت اتجاري حمد في الرزيف متجهين لاخر المنصه وسعيد الي كان راسه مفتر اتجه لجهة العروس ومليون سؤال في راسه هل هذي صدق اهيه الريم
واتخيلو شكل واحد راسه مشوش كيف بيكون رزيفه قربت امنه سلمي ورقصت معاه واهيه اتحس ان باله وفكره مش معاه
في اخر المنصه همس حمد في اذن الريم:تراااه ريلج وانتي احق فيه من لمقلع هذيلا عاد انتي وشطارتج..ردي ادبيه وسلميليه على العروس
نزل حمد متوجه للباب الي ايطلعه من القاعه وترك الريم بروحها اتكمل رقصتها
كانت امل قاعده واتحس انها مش مع العالم وراسها مشوش وارهاق هاد حيلها
اول ما شافت حمد بيطلع لحقته وطلعت من الباب وكان واقف في
الصاله الصغيره الي جدام قاعة الكوشه
امل:حمــــــد...حمـــد
حس بروحه تضطرب والتفت عليها
حمد:بلاج؟
امل:اريد ارد الشقه
حمد:نعـــــــــــــــم؟
امل:احس انيه تعبانه واريد ارد
حمد بطنازه:وان شالله من شووه التعب؟
امل:يوووه قلتلك تعبانه ودنيه وارجع بعدين
مسك حمد امل من ذراعها وجرها وراه لوحده من الغرف الزايده في القاعه
امل:ايييه شوي شوي انا لابسه كعب وما اعرف امشي به
دخلها للغرفه وسكر الباب ووقفها جدامه
حمد:بتقولين اليه هالحين ليش تبين اتردين؟
امل:قلتلك تعبانه
حمد:لا والله بتاني جدامج اظن
امل:انته شبلاك يعني حق شووه برد
حمد:اسالي نفسج حق حبيب القلب اظن
امل منصدمه:اي حبيب قلب
حمد:شوووه نسيتيه ناااصر
نزلت امل راسها تحت ماتعرف شو تقوله
حمد والشرر يطاير من اعيونه :اسمعينيه زين..لاتفكرين بسكوتيه انيه مب فاهم شي
لاا يامدام انا فاهم كل شي وعارف انتي من اي طينه
رفعت امل راسها له مش فاهمه اهو شو يقول
حمد:تتحسبينيه لعبه في ايدج انتي وابويه حاطينيه للحايه الموقته عشان تضمنون الخاله ماتقدر اتشلج
وحضرتج ما ضيعتي وقتج قي تدوير الزوج الدايم الي تريدين اتعيشين معاه طول عمرج
امل:انته اتخرف شو تقول؟
حمد بصراخ:لاتنكرين شو كنتي اتسوين يوم يا راشد وامه وخواته هذاك اليوم شو سويتي بعد ما قالج ابويه انهم يايين ايشوفونج
ماخليتي شي ما سويتيه عداله وترتيب عشى وكل الي تقدرين عليه على امل انج اتعجبينهم
امل:اعجبهم ليش؟
حمد:لاتسويليه فيها ماتدرين يننتي الريال
امل:انا يننته؟؟!!!!ّ
حمد:مايندرابج ولا الاستاذ علي الي صدق خبلتيبه وخليتيه مايشوف ان عنده حرمه وبنت وياي وراج مسوليه فيها راعي فزعه واهو
رايح في عينها بسبتج
امل:حمد انته شو تقول؟
حمد:بــــــــس بـــــــس يا امل تمثيل لاتتصنعين اليه البراءه اوراقج مكشوفه ولا في وحده بترضى تاخذ تيلفون من عند ريال غريب وبطاقه الااذا كانت
ناويه اطور العلاقه معاه
شهقت امل وحطت يدها على فمها
حمد:ليش انا غبي ماعرف الاحوال الي ياتج عقب ماخذتي التيلفون من شووه طول الوقت مع الزفت هالتيلفون
الارساله رايحه ورساله يايه وسهر عليه طول الليل مشغول سوالف مع حبيب القلب
هزت راسها بلا واهيه اتحس انه يطعنها في قلبها
حمد:واخرتها يامدااااااام يطلع اليه ناصر وشكل المدام ماخذه على لمساته
وياعالم ليش تبين اتردين الشقه يمكن عشان مواعدتنه والي ايشوفج بالفستان هذا مؤكد بيقول مش معقول انخذ على الفاضي اكيد السالفه فيها شي خصوصا انج ماعقيتيه في العرس ويايه تطلبين الرجعه في بداية العرس
امل:حمد انــته انــــــــته اتـــــــــشك فــــــــــيه
حمد:انجبي ولا كلمه لاتحاولين تيبين اي عذر اذا كان ابويه انخدع ببنت اخوه الي ما اظن لقت حد ايربيها فانا مش مغفل
امل:انا مااسمحلك.........ما اسمحلك تطعننيه في شرفيه...انا انا انا مااعرف شو بقول بس انا
حمد:انتي تنجبين وتسكتين وردي داخل لين ايخلص العرس وردي مع الريم وياويلج ان حاولتي تطلعين او
اتفلين مع حبيب القلب سيري داخل يالله
ولحساب بنكمله بعدين
طلع عنها وتركهالمسه عواطف07-29-2012, 07:32 PMعلى المنصه قربت الريم من سعيد الي عيونه عندها وكانت الاغنيه هذي المره
للوسمي...وبدت ترقص جدامه وهو ايول ونزلت سلمى تاركه الساحه للريم وسعيد
سعيد انفتن من الفتنه الي جدامه مع حركاتها وميلان جسمها وخصرها عى انغام الاغنيه غير حركة الرقبه
الي تهزها بحركه تتماشى مع نغمة الاغنيه
ومع بداية الاغنيه كانت الريم تغني مع المطرب وتشير بيديها ممثله كلمات الاغنيه
يــــــــــضم القلبواشواقه
تــجيك الروح مشتاقه
ســــــــــــــــــــــــ ـــلام العشق واعماقه
وتهديك القصيد الوان
*****
تنح وتم واقف واهيه ادور من حوليه وعيونه ادور معاها ناسي اهو وين
وقفت جدامه ووجهت له كلمات الاغنيه في خااااطرها تقهر ربيعاته
عـــــلى درب الهوى جينا
تغير كل مافينا وعشا فرحة الازمان
********
ابتسامتها له ونظراتها خلته ايعيش في عالم ثاني عقبها ظربه حماس وتم ايرازفها من الخاطر
ويتماشى معاها ومع ميلان جسمها
عرفنا الحب واسراره وكتبنا اجمل اشعاره
وغنينا على اوتاره وذبنا بالغرام الحان
********
زاد الحماس عند سعيد الي طقع للشله المبهوره بالبنت الي معاه ياترى من اتكون
وتم ايرددالاغنيه مع الريم وعينه بعينها
نسينا كل مواجعنا وبقينا اثنين ما معنا
سوى الاشواق تجمعنا بلاهجر وبلاحرمان
*********
ومع كلمات الاغنيه كانت الريم اتشير لقلبها وقربت من سعيد ومسكت بربوشته ونزلت معاه يابس وهو مستخف ويصارخ
الاياحبي السامي لقيتك باول ايامي
تعال وجدد احلامي ترى قلب الهوى سهران
*********
شربت الحب من كاسك وطعم الورد بانفاسك
لانك عذب باحساسك وانا مغرم بك وولهان
**********
ومن كثر ماهو خلااااص رايح في عينها مد ايديه ومسكها من خصرها الي
كانت اتحركه مع انغام الاغنيه وهو ايجاريها بحركه راسه الي يقربه ويبعده
حبيبي كان ماتدري ترى حبك بدا يسري
بدمي وانت ياعمري سكنت بداخل الشريان
**********
قطعنا الحب ودروبه وصغنا روعة اسلوبه
حكاية عشق مكتوبه وصرنا للهوى عنوان
.................................................. ...........
طول الطريق العاش وسهيل وقعه اما حمد فبعد ماطلع من القاعه كان علي
ولد خاله موقف سيارته ومنزل حرمته وبنته الصغيره ام سنتين الي فلتت يدها من يد ابوها وركضت لنصف الشارع ولولا ان حمد لحق عليها بسرعه ولا كانت السياره المسرعه
في الشارع نفسه دعستها
علي حس ان الارض جمدت به وفقد الامل انه ايشوف بنته حيه لاكن الحياه ردت فيه
اول ما شافها في ايدين حمد ركض هو وزوجته ناحيته وشلو بنتهم وهم
بعدهم ينتفضون من الي صار
صرخ حمد ولام علي كيف يفجلها جذيه في الشارع عقبها تركه وراح لسيارته ولحقه علي
علي:حمد ياريال اصبر
حمد:شتبا؟
علي:ماعرف شو اقولك.....بس انا اسف ياحمد اسف على كل الي ياك منيه
حمد بغيض:مابا شي منك غير انك تترك حرمتيه في حالها
علي:انا حرمتك ماييتها ولا ابا منها شي كنت بس اريد اعصببك
حمد بطنازه:والله والتيلفون الي عندها وتهديدك اليه
علي:والله بس رمسه وحتى انيه اصلا ما شفتها بس كنت مار وسمعت خوله تمدحها لخويتها
ياغير انيه لمحتها رايحه البحر ما شفت منها شي
والتيلفون بعد ردته اليه مع البطاقه وقالت انك انته بتيب الها غيره
حمد التفتله منصدم:شوووه ردته عيل الي عندها منو يايبنه
علي:سمعت عميه ايقول الها والله ما نمشي من بوظبي الا ماخذلج غيره
مسك حمد علي من الغيض من كندورته جدام:واتقولليه رقميه عندها وبفر راسها فريت اليه راسيه انا
علي:سامحنيه فديتك سامحنيه...والله مادوسلك على طرف ولا اضايقك من بعد اليوم
ترك حمد علي وهو ايدزه:فااارج
ركب حمد سيارته ورجع عندقاعة الريايللمسه عواطف07-29-2012, 07:33 PMبعد ما خلصت الاغنيه ما حست الريم بنفسها الا وسعيد شالنها فوق
الريم:سعيد نزلنيه
ابتسم الها وقلبه ايدق لاول مره بهذي الطريقه
سعيد:وين طاولتج بوديج الها
الريم:لا مافي داعي بمشي
هز راسه:لا مافيج انا بوديج
الريم بنظرات اعيونها:انزين بس طاولتيه مب بالجهه هذي اذا في خاطرك اتروح مناااااك
سعيد:ايخسي مناااااك والي فيه
ابتسمت الريم ووجهت نظرة تحدي للشله المقهوره على الطرف الثاني
وذاب سعيد بابتسامتها
نزل سعيد شال الريم من فوق المنصه واتوجه للمكان الي اشارت له واول ما وصل اهناك وحطها على الطاوله كانت امه وخالته حوليهم
فرحنات ان طبوبهن نجحت كان ايحس ان روحه انربطت فيها وما عنده نيه يتركها او ايخليها اتغيب عن عينه
.....................................
وصلت العاش الي نزلت وصفقت بالباب بقو وركضت للداخل وواول ما دخلت لمحت امل واقفه عند واحد من البيبان وراحت صوبها
العاش:شوووه دخلت العروس
لاكن العاش انصدمت من شكل امل
العاش:امـــــــــــــــــ� �ــل شبلاج
كانت اطراف شفايفها اتميل للزراق
قعدت امل على الارض سانده ظهرها للجدار
العاش:امل فديتج شبلاااااج؟
امل والدموع تنزل بغزاره:ار اريد عميه اريد عميه العاش انا انا ما اقدر ا اخ اخذ نفس
بموووووووووت ارجوج اريد عميه
وحطت امل يدها على قلبها:ااااه ماقدر ماقدر اخذ نفس
العاش:تيلفونج ويين
هزت امل راسها:ما ماعن اااااه ماعنديه اريييييد نفس ارجوج العاش
ركضت العاش للداخل ولمحت سلمى وركضت الها ويت سلمى تركض معاها
سلمى:امل امل شبلاج
امل وعيونهاا خلاص والزراق بدا ينتشر في ويهها:بمووووووووت
ارتبشت سلمى ووقفت اتحاول تتصل لحمد لاكنها ما قدرت تسيطر على اصابعها الي بدت تنتفض
كان حمد قاعد عدال ابوه وقدمو له كوب عصير بارد واول ما قربه من شفايفه عض شفايفه واتذكر القبله وحس مثل الرعشه الي تسري في جسمه
وابتسم ايحاول ايسيطر على شعوره الي تفجر مره وحده
طاح الفنيال من يد ابو حمد وهذا فال شر عنده قام ابو حمد واقف وتم يتعوذ من ابليس
حمد:ابويه شبلاك؟
ابو حمد:لاحول ولا قوة الابالله...متى بتدخلون المعرس
حمد:ابويه بلاك تو الناس
ابو حمد:لاحول ولا قوة الا بلله اتصل على خواتك طالعهن
حمد:ابويه لاتم عاده من ايطيح عندك الفنيال اتشامت عين خير شو بيصير يعني
حمد:اااااه ياولديه انته ماتدري بالضوء الي شابه في قلبيه هالحين
حمد:اذكر الله اذكر الله مابيصير شي
ابو حمد:سر انزين سر طالع خواتك
اخيرا قدرت سلمى اتسيطر على رعشة ايديها واتصلت على سهيل
سلمى:سهيييييييل فديتك تعال بسرعه لبنيه بتموت بين ايدينا
انتفض سهيل واقف وهو ايفكر ان العاش يمكن عقب الي صار الها معاه صار الها شي وركض بسرعه
وركب سيارته وراح صوبهن
سهيل:وين انتن؟
سلمى :اهنيه عند مدخل الحريم
سهيل:يالله ياي
ركض سهيل بسرعه داخل ولفت سلمى امل بالعباه وطلبت من سهيل ايشلها
سلمى:بسرعه بسرعه الاكسجين موقف عندها
شلها وركض ابها برا وسلمى والعاش يتبعنه بعد ما لبست سلمى عباتها في
نفس الوقت كان حمد واقف مع ريال قريب البوابه ولمح الناس الي يركضون للسياره ولمح لون الفستان الي نازل من الي شالينها
تم فتره واقف ايطالعهم وهم ايحركون ريوس وبسرعه جنونيه طلع سهيل السيلره من زحمت السياير ايحاول يستوعب شو الي صار عقبها قرصه قلبه وركض لسيارته ولحقهم
سلمى كانت قاعده وحاطه راس امل على ريولها والعاش قاعده جدام
وويهها عندهن وتحث سهيل يسرع
امل:ااااااه بمووووووت ما اقدر مااقدر
سلمى:سهيييييييل فديتك بسرعه
تمت العاش اتصيح وسلمى اتصيح وتقرا عليها
اما سهيل كان متوترومتخربط من اصواتهن وصياحهن والي وتره اكثر هرييين السياره عداله
التفت وشاف حمد لاكنه ما وقف له وتم على ويهه
عصب حمد وتم اكثر ايهرن بالسياره وعند الاشاره الي اضطر سهيل ايوقف فتح الدريشه وياه صريخ حمد
حمد:اقولك وقف....وقف يا كلب
هز سهيل له راسه انه ما يقدر وحرك والاشاره بعدها حمرا ولحقه حمد الي خلاااااص
بدا الغيض يتملكه والخوف مسيطر عليه
وصل سهيل مستشفي الجزيره اول وحول شال امل ووراه البنات والسياره خلاها
مفتحه بيبانها وراحو داخل وعلى طول استلموها دكاترة الطواريء
اول ما وصلهم حمد مسك سهيل وثبته على الجدار:ياحمار يوم بقولك وقف يعني اتوقف
سهيل:اوقف كيف ولبنيه بين الحياه والموت
وما وعى سهيل الاببكس ياينه على ويهه بسبب هالكلام المرفوض عند حمد
التفت حمد للعاش وسلمى الي كانن ايصيحن وصرخ:وييينهااااااااالمسه عواطف07-29-2012, 07:33 PMاشرت له سلمى للباب الي دخلوها امنه واندفع حمد له ودخله
وبقى ايموت وهو ايشوفها ممدده على السرير والدكاتره حولينها ايحاولون
يبثون الحياه في قلبها عن طريق الصاعقه الكهربائيه
صرخ عليهم حمد:يااااااااكلب شل ايديك عنهاااااااااااا
اندفع ناحيتهم وهو يصرخ:اقووووولك شل ايديك عنهاااااااااااااا
مسك حمد الدكتور الي ماسك الجهاز ودزه على الاجهزه وراه
حمد:انته مينوون مينوون اتسويبها جذيه
ركضو اثنين من الممرضين لحمد ومسكوه وتم يلعنهم ويشعنهم وهم ايجرونه
ايحاولون ايطلعونه
حمد:بطلونيه ياكلاااااب ...ياويلكم ان دقيتوهااااااااا...والله لا اذبحكم
رفض حمد للي ايشوفه جدامه خلاه يقدر ايقاوم مسكة الممرضين ورجعهم وهم يسحبونه لنصف الغرفه وهو ميت من هذا
الي يضرب امل بالصاعقه الكهربائيه
حمد:يعنيه افااااارق ويهك بطلهاااااااا......شل ايديك عنهاااااااا