ســراجــــــــــــــــــي .... 🍂📿
الجـــزء ١١
بقلم __ نسرين أبدوني
تسنيم (بتوتر) : بلغيها بللي أنا موافقة غير هو عندي شي شروط تتجيو ونقولهم لسراج إلى قبل
مريم (بعدم فهم) : واخا غنبلغ كلامك نخليك دبا باغا شي حاجة !!
تسنيم : سلامتك باي
قطعات معاها مريم دارت تشوف فمها وتعاودلها شنو قالت تسنيم كان سراج تاهو جالس تيسمع
هدى : هي قالتلك هوكا (جلسات جنب ولدها)
سراج الدين : صافي أماما نمشيو اليوما بالليل نشوفوها
هدى : إنشاء الله غنوض نصايب الفطور
عند تسنيم
كانت هازة تصويرة رفيق دربها سندها وخوها عبد الهادي
تتشوف فيه بحنية واشتياق دموعها مجموعين فعينيها
تسنيم (بصوت مرتجف) : حبيبي أنا دبا صافي كبرت وولاو يجيوني الخطاب كاع عرفتي شكون حلمي ومستقبلي سراج الدين أنا دبا غنتزوجو (بدا صوتها يتخنق بالبكا) كنت باغاك تكون معايا فهاد النهار تقولهم شروطي كلهم وتبوس راسي ويدي باش كلهم يعرفو أني غالية عليكم ولكن ربي بغاك وخداك كلشي قسمة ونصيب خويا حبيبي نخليك دبا ... (مسحات دموعها وضحكت) غنمشي نجيب ورقة وستيلو نكتب شروطي
مشات جابت ورقة وستيلو وبدات تتكتب شروطها مدة بسيطة وسالات تنهدت كأن هم وانزاح على قلبها حطات الورقة وناضت شافت مكان الفلوس واش غيقدوها لقاتهم قادينها ووافيين رجعاتهم المكانهم ومشات تكات فبلاصتها تتفكر كون كانو ولديها شنو غيديرو فهاد نهار ... مفاقتش من سهوتها فير على دمعتها للي نزلات مسرسبة على خدها مسحتها
تسنيم : لا صافي براكة مكينش دموع كين غا الفرحة والسعادة النوض نوجد شنو غنحط العشية باش في الليل يكون عندي الوقت نوجد راسي
دازت تلاتة الساعات كلها كانت غا تتنقز من مكان المكان في المطبخ كملات الحلويات والمشروبات للي غتنزل ليهم فاش غيجيو حطات كلشي في الثلاجة ... كفضات بدات شقا تتجمع فالدار وتجفف كيف كملات مشات صيبات فطورها عاد طلعات جبدات التياب للي غتلبس فاش يجيو وجبدات تا بيجامة تلبسها دبا فاش تدوش دخلات دوشات حيدات العيا وتمارة جمعات الدوش عاد خرجت لبسات بيجامتها صلات ركعتين شكر عاد تكات تتسنى المغرب يأذن
....يتبع
أنت تقرأ
ســراجــــــــي ♡ بـالــدارجـة مــكتملة♡
Romance🏮🌙رمضان كريم🌙🏮 ❗️ممنوع النشر إلا بعد إدني❗️ ☆أَتاني هَواها قَبلَ أَن أَعرِفِ الهَوى فَصادَفَ قَلباً خالِياً فَتَمَكَّنا ..☆ قال .. دعينا نقتدي برسولنا دعي قلبك بين يدي خالقك أثق أنك لي وأثق أن الله لن يخيبني... فردت .. يا ا...
