ســراجــــــــي ♡ بـالــدارجـة مــكتملة♡

الجزء ١٢

ســراجــــــــــــــــــي .... 🍂📿

الجـــزء ١٢

بقلم __ نسرين أبدوني

●° بعد صلاة العشاء °●

جا سراج ودارهم دقو الباب تاع دار تسنيم تسناو بضع ثواني وفتحات ليهم الباب وجهها حمر بالحشمة

جلسو شويا تيضحكو ويهضرو من بعد علمتهم تسنيم أنها موافقة على زواج في البلاصة طلب سراج من ولديه يدوي معاها زوج كلمات في البالكو وهما مرفضوش خرج هو وياها جلسو فمقاعد تما دقيقة صمت تا واحد فيهم ما دوا تا قرر سراج يكسر الهدوء

سراج الدين (شاف فيها وحنحن) : احم شنو شروطك

تسنيم (حشمات من شوفاتو) : أنا عمري كلو كنحلم نتزوج برلجل عارف بينو وبين الله وتا علاقتنا تكون من بديتها بما يرضي الله ..

سراج الدين (بابتسامة) : تا أنا بحالك

ابتاسمات ليه نزلات راسها التحت متفادية تشوف فيه وترها بنظراتو

تسنيم  : مزيان إذن أول شرط بغيت دارنا للي نسكنو فيها ميكونوش فيها تصاور سوا تاعنا أو وتاع غيرنا حيت تيتسكنو فيها الشياطين ثاني شرط بغيت بيت نصيبوه بحال جامع صغير أو مكتبة

سراج الدين (طول فيها الشوفة مبتاسم) : فكرة زوينة عجباتني إنشاء الله نقدر نحققلك كلشي تتمنايه

تسنيم : صافي الحمد الله ممحتاجة تا حاجة أخرى

سراج الدين : يعني مغتسولي تا سؤال

تسنيم (بخجل) : لا مكاين لاش أنا تايقة فيك

فرح بزاف من شنو قالت حس بقلبو رفرف مكرهش يعانقها لكن يستحيل طالما محرمة عليه

سراج الدين (بجدية)  :  تسنيم باغيك تصللي صلاة الإستخارة حيت العقد باغي نديرو بالزربة

تسنيم (بكرة الحشمة صوتها خرج مبحوح) : واخا إنشاء الله

بعدما تافقو رجعو جلسو معاهم كملو الأمسيو وعاد مشاو الديورهم

....يتبع