(قيود الميلانين الأبيض)"الأصلية"

بارت 13

#قيود_الميلانين
البارت الثالث عشر
للكاتبة هـدى الخيگاني

_______

قبس.. كعدت ع صوت فارس يكعدني

فارس:- كعدي قبس كعدي لازم اروح شهرزاد بخطر..

كمزت بسرعة
قبس:- وييين اجي ويااك ماعوفهاا

فارس:- وين تجين ترا همه يدرون اني اشتريتج منهم شلون ترجعين الهم

قبس:- بس صديقتي !!!!

فارس:- اصبري ما اطول اسبوع وارجع

انتبهت بعز خوفي ع شهرزاد مزين لحيته بعد ماجانت حاله حال لحيتهم ومزين شعره بعد ماجان طويل  لتحت اذنه

فارس:- شنو مضيعه شي ولكيتي بوجهي

قبس:-ها وانتتت شعليك ها يلا روح بس خلصني..
لبس اسود باسود عبالك منهم وبيهم وراح  سد الباب قفله..

رحت للمطبخ اجهز اكل الي جعت سمعت فتحه باب والباب هوة قفله بنفسه وراح..!!!
......
شهرزاد..
شهرزاد:-فااارسس شلون اجيييتت بهل وضع ماتخاف يقـْْلونك

فارس:- هاج فكي البنات بعد بسرعه حتى نطلع..

كصيت حبل ايديهن من الضغط صايرة زرق لدرجة ميوصل دم لايدهن البعض كاصين شعرهه صفر والبعض حاركين نصف وجهه واشياء متخطر على البال بوجوهن كومتهن كلهن وحدة سندت الثانية وطلعنه

جان دنيا ظهر تقريبا.. بس الغريب محد موجود يم غرف السجن

ضلينه نمشي هواي وحدة منهن متحملت وكعت بالكاع

:-دخيلك اخي خلص ماعاد فيني كمل خلينا نرتاح شوي

فارس:-تحملي خوية بس خلي نوصل مابقى شي ترا شوي ويكعدون يبقون يدورون وتخيلي شيسون اذا لكونه

هو كال هيج هي كامت ولا جنهه القبل شوي تعبانة ..

:-ياروح مابعدج روح امشوو

ضحكنه عليهه بنص تعبنه وهلاكنه..

شوي ووصلنه لسيارة  جبيرة بيهه عوائل وشباب  وبنات وكلهم حالتهم تكسر الخاطر ومن وجههم خايفين حيل صعدت اني كعدت بالاخير فارس ماعرف وين راح شوي ورجع بيده جهاز يخابر

فارس:- اي وصلت..  عادي دخلهم لحد ما اجي..

شهرزاد:-وين رح نروح هسه

فارس:- رح اخذج لشخص مشتاقتله..

شهرزاد.. فرحت الابتسامة وصلت لاذني رح اشوف قبس اخيرا..

مشت السيارة وكل ساعه طسه تصير. طريق وعر وماعرف شلون مشاها السايق..

.. ضليت كاعدة بعدين غفيت من التعب كعدت ع حركه سيارة وكفت

:-يلاا منو يريد يروح للاستراحة

شهرزاد:- اريد اروح اغسل..

فارس:- يلا اني هم اريد انزل

نزلنه سوية  وبعض العوائل نزلت تشتم هوى صافي خالي من اختلاطة مع دماء الابرياء

غسلت ورجعت شفت كرسي كعدت علي شوية خذتني صفنة اذكر شصار وشلون

بسرعه مر وكت بس بهل وكت خسرت حتى اهلي ومابقالي حتى فارس بعدين يروح مايبقى

قاطعني من افكاري صوت فارس دينطيني لفة وجاي .. اخذته تشكرت منه شوي وصاحو لازم نطلع بسرعه حتى نوصل من وكت

صعدنة مره ثانيه بالسيارة نمت مره ثانيه ماكتفيت من نوم ..

فارس:- يمك يمك نزلنه ... شهرزاد كومي وصلنه

حجيت بنعاس :-ها كعدت كعدت ..

نزلنه من سيارة تمشينه مسافة .. صادفنة شخصين   واحد طويل  شكله لاباس بس ثاني مالوف معرف وين شايفته حجه واحد منهم

بسام:-هلا بالضلع .. سلمو وضربو كتف بكتف

اسر:-ولله يخوي انت ينكال عنك ذيب كل هل ناس لولاك جان ضلو ع حالهم بين الوحوش..

فارس:- مانسى وكفتك وياي اسوري

اسر:- لاولو اي واحد غيري يمكن يسوي السويته ولا اني قصرت اصلا ...

شهرزاد.. عرفت هذا الاعترف انه هو الشرد الازيديات زين شلون وليش..  مانقتل منهم وشلون نفذ من ايدهم مادري..

اسر:- يلا خوية هم يلا نوصل..

صعدنة  بالسيارة اني ورة وهمه كدام..

وصلنه لبيت واجهيته تفتح النفس انفتح باب الجبير دخل السيارة فد مرة بالكراج نزلت من سيارة ...

فتح الباب بسام واني وياه شهكه وحدة ونكطاع نفس واحد صدمة وحدة صرخه وحدة...

مشاعر مختلطه حزن صدمة فرح بكاء كله هذا مايوصل الكم مشاعر الاجتاحتنه بهل لحظة...
........
مرحبا فراشاتي شلونكم شخباركم رمضان كريم ان شاء الله عليكم زصيام مقبول وافطار شهي .. اول شي اعترف تاخرت بالبارت بس للاسف ذاك الاسبوع تمرضت ومكدرت اشيل اصبعي والسبب شبس اول مره اكله وماكدرت معدتي تستقبله ف اخذو حذركم من جميع الاجباس التاذي المعدة لتشترون فقط ليز لان حيل تاذت معدتي واتمنى تاخذون بحجيي وتديرون بالكم ع اطفالكم ونفسكم... دمتم بخير 💜