(قيود الميلانين الأبيض)"الأصلية"

بارت11

#قيود_الميلانين
البارت الحادي عشر
للكاتبة هـدى الخيگاني

_______

ضربتهه ع حلكهه ضل يجري دم واني ناعمة وهي ضخمه بس ماعرف منين جتني القوى
ماحس ... الا اجاني راشدي وانجريت من ضفيرتي (شعري)

قيصر:-بسج كااافييي مامليييتيي من العرااايك والصياح جنج ثور هايج علينه ادري جايبينج فصلية لو انتقام

..يضربني بدون وعي مثل الي مخدر أصرخ اريد احد يفلتني منه بس الكل يشجعه.. :-عفيه ادبها هل ادبسز

سحلني سحل للغرفة  تكسرت عظامي بعد ماحس بالضرب اغمى عليه من الوجع ..

بين الكاعدة والنايمة حسيت ع شخص يمسد ع شعري .. بس ماكدر افتح عيني ولا احجي غبت عن الوعي مره ثانية

ماعرف شكد مر وقت بس اوعى تقريب الدقيقتين وارجع يغيب وعيي اسمع اصواتهم بس ماكدر احجي.. فتحت عيني مغوشه شوي

غسق:- مي.. اريد مي عطشانة.

صقر::- غسق .. غسق اصحي شتحسين شنو يوجعج!!

غسق::- راسي ياذيني حيل!!

صقر::-لاتخافين هسه انطيج مسكن

غسق::-عطشانة ..

صقر::-تفضلي..

..اخذت الكلاص من ايده تذكرت الصار..

غسق:-انت شلون اجيت هنا احد انطاك خبر؟

صقر::-لا جيت اقيس ضغطي كالو روح علك مغذي ينزل ومن طلعت شفت المايتسمى شايلج ودمج تارس ملابسة ومن طلع دكتور كال هاي معنفة بضرب واخذ المقسوم مني ..

غسق:- ضربتتته لييش هسه يشتكي عليك تدري بي هو عدهم واسطاات لولاا ..

صقر:- ارتاحي هسه بعدين نحجي ..

.. رجعت نمت راسي ملفوف ب شاش معرف بيش ضربني.. ضليت اتحسب وارفع ايدي ادعي عليهم ربي ميضيع حق مظلوم
......
الزعيم:- سمعنه. بيك مريضة

اردفت باستغراب
شهرزاد:-نعم زعيم!!

ضيق عينه بتركيز وحك لحيته
الزعيم:- وماجاي تادين واجبج باتم الحال

فتحت عيني على وسعهن اردفت بخوف
شهرزاد:-لالا زعيم اكمل واجبي كامل رغم تعبي بس مستحيل اعوف خدمتكم

الزعيم:- لاخلص انتي بعد ماتفيدين

شهرزاد..حسيت دمعة حركت خدي انتظر شنو يكول اكيد رح يسحبني لسجن البنات الازيديات اذا بطلني من مهنتي

الزعيم :- رجعي لمكانج وباجر اقررىشنو مصيرج

شهرزاد:- بس زعيمم..

الزعيم:- براااا اخذهاااا..

سحبني الشخص عتيت ايده بقهر

شهرزاد:- اتركني اني اعرف امشي

.. طلعنه من غرفته وصلنه لغرفتي واني جاي امشي حسيت شي نغرز ب زندي ..

صرخت بخوف بس سد حلكي بعد محسيت غير واني

بغرفة  وظلمه ماكو غير ضوة الي يجي من تحت الباب وصوت الكلاب تعوي

شهرزاد:- منوو هناا افتحوو الباب دخيلكمم..

ردت اكوم. حسيت ايدي مربطه

:-هشش اسكتي هلء بيجو يضربونا دخيلك اخفضي صوتك

شهرزاد:- اني وين

:- انتي بسجن الازيديات تبع د.ا.ع.ش

شهرزاد :-شنو  لا فدوة لاتكوليها فدوة لا

:- النا الرب بس ياختي.. 

...

مرحبا فراشاتي شلونكم طبعا نزلت الكم بارت وتجاهلت بعض التعليقات  بس لعيون الحلوات + ياريت تعلقون ب كلمه حلوة غير عن بارت قصير لان صدقا دتضغطون عليه وككاتبة مبتدئة كل دقيقة اكول خلي ابطل ماكتب من وره التعليقات والضغط الديصير عليه يمكن لو ما بعض شجعوني مارجعت نزلت ف ياريت تعلقون تعليق حلو والي ماتعجبهه الروتين مال القصة تنتظر اختمهه بعدين ارجعو اقروها وبس

لاتنسوون
⭐⭐⭐⭐⭐