(قيود الميلانين الأبيض)"الأصلية"

البارت 4 ج2

#قيود_الميلانين
البارت الرابع _الجزء الثاني
#للكاتبة_هـدى_الخيگاني
_____‏
﴿ ᷂وَاذْكُر ᷂رَّبَّكَ ᷂إِذَا ᷂نَسِيتَ ﴾
‏- ᷂لآ ᷂آلهَ ᷂الا ᷂الله
‏- ᷂سبحَان ᷂الله ᷂وَبٓحمده
‏- ᷂سبحَآن ᷂الله ᷂العظيم
‏- ᷂استغفرالله ᷂واتوب ᷂إليه
اللهم صل على سيدنا محمد
_______

..راح فارس يفتح الباب رجع هو وياسر منو ياسر؟؟؟ الي يتسمى على اساس ابوي تقربو سلم وكعد يسولف والكل مصدوم شنو رجعه وليش رجع مو سمعنه بي تزوج

التفت عليه عرفني بس مايتجرء حتى يحجي كلمه حاول يحجي وياي

ياسر:- ها بويه شلونج

غسق :- زينه بس منو حضرتك

ياسر:- بويه غسق اني ابوج ماتعرفيني ماتذكريني

حجيت وكمت بسرعه للغرفة
غسق:- اعتذر بس اني ماعندي اب ابوي مات من زمان ..

دخلت لغرفتي شويه وسمعت الباب يندك..

عمتي :- يمه غسوقه تعاي احجي وياج شويه

حجيت بغصه
غسق:- عمه وين جان عني كل هل سنين مو جنت محتاجته بوكت الاذوني ناس غربه وناس من لحمي ودمي ليش هسه يلا اجه مو تبهذلت بين ناس الي تسالني شنو أسم ابوج شنو اجاوبها ماعرفه لو ميت لو ماعندي اب لو عافني وراح بعز احتياجي اله

... لو امي العافتني وراحت تزوجت والتهت ب جهالها ولا كان عدها بنيه وراها محتاجتها عمه ماريد اشوف احد منهم ولا اريد ارجع واسامحهم لو بينهم وبين الجنه شبر على مسامحتي

عمتي:- عمه ندمان رجع ندمان يريدج هو انعمه ع عيونه بسبب هل نسوان هاي والفلوس تجر اكبر واحد وتغريه تدرين هسه باقي بدون احد مرته ماتت من جابت ابنها وخلته وحده هو وابنه وهسه مبتلي بي

غسق:- شنو يعني يريدني اربي مثلا اله لو يريدني ارجع علمود اساعده والى اخره ترا كل هذا مايهمني ولا ينكسر كلبي علي الشفته اسوء من الشافه هوة

عمتي:- خلص يمه اهدي وفكري عدل ولاتنسين الظفر مايتبره من اللحم..

طلعت وسدت الباب وراها .. كعدت ع جرباية اجت ببالي سالفه قيصر بعدها سالفه ابوي كلشي صار يدور بعقلي من كد التفكير والحيره بدي انام بعد ماكعد كمت غسلت وجهي طلعت لكيتهم كاعدين صابين جاي وكعك يسولفون

ياسر:- بويه موهيج مارايدين بتنه اني بنتي مانطيها اني اصلا رايد انطيها ل....

غسق:- عفوا تنطيني لمنو؟؟

ياسر:-بويه تعاي كعدي خلنتفاهم ...انتي ليش مبهذله من بيت لبيت على الاقل ازوجج لابن..

غسق:- شنووو هاي من بدايتها وهييج تريد تتحكم بيه لا انت ولا الاكبررر منكككك يزوجنييي انيي مامتبهذله بيت عمتي والحمدلله عايشه معززه مكرمه بين ولد عمتي وماناقصني شي شفتني دكيت الباب عليكك وكتلك انطيني فلوس لو تعال اعطف عليه وزوجني لاحد

باوعلي بخزرة والشر يتطاير من عيونه
ياسر:- سمعي ولج مو احترمتج وحطيتج ع راسي وكلت بنتي ميخالف اول ما تعديتي حدودج المره الجايه ماتعرفين شنو ممكن اسويلج

صقر:- عفوا شتسويلهه

ياسر:- مالكم اي دخل بنتي هاي ومحد اله الحق يتحكم بيهه غيري سمعتوو

صقر:- تمام لعد الي تسميها بنتك مارح تطلع من بيتنا وشنو تريد تسوي سوي... يلا براا

گمريه:- يمه موهيج على كيفك علاقل احترم شيباته

فارس:-******* على شيبااااااتهههه اطلععع برااااا ماااالك بنيييه عددددنه

ياسر.. هز راسه بتوعد طلع بعد ما عاطو بي وعمتي ترجف صعد سكرها كمت بسرعه اني واسماء انطيناهه دواء..

باليل كعدنه سوى ويتناقشون بسوالف عامه..صافنه بالفراغ افكر اذا رحت لبيت قيصر شيصير بيه واذا رحت لبيت ياسر شنو ينتظرني لازم يعني اختار بينهم موكافي تعبت عمتي وولدها حتى يحموني ويخلولي عيشه زينه لو ما همه الا اني ماعرف وين ب يا شارع.. قاطع تفكيري صوت الباب تكسر من الدك كام فارس فتحه وعمتي حطت ايدها ع كلبها .. رجع بايده ورقه ووجهة ميكصه السيف

عمتي:- ها يمه شنو هل ورقه

فارس:- اخوج مشتكي علينه ب تهمه اختطاف بنته واذا ما رجعناهه هل3 اشهر رح يا اما ننسجن يا اما ياخذها بالمحاكم

..دكت ع كلبها
عمتي:- يمه بنتي ما انطيها ماكدررر انطيهااا ..يتبع
_____________

لاتنسوون

⭐️⭐️⭐️⭐️⭐️