#قيود_الميلانين
البارت ماقبل الاخير من الجزء الاول
#للكاتبة #هـدى_الخيگاني
....
الشيخ:-اكعددد قيصرر شنو ماعندك احترام للكبار الشيوخ الكاعدة لا والله ثم والله ماوكف وياك اذا ماحترمت شيبات الكاعدين..
..كعد قيصر بخجل نزل راسه واعتذر
غسق:- خلص شيخنه اني اريد انهي كلشي جيب شيخ يطلكنه.
رفع راسه قيصر بصدمه فتح عيونه على وسعهن
الشيخ:- عمي ننطيج مهله شهر فكري بيه هاي موش لعبه الطلاك
غسق:- مثل مكتلك شيخ بعدين اني رحتلهم فصليه مايحتاج افكر .. استأذنت منهم وطلعت
حسيت واحد جرني من ايدي التفتت تسواهن..!!!!
تسواهن:- شنهو الجرة ليش هيج عيونج تجري
ضليت احجي بتمتمت
غسق:- ممم اا تسو تسواهن ..
اذا عرفت الي صار تدخل للديوان مصيبه
ماشوف الا دفعت الباب حيل ودخلت الزلم كلهه وجهه اصفر من الصدمة
..دخلت جوة بسرعه صوت تسواهن يرعد رعد
مو هي نفسها الي انطتني فصليه الهم لاجل ماتاخذ فلوس !!!
دخلت لعمتي شفتهه تحجي ويه البنات كعدت يمهم
گمرة:-يمه سودة عليه شلون تحملتو كل هل ايام وياهم
ام شهرزاد:- اي ولله يمه شنسوي بعد هذا مكتوبلنه نعيشه ..هسه اني ماقدغ اضل لازم ارجع للموصل
سالت بتعجب
گمرة:- حجيه شو لهجتج مو نفس اهل الموصل
ام شهرزاد:- اي ييمه احنة مو اصلنه موصل احنة من العمارة بس اجينه للموصل بسبب كثره الفصول والدكات العشائرية
غسق:- الاعرفه اهل العمارة حيل زينين
ام شهرزاد:- ماكو محافظة مابيهه الزين والموزين
غسق:- تدرين يمه الكاعدين يحلون المشكله نصهم عماره ويامحلى اسلوبهم ..بعدني ماكملت واسمع صياح تسواهن والزلم
تسواهن:- موش هييين اني تسواهن حفيدتي تروح فصليه لاهدن عليك الزلم بس هين هين اصبرلي اذا مانكصت عيشتك وخليتك تبوس تراب التمشي علي ماتسمى تسواهن
قيصر:- لاتخليني افشلج وانتي بعمر جبير وعيب مره جبيرة تتفشل بين زلم هيج.. اول شي انتي الانطيتيني اياها فصليه نسيتي لو اذكرج ونسيتي ليش اخذتهه. فصليه ؟؟
..مسمعت صوت تسواهن بعد
.. ياترى شمسويه حتى سكتهه بعد ماجانت ترعد رعد!!؟؟
.....
لاتنسون
⭐⭐⭐⭐⭐
أنت تقرأ
(قيود الميلانين الأبيض)"الأصلية"
ChickLitلست أبكي لا تروني هذا داء في عيوني ليس دمع، ليس جرح..ليس حزن.. إتركوني كنتُ أزهو بالجمالِ خيالي بقلمي انا هـدى الخيگاني..✍️💜
