(قيود الميلانين الأبيض)"الأصلية"

البارت8 ج2

قيود_الميلانين
البارت الثامن _الجزء الثاني
#للكاتبة_هـدى_الخيگاني
_____‏
﴿ ᷂وَاذْكُر ᷂رَّبَّكَ ᷂إِذَا ᷂نَسِيتَ ﴾
‏- ᷂لآ ᷂آلهَ ᷂الا ᷂الله
‏- ᷂سبحَان ᷂الله ᷂وَبٓحمده
‏- ᷂سبحَآن ᷂الله ᷂العظيم
‏- ᷂استغفرالله ᷂واتوب ᷂إليه
اللهم صل على سيدنا محمد
_______

شلونك بل تراب شلون كاضيها
هيج بصورتك ضليت احجيها
المفروض الورد يندفن بل بستان
شجابك للكبور شعرفك بيها

شهرزاد.. صار اربعين يوم مشايفه امي ولا حاضنتها ولا شامه ريحتها ولا سمعت احد كلي هلا ب شهروزتي بين حرب لمقاومة ماباقي من العمر وبين حرب نسيان ماقضيته من العمر..

صافنه بين اربع حيطان بيضه روحي احتركت من كد ما حطو مغذيات بوريدي حسيت على لحظه رح ينفجر وريدي بس الدكتوره كالت هذا كله لأجل الطفل اخر يوم بالمستشفى اجه فارس وكال يلا رح انطلعج

شهرزاد:- فارس مادخل بيتكم اني غريبه شكد ابقى يوم يومين ثلاثه حتى مايصير ناس تحجي خليني اجرلي بيت وقريب منكم هيج احسن

فارس:- كلشي ينحل بعدين بس هسه وضعج مايسمحلج تسكنين وحدج من غير قرايبج الي متوعدين الج والنا شكم واحد شرد شكم واحد ضام روحه حتى بس تطلعين يقضي عليج بحجه .. سكت ودار وجهه

شهرزاد:- كمل فارس بحجه شنو غسل *** اكيد همه معتبريني *** عليهم بس لانو ماتقبلت بيئتهم ومامشيت وياهم ع طريق نفس الي يمشون علي

فارس:- شرزاد هذا موكلامي اني لو عليه حتى اسفرج بس لواء *** شفتي الأجة وحجة ويه الحرس ميخلونج وحدج تعاي شوفي شكد حط حرس حماية لأجلج واني الامرني علي امنج ببيتي وصدكي محد يمسج مادام احنة موجودين يمج ولو تاذت شعرة منج اني المسؤل واتعاقب

شهرزاد.. بين حيرة وخوف و خجل شلون رح اكدر ادخل بيت اشخاص ماعرفهم وشنو الي يضمنلي انو الي بالبيت ما يأذوني فكرت هواااي وماعندي غير حل انو اروح لبيته لما ما رب العالمين يفرجها ..

ثالث يوم اجت غسق الابتسامة شاكة حلكها وشي متغير بيهه ماحبيت اسأل لأن بوضع مايسمح رحنة لبيتهم من دخلنه تلكتني ام فارس وترحب بيه وجهه بي نور موطبيعي لدرجة من اول ماشفتها حسيتها امي ..اجت حضنتني مثل ما امي تحضني حنان الي بقلبها موطبيعي ماتحملت وبجيت

گمرية:- يمه بنيتي لاتبجين رب العالمين مايعوف عبادة حايرين حشاه رحيم صدكيني هو احن عليج حتى من امج شو عاينيلي

شهرزاد..باوعت بوجهه وهي تمسح دموعي نفسها يصعد وينزل بصعوبه مثل التعبانه..كعدت يمهه وهي تمسح على راسي بحنية وتصبرني واني اهز راسي واحمد ربي لان خلالي هيج ناس بعز طريق كله وحوش بشرية بس همها ملذات الدنيا..

غسق.. كاعدة وام الصالون تمكيج بيه واسماء ماتعرف شلون تخرب فرحتي محتارة ودمعه بعينها ماعرفت ليش هلكد تحقد عليه وشنو سويتلها يمكن لأن اخذت اخوها بس اني شنو ذنبي اذا هو رادني

-شو باوعي ولج شلعتي گلبي لاترمشيييينن

غسق:- ولج يمهه لحكيني عيونيي مو الا عدسات عفيهه

لطمت ع رجلها بقهر
-مكياج راح تعبييي..

بعد صراع دام ساعتين واخيرا ثبتت العدسة دارتني اشوف روحي حرفيا انبهرت بجمال شغلها لبست الفستان جانت لونها سمائي فاتح تصميمها مثل فساتين اميرات ديزني اسماء خابرت صقر اجة ..

لفت عليه الغطاء الابيض وتحركنة دخلنه للبيت تلكتنه عمتي واخواتها ونسوان اخوتها بالهلاهل كعدت وعدلت نفسي عمتي تمسح بعيونها تحاول ماتبين عيونها

غسق:- عمتي شبيج لاتبجين ليش هل بجي

عمتي:- اي لعد غير فرحانتلج يابعد روحي غسوقتي كبرت.. ماكملت غطت عيونهه وبجت

صبا:- خاله لاتبجيها كوة مكيجناهه اذا عرفت ام الصالون خرب مكياجهه وعلي تموتنه بالالف ياعلي يلا سوت مكياج فوكها ماخذت فلوس هواي كالت اسويلكم خصم

ضحكت واني ابجي
غسق:- يمه منج لا عمه لاصدكيهه اصلا بسرعه خلصنه ولا طولنه بس عليهه بنات هواي هاي التسوي تسريحه وهاي الي تمكيج وهاي تنضيف اصلا هادئة اني

صبا.. فرت حلكها معاجبها.. اندك الباب

فارس:- يلا خويه غسق تعاي.. رجفت كلي اصعب لحظه تردد صار عندي ابطل ماريد لا هذا افضل الي السيد يحجي واني استمع نطقت كلمه :- نعم .. اسمع هلاهل بس بعيده حسيت مي انرش ع وجهي شفت عمتي يمي حضنتني وهي تقرة المعوذات

عمتي:- يمه بنتي ولله عرفت رح يحسدوهه يمه بنيتي عين ماصلت عالنبي

فارس:- لج يولي صدك جذب وين موديج للاعدام هو عقد

صبا :- مارضت تاكل لا بالغده ولا بالريوك كوة جبرناهه تشرب الهه حليب.. يلا كومي رجلج رح يجي العفو العريس رح يجي

غسق.. ضربتهه على كتفهه وحجيت

غسق:- اني بيا حال والدفان يغمزليي .. ضحكت صبا شوي وكالو رح يدخل ..

دخل **** مدنك راسه كومة نسوان وهو رجال واحد بحيث وجهه احمر على اعصابه كاعد .. هلهلت خالته مدري شنو تعودله وهوست

:- عين الحارة الحمزة يطفيها وعين الباردة كل الهلا بيها ..تهوس وتباوع لمرت اخو عمتي ..اجت اسماء هم

اسماء— اسمررر ويخبل كل القوط تلوك اعليه .. خدهه طماطه ولاتكووول محمرررة.. فصوص روبه ويا كفاهه منين دورها ولكاهه

صبا:- بعد اختج ماكو كوله بيهه خبزه سمجة مو حتى جعت حتى كولاتج عن الاكل ..ضحكو كلهم حتى *** خف الخجل عنه شوي ... يتبع

لحدد تكوللل البارت قصير لان ضامه هل فترة بارتين بس اصبرولي مادام رجع واهسي بالكتابة اخبصجن وبسس تتوقعون منو الي تزوج غسق توقعاتكم بالتعليق والي توقعها صح انشره بالستوري 😍💜 حسابي عالأنستا @huda_alkhikani8

______

لاتنسوون

⭐️⭐️⭐️⭐️⭐️