الصغيرة الذي عشقتها "غرام اولاد البحراوي الجزء الثالث"

💜الفصل السادس💜

في يوم عقد القران..
كان المنزل عند هاجر مزين لاستقبال هذه المناسبه.. كان تامر يقف جوار عماد والدته يتلقي التهاني وبسمه غبيه مرتسمه علي شفتيه.. توافد الناس من اقارب هاجر واقارب والدتها يهنئون عماد وتامر
تعالت الضجه تزامنا مع وصول المؤذون لـ عقد القران..

عماد بهدوء:-روح هات اختك يا احمد من جوا

تأفف احمد ولكن ذهب لتنفيذ كلام والده.. طرق الباب عده طرقات لم يجد رد فقال بخفوت:-هاااجر..
لكن ايضا ما من رده
انتابه القلق لذلك ومن دون تفكير فتح الباب ليجد هاجر ملقاه بجانب الفراش وجهها شاحب اقترب احمد منها برعب وهو يهتف باسمها بهلع واضح:-هاااجر... هاااجر مالك

ضغط علي نبضها وفتح عيناه علي وسعهم فـ شقيقته نبضها يكاد يكون منعدم.. صرخ احمد برعب:-باباااا... الحق هااااجر يابااابااا

دخل عماد جريا خلفه اخوال هاجر وتامر ليجد وحيدته ساقطه ارضا انفاسها غير موجوده.. جري عماد اليها فقال احمد ببكاء:-لو جرا ليها حاجه مش هسامحك يا بابااا.. مش هسامحك

مال راشد خال هاجر وحملها سريعا وجري وخلفه احمد والباقيه بعد ان لحظ الجميع تسمر عماد في موضعه..

نظرت له عصمت برعب وقالت في نفسها:-الحكايه شكلها وسعت اووي... ربنا يستر
•••••
علي الناحيه الاخري
وصل اخوال هاجر الي المستشفي وراشد كان يحملها وضعها علي الفراش النقال وجري بها الاطباء الي الداخل.. كان الجميع ينتظر امام غرفه الطبيب

انقض احمد علي تامر مسددا له لكمه قويه وقال:-ارتاحت يا ابن الكـ*ب انت وامك الحربايه.. اقسم بالله لو اختي حصل لها حاجه ماهيكفيني فيك عمرك يا وسخ

ابعده خاله لطفي وخاله راشد عن تامر بصعوبه وصرخ راشد بـ:-احمد.. اهدي وبعدين نتكلم وتقولي حصل ايه

احمد باهتياج:-حاضر يا خال.. عشان تعرف الـ*** ده عمل ايه هو وامه الحربايه

جلسوا ينتظرون حتي يخرج الطبيب ولكن تاخر الطبيب جدا ولم يخرج انتابهم القلق من تاخره ولكن ظلو ينتظرون الي ان خرجت ممرضه فـ ذهب اليها راشد ولطفي بلهفه:-طمنينا يا بنتي.. البنت اللي جوا.. هاجر عامله ايه

نظرت لهم الممرضه باستغراب وقالت:-مفيش بنات جوا يا حج.. مافيش غير طفل صغير بنخيط له الجرح

حاله من الارتباك انتابتهم فقال راشد بغضب:-ازاي ده.. بـ اقولك البت دخلت دلوقتي حاله انتحار.. تقوليلي مافيش حد جوا

يا حج والله مافيش غير طفل صغير جاي في خياطه جرح بس.. حتي شووف
فتحت الممرضه الباب ليجدوا طفل صغير يقف امامه طبيب يقطب له ركبته والطفل يصرخ بـ استغاثه وابيه يحتضنه.. صرخ راشد بغضب:-انتوا مجانين ولا ايه ده انا ههد المستشفي دي فوق روسكم كلكم