عند الرجال '
واقف يسولف مع سيف ومالك قدام باب المجلس '
مالك عقد حواجبه وناظر ذيب اللي جاه اتصال : يحولل ذولي متى يعتقونك لو اني مكانك كان فاصل من زمان
دقه سيف واشر له باانه يسكت : ذيب يحب شغله ومراح يرتاح لين يلقاء *** ويذبحهم واحد واحد
سكر من مكالمه جته من فريق عاصم : خاوني لبيتي بطلع اجيب بدلتي واغراضي ومنها تشوفون بيتي
مالك نط اولهم : اصلاً من دون لا تقول بروح
ضحك ذيب واخفى ابتسامته : ياخي ذا مريض متى يعقل
سيف طارت عيونه وبخ ضحك : هههههههه الناس كلها تعقل الى ذا صاحي انت مالك يعقل
مالك صارخ بصوت عالي : ترا سامعكم بس بعديها لكم ياسبايك
ذيب صرخ بصوته يتصنع العصبيه : وش قلت ماسمعت من السبيك؟
مالك هج لسياره وهو يضحك ، سيف مات من الضحك على خرعه مالك "
طق باب المطبخ اللي من الحوش وينتضر احد يفتح وهو يقلب السبحه بيده وشماغه على كتفه ومتراكي على الجدار ، الى وتفتح الباب تذكار : مين ؟
فز وعدل وقفته وابتسم : احمم خالد
تذكار تأففت بعد ماعرفته : وش تبي ؟
خالد وهو يخشن صوته : جدي يقول جيبو صحون العشاء
تذكار : طيب وشي ثاني ؟
خالد وهو يستفزها بنبرته : لا ولا شي بس ليه تردين بدون نفس ؟!
تذكار طارت عيونها بتعجب : خالد اعرف حركاتك ميحتاج ابرر لك
خالد رفع حواجبه : خلاص لاتغثينا من زينك عاد
، دخلت وعد المطبخ وهي تشمر كمومها عشان تساعدهم ولمحت تذكار واقفه عند الباب
وعد بصراخ : وش عندك واقفه ؟
تذكار لفت عليها وجرتها بقوه وباستها : الله جابك بالله اكرشي الكلب اللي واقف هنا
وعد عقدت حواجبها : منهو ؟؟؟🤨
تذكار وهي تأشر بيدها : خالد في غيره يغث
وعد ابتسمت بلعانه بعد ماعرفت وقفت ورا الباب ونعمت صوتها : الى خلودي لا تناقرونه
خالد سمع نبرت الصوت وذاب : ياعيون خلودي
تغيرت نبره وعد وصارخت : يالخفيفف اذلف لا اشوفك هنا مره ثانيه ولا والله لااخلي عقال مهل يتقطع على ظهرك
خالد فز من صوتها اللي انقلب انخرع ، وهج قبل لاياكلها من مهل "
لقصر ال مهل "
دفت الباب الخلفي بعد مالاحضت هدوء البيت واللي يوحي ان العزيمه انتهت ، دخلت من باب الصاله الخلفي وتجمدت لما شافت ،
البنات جالسين بالصاله مع جدتهم يسولفون ولابسين بجايم بعد ماانتهت العزيمه "
التفتو كلهم يوم دخلت ومستغربين كيف دخلت ومن هي اصلاً ؟؟
قامت منيره ورافعه حاجبها بأستنكار : قلنا خادمه ومحتاجه لاكن مو تنشبين لنا ترا فيه شرطه تجي تتلك الحين
تذكار بصراخ بعد ماشافت ملامح امواج اللي تبينت انها بتنفجر : منيره خير ترا مو اي احد اقل منك مادياً تقولين كذا انطمي اشوف وخل نسمع البنت !!
حسناء بعيد عن الكل ابتسمت لما شافتها لأنها انعجبت بجمالها كثير '
قامت الجده جوزا * وارتخت ملامحها يوم شافتها وقالت : انا موظفتها هنا ، عشان الخدم مايكفون
يوم العشاء ووظفتها
انصدمت منيره من الكلام جدتها : ماشاءالله وش هالخدم اللي لاارسلناهم يختفون ؟!
رقت فوق بعد مادقت امواج بالكلام
البنات ابتسمو لها ، وعد قالت بهمس : يبنات عيال ال مهل لايشوفونها انا وانا بنت خقيت عليها
قرصتها موضي وهي تضحك : صوتك واضح الله يفشلك البنت بتقول اذا هاذي بدايتها وش يقعدني عندهم
ابتسمت الجده جوزا * تطمنها : ادري انك محتاجه وظفتك هنا تهتمين بالضيافه بس واي شي تحتاجينه تعالي قولي لي
نادت بصوت عالي لأم لمار واللي تكون ( رئيسه الخدم )
جت رئيسه الخدم بسرعه وقالت : سمي طال عمرك
الجده جوزا * اشرت على امواج : وجهيها عن الغرف وكل شي هاذي جديده هنا
أنت تقرأ
ياغريب عن عيوني من تكون
Poetryحساب الكاتبه razan12.12 طرت فيني وأنا قمت أرتفع بك إلين صرت أنا وياك حاجةٍ ماحدٍ صارها
