ياغريب عن عيوني من تكون

4

‏14p

قاعدين برا عند شبه النار واخذتهم السوالف مع جدتهم ،
بداخل القصر وتحديداً بالمطبخ
مسحت جبتها بتوتر : طيب طيب خلاص بس شوي وبجيك لاتخافين
تلفتت حولها ودموعها ماوقفت : امواج والله خايفه تكفين تعالي
امواج تنهدت وزمت شفايفها : طيب خلاص والله بجي بس بزين شي وبجيك
سكرت من مكالمه اطياف ، وتلفتتت حولها اخذت ادوات التنظيف ورقت للغرف بحجه انها بتنظف ، بدت تدور بالغرف لين اوصلت لقسم والواضح انه للعيال لأن الغرف بقسم لحالهم دخلت وفتحت اول غرفه وبدت تفتش فيها تجمدت بعد ماشافت بدله العسكر معلقه والواضح ان صاحبه بالعسكريه ، ابتسمت وبداخلها فكره ان اكيد انه معه شي لقضيه القتل !
بعثرت الغرفه وقفت بالنص محتاره 🤔
فتحت دولاب مليان اوراق وملفات جت بتشوف والى !!
رفعت راسها بعد ماسمعت اصوات البنات انهم دخلو ، نزلت اللي بيدها وطلعت بدون لاترتب بعثرتها ، طلعت بسرعه ونزلت بهدوء بدون لااحد يلاحضها '

لبست عباتها وتلثمت وطلعت لأطياف تشوف وش فيها و عشان مااحد يشك فيها '
واقف على الباب القصر هو وسيف ويدخن ،
مرت بتطلع وصدمتها ريحه الدخان القويه ورفعت راسها الى هو واقف قدامها ويدخن
تقرفت وقالت بصوت عالي وهي ماره من عندهم : يععع
رفع حاجبه بعد مامرت وانصدم من كلمتها اللي موجهه له ؟؟
انصفق وجه سيف وسكت يناظر بالبنت وهو مصدوم
رما السقاره وطفاها برجله والتفت بيروح وراها يلعنها يحسبها من بنات عمه ، مسك يده سيف : يبن الحلال يمكن ماتقصدك
رفع حواجبه طارت عيونه : لا تدافع عنها لااجلدك بدالها
ضحك سيف وكتم ضحكته : تغارر ولا منقهر
احتدت ملامحه وتشتت نظره وتراكا عند الباب ،

‏15p

تمشي وهي تشتمه لأنها ماتحب الدخان ومتقرفه من الريحه اللي لصقت فيها ، طقت الباب بقوه على اطياف وهي تزعق
: افتحييي الباب
فتحت الباب اطياف وطاحت على امواج خمتها وهي تصيح : يمههه امواج ماني بقاعده لو اموت
تنهدت وفكت لثمتها : طيب خلاص لمي قشك وتعالي معي بتجلسين معي بالقصر كم يوم
مسحت دموعها وراحت تجيب اغراضها ،
امواج ناظرت فيها وقالت : تبين اعلمك اللي قلت لك عنه 😉
بخت ضحك اطياف : ايه يلا وريني اياه بعد
قرصتها امواج وضحكت بانت غمازتها : ماتفوتين شي يلا يلا امشي

واقف على الباب سكر من المكالمه ناسي امرها ، دخلت هي واطياف اللي منبهره بالقصر وامواج تجرها
رفع راسه بعد ماانتبه لها وقال بنبره حاده : اوقفي
التفتت بتعجب من اللي وراها ، وناظرت فيه وحاطه عينها بعينه !؟ وسحبت عليه ودخلت
ماشال عينه عن عينها الى يوم راحت ، اول مره احد يستهين فيه كذا ،
انقهر وتوجه للديوان واول ماشاف خالد صفقه بكف ، انصدم خالد : خير ان شاءالله
ذيب تنهد واخذ اغراضه وطلع لغرفته وملامحه متعكره

خالد يناظر سيف : وش فيه ذا مريض
سيف ضحك : امسحها بوجهي معصب شوي
خالد ناظر فيه بنقد : من زين وجهك ، كل ذا ومعصب شوي اجل لو معصب كثير وش بيصير يذبحني ؟
سيف طارت عيونه : ليته ذابحك يقليل الادب
مالك التفت وهو يتحلطم : افففف اسكتو شوي
سيف وخالد طالعو ببعض وهجمو عليه '

‏16p

بعد مادخلت القصر وخلت اطياف بغرفتها وراحت امواج تعلم الجده وبينما وهي بيدها القهوة ونزلتها ، صرخ لجدته : من اللي دخل غرفتي
تجمدت بمكانها يوم استوعبت انها غرفته وهي نست تخفي اثرها "
سحبتها الجده وخبتها بجلالها ، لأن ذيب نزل والبنات تغطو بجلال واحد
ذيب بصراخ : من اللي دخل غرفتي ؟؟
الجده جوزا * : وراك البنات هنا
استوقفه كلام جدته وهو ثاير من الغضب ،
وعد بصوت خافت : موضي كوعك ببطني وجع نزليه
تذكار طارت عيونها تناظر امواج اللي انكتمت تحاول تمسك ضحكتها
ذيب تنحنح : الغرفه فوق تحت من دخلها ؟!!!
الجده جوزا * ابتسمت : انا ارسلت تذكار تشوف اوراق جدك يبيها
تذكار طيرت حواجبها مصدومه من الكذبه
ذيب شتت نظره وطاح على رجل امواج الواضحه تعكرت حواجبه ،
امواج انكتمت وقالت : ياجده بموت خل يروح
ذيب استوعب ان فيه وحده مخبيتها الجده فا نزل راسه وراح ،
امواج قامت وشهقت بقوه تتنفس : لو انه شايفني اهون
الجده جوزا * ضحكت : وش تبين ياامواج
امواج تنهدت وارخت ملامحها وقالت : ياجده انا عندي صديقتي وكلنا يتيمات وجبتها لانها تخاف
الجده جوزا * ابتسمت : جيبي اللي تبين القصر وراعيه القصر لك
امواج ابتسمت بحيا ، صرخت وعد : ياجده هي حلوه مرره بس ماتحبينها اكثر منا
موضي ناظرتها وضحكت : ترا كاتبه بعيونك قصيده ماتحملت
الجده جوزا * : اسلمي قوليها
؛ في عيونك جفت اقلام المحابر
كل حرف في عيونك ابجديه
في جمالك ترتكز السبع المحاور
كيف اتوبك وانت كلك جاذبيه
الجد مهل *دخل : الله الله
امواج تلثمت وراحت عنهم ،
اطياف والابتسامه شاقتها : يوههه ياحلوهم يتغزلون فيك ماالومهم
امواج ماتت ضحك : اص انتي بعد
اطياف شربت قهوة وقالت : من اللي كان على الباب ومعصب ليه ؟
امواج فكت لثمتها : اسحبي عليه يحسبني من بنات عمه