ياغريب عن عيوني من تكون

5

17p

الفجر بالمقر '
ضرب على الطاوله من القهر انهم مارصدو مكانهم ، فك ازرار بدلته وخلل يده بشعره
دخل الملازم : طال عمرك فريق عاصم يبيك
رفع راسه وابتسم ب شر وناظر ناصر ،
طلعو من مكتبه وراحو لمكتب عاصم *
دخل وظرب التحيه ، وتقدم لأبوه حمد
عاصم ناظر فيهم وهو معاه اوراق : الواضح انهم هاربين بااحد القرا البعيده او القرا المهجوره ولازم ترسلون مجموعه يبحثون بهاذي القرا  ،
ذيب ارتكز بوقفته  : سم طال عمرك
حمد وهو مركز بالاوراق : بنزودهم بالاسحله تحسب لااي هجوم
عاصم حط عينه بعين ذيب : خلك معهم ياذيب خلك على اسمك لاتغفل عنهم
عدل سلاحه ووقف : ابشر طال عمرك اي امر ثاني
عاصم ابتسم ، ونزل راسه : لا تفضل
ذيب طلع ومعاه ناصر يلومه ، ناصر بحده : الحين مو مفروض اجازه لك ترتاح ليش توافقق انا اروح بدالك
ذيب تنهد بحيره : لان ودي افرغ هالرصاص براس احد تعرفني مااتحمل اقعد
ناصر ضحك وضرب كتفه : منت صاحي
،،،

بالمغرب
الجده جوزا * والبنات والحريم انعزمو لعشاء لاااحد الجيران واللي تكون ( ام فيصل )  فا تجهزو كلهم وتوجهو للعشاء
، جالسه بالمطبخ وقدامها اطياف تاكل هي ولمار ، امواج رفعت راسها وسألت (ام لمار ) : الحين العيال لهم بيوت ولا ساكنين هنا
ام لمار لفت وهي كانت تزين القهوة : لا بس ذيب بحكم عمره وانه مايرتاح بالقصر له بيت وبيته مايبعد يعني هنا قريب
امواج همهمت وقامت : انا بروح اخلص لي كم شغله وارجع ، لفت على اطياف وناظرتها  : انتبهي لنفسك
اخذت عباتها وشيلتها وطلعت وقفت عند الباب وصادفت تذكار ، تذكار ناظرتها بااستغراب وقالت : جايه معنا ؟
ابتسمت امواج وقالت بحيره : اي ايه جايه معكم
تذكار ابتسمت وقالت : تعالي معي انا مااحب امشي لحالي البيت قريب هنا
اشرت بااصبعها لااحد البيوت وهي تنتضر الاجابه من امواج ، امواج تلثمت وطلعت معها ،
وبينما وهم يمشون  ، اتصل جوال تذكار ووقفت بمكانها وردت : هلا بالذيب امر
ابتسم وهو دايخ من التعب : موجودين بالبيت ؟
تذكار تطمنه : ريح نفسك شوي واضح انك تعبان ، حنا وجدتي معزومين تبي ارجع لك ؟
ذيب ضحك : سكرانه انتي لا لا مايحتاج بس ابي قهوة وسوالفك
ضحكت تذكار : ابشر ولا يهمك ، بس انت ريح شوي على ما نجي
سكرت وهي مبتسمه ، ناظرتها امواج مستغربه ، وتعدت لبيت ( ام فيصل )

‏18p

دخلو بيت ام فيصل واللي شبه قصر من كبره ، ادخلت مع تذكار وهي تناظر بذهول من المكان ، تذكار تسلم وامواج وقفت تنتظرها '
لفت تذكار على امواج وراحت يمها : تعالي البنات جالسين برا
راحت امواج معها وجلست بعيد عن البنات
وهي تفكر بينها وبين نفسها ، تبي تطلع بس ماتدري شلون
سما وهي تسأل تذكار : من ذي اللي معك !!
تذكار ابتسمت : ذي خادمه جديده عندنا
سما رفعت حاجبها باستنكار : تهبل كيف خادمه
منيره رفعت راسها بعد ماسمعت حوارهم عن امواج ، ونط الغرور اللي بداخلها : ليش جايبتها هنا هاه ؟!
تذكار التفتت وقالت برود : وانتي وش يخصك فيها غصب تشتغل يعني
وعد مدت يديها تهديهم : هيه اهجدو ماله داعي تهاوشون
موضي وهي تدندن : يامرحبا مليار بالزين
يامرحبا به يوم جاني **
منيره طيرت عيونها والتفتت لموضي : وش تخبصين انتي بعد الحمدالله والشكر
موضي تنهدت : ياشين طبعك خليني مروقه وخري عني
سما منصرعه ضحك على فصلتهم ،
تذكار لفت على امواج وناظرت منيره : اهجدي ماله داعي تسمعنا
منيره طولت صوتها : مكانها هناك عند الخادمات مو بينا ،
امواج بنص سرحانها وهي تفكر وتخطط ، سمعتهم ورفعت راسها ،
منيره ناظرت فيها بأستفزاز : ماسمعتي ؟ ادخلي داخل شوفي لك شغله
امواج احتدت ملامحها وقامت : نعمم ؟؟
قربت منها وصرخت : ماسمعت من تأمرين
منيره بلعت ريقها وشتت نظرها : مشكله اذا ماتعرفين مكانك لازم نوجهك
امواج كانت الطرحه على كتوفها ورابطه شعرها وعبايتها فاكتها ) عصرت يد منيره بقوه ولفتها بغت تنكسر وشدت شعرهاا : يدك ذي اكسرهاا ان رفعتيها لي ولسانك ذا اقطعه ان ذكرتيني فيه تسمعينن ماني تحت يمناك يوم تأمريني
صرخت من الالم وقالت بتهديد  : فكي والله لااخيلك تشردين بالشوارع
امواج شدتها اكثر : تخسيننن وانا بنت ابوي
رمتها بقوه ولسبت طرحت وطلعت .

‏19p

وألبّسك جزل القصايد قلادة
‏شعرٍ يثير عقول .. ويحيّر الكون '

تمشي وهي تحس ان لو قعدت ذبحتهم ،
تأففت وهي تمشي بسرعه للقصر ، اول مادخلت مع الباب فكت طرحتها وهي تتنفس بعصبيه ، تنح لما شافها نزل اللي بيده وعدل غترته وراح يمها ،
حاطه يدها على خصرها وبيدها الثانيه على جبهتها رفعت راسها ،
والى خالد بوجهها ومبتسم ؟!
خالد ناظر فيها من فوق لتحت وغمز : كل هالزين عندنا ولا درينا عنه ؟
امواج طارت عيونها ونست انها كاشفه : خير ان شاءالله تبي اطلع عيونك عشان ماعاد تشوف الزين !؟؟
خالد تكى : وقلبوش المعصب هدي هدي مو لايق عليك العصبيه
امواج نزلت نظرها وتذكرت شي ؟
( امواج كانت تحط بفخذها مشرط مثبته بابنطلونها عشان لو تعرظ لها احد )
رفعت راسها وابتسمت له ب شر ، نزلت يدها لرجلها وسحبت المشرط بسرعه وحطته بوجهه : وش رايك ادغدغك فيه حلو صح ؟
خالد تراجع وقمط العافيه ،
نزل من سيارته بعد ماقفل من مكالمته رفع راسه وعكر حواجبه بعد ماسمع خالد صوته عالي ؟!
انفتح الباب ودخل ذيب ، لف خالد وصرخ : تكفى امسك عني هالمجنونه
امواج رزت المشرط عند عينه : والله لو اشوفك مره ثانيه تغزل ياقليل الحيا لا اطلعها لك
ذيب قرب منهم بسرعه ورفع يدها فوق وابعد خالد ، نزل يدها ومسك خالد وضربه بقوه : انت ماتوب ليتها طاعنتك يمكن تعقل خل بس يجي راعي القصر لااخليه يكسر عضامك
التفت وتنح فيها انصدم يوم شافها ، امواج ماانتبهت ومسحت على جبهتها بعصبيه
ناظرت فيه وتجمدت ، عجز يشيل نظره عنها
استوعب على نفسه وصد عنها ، امواج تفشلت وعلى طول تغطت بطرحتها
وراحت دخلت داخل ،

صكت الباب وهي متفشله انها فاتشه ومااستوعبت ، ناظرت اطياف فيها : شفيك
امواج تعكرت ملامحها و"