[ شريفة ]
قصة عزيزة على قلبي وغتكون حصريا وبلسان انسانة حكاتها لياا ايه قصة بين جبال أطلس جات بين خنيفرة ازيلال وبوكماز وبني ملال قصة حقيقة اح تبوريشة شداتني الخوت فاش. طلباتني نحكيها لكن مغديش تكون كولها حقيقية غير بعض لقطات...
لطيفة: جابك الله دار عمك عرضو علينا ل عرس بنتهوم لي قد هيبة
سمحمد: اشمن عمي فعمامي بعدا راه نص فيهوم والد قد هيبة
لطيفة: عمك لي ف بوكماز اولدي عمك حفيض لي ساكن حدا دار. ايت واكريم. اويلي نسيتيهوم ولا ايت وكريم عائلت ناصر لي عندو واحد ولد قدك ولباقي غير لبنات ناصر بات شريفة
ديك شريفة خلاتو اطلع راسو فمو. كيشوف فيها مكمش حجبانو هضر بصوت نبرتو كأنو كتسأل ديجا هاد لاسم داز عليه
سمحمد : شريفة ؟؟
لطيفة : شريفة خت مصطفى
سمحمد : اه شريفة تفكرتها. ايه
لطيفة: ايوا مزيان فطر اولدي فطر
سمحمد: امتا عندهوم هاد مناسبة بعدا
لطيفة : بعد غدا الى بغا الله ياك غتمشي
سمحمد: ضروري يالله وليدة غادي نخرج غنشوف شي دراري
لطيفة: واخا. اولدي ليوفق متعطلش على لغدا صافي
سمحمد بتاسم: ضروري وايلي ههه
ناض واقف. طلع بيتوو. بدل عليه. ورش ريحتو خرج. هابط
عند شريفة عيطو عليها لاساتذة وأطر ديال معهد لي كتقرا فيه تجي متفوتش امتحان حشمات وطلبات لاذن من باها وافق ودعا معاها جمعات صويك صغير حويجتها جوج لبسات وبيجمات جوج ودكشي خاص وخرجات معا سبعة صباح طريق طويلة حطها طاكسي لي شدات نيشان فبني ملال. وسط مدينة هبطات بسروال جينز وسوميج وصبيبيط عادي. شعرها جمعاه مكديرش درة قليل خلصاتو كان صاحب باها نيت.
محند: هنتي ابنتي تسالي صوني لياا صافي اشريفة
شريفة حاطة اديها على شعا: لا اعمي محند غا تيسر غنبات واحد ثلات ايام ولا كثر على حساب امتا غيسالي هادشي
