بقلمي: رقية. عبير ( جنى نور الشريفي)
[ شريفة ]
__________بارت 438_______________
فغرفتها. طلعوها. كولشي فرحان بيها جا خوها ومحمد ونسرين كدالك. ومها ورابحة راه معاها
رابحة: ونفعك حمام ابنتي ههه على سلامتك انوارة داري
مريم عيانة: ليسلمك اخالتي
نعيمة: سعدي فرحي ها ايوب( ولد نسرين) ها ياسين وياسمين ليحفضهوم لينا ياربي.
باركو ليها وهيا فرحانة. اكيد وسط عائلتها. حمد الله. الله مكينسا حد. دوزات مريم ديك ليلة فكنينيك وخرجات لدار مها عبد الله مخلا مشرا وجد لولادو. دارت سيمانة ودارت مريم سبوع مطرطق دبح فيه عبد الله جوج خرفان صردين و عجلة سبوع كيف. قياد جوج قاعات شدو زنقة كاملة وحدة رجال وحد عيلات. جابت مريم. ديدجي ونكافة واكيد عرضات على كولشي مكاينش لي. مفرحش ليها واكيد لحشدها حاو ناس بني ملال وصحباتها اكيد فرحو معاها ونشطو. لعبد الله لي. ربي جزاه على صبرو.
هادي هيا سنة حياة وتستمر حياة. واكيد كل واحد غياخد حقو فيها. وكل واحد غياخد نصيبو فيها حمد الله.
دازو ايام الله ورجعو كل ابطالنا روتينهوم عادي شريفة قربات تولد فراه كتوجد هيا وحورية ولبنات. كلثوم. معا بناتها فدارها ورجلها مروة كدالك. سوسن كدالك. مرة مرة كتلقاو فشي بارك كيخرجو وليدات. وصلات شريفة شهر تاسع ولحد ساعة معرفاش جنس مولود
تلاتة ونص ليل. حلات عيونها على الم. جاها قاصح. كلسات. كتنهج دارت كيبان ليها تواب ناعس. على كرشو حسات بلبول وقفات. كتسوط وتنهج مشات لطواليت. دارت بيبي ومسحات ورجعات خارجة قربات. وشحطها تاني وجع غوتات مألمة حسات بلماء نازل معا رجليها. اذن طرطقات سقية. غوتات. كتنهج قربات كتفيق فيه
شريفة بألم: توااااب توااااب امممم توااب
قفز مغمض. عين وحال لخرى
تواب: اشنو اش واقع
شريفة كتنهج: غنولد غنولد. عتقني
قفز من بلاصتو لعندها شد فديها. تالف
تواب: واخا تولدي اه. صبري فين صاك لاباليز حوايج فين سوارت
شريفة: بشوية عليك بشوية فيق خالتي سربي.
طلق منها تقولي اول ولادة ليها هادي خرج كيجري. نزل فدروج نيشان لبيت مو لي منعسة سليمان معاها. بدا كيدق بجهد وعيط خلعها. وقفات كتجري حلات كتشوف فيه
حورية: امالك على دقان بوليس كتحلم بيا
تواب: حورية عتقي لبسي دغيا شريفة كتولد وسربي
حورية: وخا غا بشوية جاتك تالفة تاني انا غنلبس نزلها ليرد بيك ونتا غتموت بلاصتك
تواب: واش معيط عليك تعونيني ولا تشفاي راها كتولد مشي كتشطح ليهديك أمي.
أنت تقرأ
قصة شريفة 💕 بالدارجة المغربية 💕
عاطفية[ شريفة ] قصة عزيزة على قلبي وغتكون حصريا وبلسان انسانة حكاتها لياا ايه قصة بين جبال أطلس جات بين خنيفرة ازيلال وبوكماز وبني ملال قصة حقيقة اح تبوريشة شداتني الخوت فاش. طلباتني نحكيها لكن مغديش تكون كولها حقيقية غير بعض لقطات...
