قصة شريفة 💕 بالدارجة المغربية 💕

💕 الفصل 56 💕

بقلمي: رقية. عبير ( جنى نور الشريفي)

[ شريفة ]

__________بارت 298____________

فغرفتو. ناعس مجبد وحداه بنتو. ناعسة فحضنو معنقاه. النعاس مبغيش ازور جفنو. وقف بعدما قاد بنتو فوق مخدة وتمشا بصدرو عاري لابس غير سروال حل باب غرفتو ودار غادي جناحو قديم معا مرحومة. جواهر جواهر قلب عيسى وروحو حل غرفة ودخل غرفة باردة بزاف سد باب. وشعل انارة وبانت كيف هيا. فراش نموسيتها. ديكوراتها قرب كوافوز كبير. بان ليه مشط ديالها. وصورتها محطوطة كضحك وهوا معنقها. كانت حاملة ب وئام فواحد مناسبة معنقها تصورو هز مشطتها. كيشوف فيها. ساهي فيها. هز عيونو ف مرآة وبانت ليه. كتبتاسم. سبحان الله نسخة على نجوى لا فشعرها لا ف شعرها ملامحها تحلف عليهوم توأم سبحان قدرة قادر خلق من شبه اربعين

عيسى بألم: جواهر

جواهر : عيسى حرر الروح ونسا الجمرة

عيسى: نسا روحي راك روح ا بارونة قلبي

جواهر: غتجي وغتنسيك فياا عطيها فرصة ريفي عطي فرصة لي غتاخد بلاصتي وياك تجرحها خليها داوي جراحك وداوي جرحها قالو ليا حنينة ودبا غترتاح روحي على ولادي بالاخص وئام. عيسى الى بغتني خليني رتاح وعيش حياتك نساني الريفي نساني.

سكت عيسى مزال كيشوف. فصورتها ف المرآة حتى ختفات. مسح على وجهو وحط ديك المشطة توجه لباركون لي تم حلوو كانت ريح الناظور باردة ساهي فديك ضلمة لي شادة سماء كاملة مخليها كحلة غامقة

فبني ملال واخيرااا وصلات نجوى قد قد معا لطيفة خرجات من سيارة معا ولد ختها حتا كتبان ليها نجوى وتواب وعبد الحق وشريفة وعلي هبط من سيارتو.

حل ليهوم خليل قبل ميدقو حيت شافهم من السرجم قربات لطيفة وهضرات بعصبية :  مزال ليك لوجه تجي لهنا الله ياخد فيك الحق فرتكتي شمل عائلتي

شريفة: احترمي راسك جتينا قد خالتي نوريك شمل كيف داير عندك الوجه لي تهضري بيه نتي ولدك وبنتك خرجتو على حياة ختي لكن ربي كبير حمد الله نصرها ومزال غينصرها عليكوم

نجوى مبردة : لاش كتجوبيها خليها تنبح حتا تعيا وتسكت لي فيه شي لولة فيه عمرها تحيد وهادي هكا دايرة

خليل: على سلامتكوم دخلو دخلو سي تواب سي علي وسي عبد الحق امرحبا.

لطيفة: اش كدير نتا بسبابهوم خوك مضروب

خليل: ولدك الوليدة خفيف بزاف وجبها فراسو وطلعي تشوفي ضيافك لي غيغرقو جد لولدك معرفناه هاجر ابني راسو ولا اسس شعب زوين

تخطاتهوم لطيفة كتسب داخلة تبتوها دراري ولبنات سد خليل باب ولحقهوم فصالة واقفين ولطيفة غا كتشوف ماري جابت ولادها بربعة. رباب هازة ولدها لي نعس وروز بنتها كتلعب بلحلوة ومينة غا مصدومة عمت خليل