بقلمي: رقية. عبير ( جنى نور الشريفي)
[ شريفة ]
__________بارت 411________________
اصبحنا واصبح ملك الله
عند مريم. فاقت. خاطرها مخسر ومروعة نيت وقفات. حيث حسات بيها. بلا حريق لي قتلها.
كتمشى حلات. دوش وستفرغات فيه غير ما حار وكشكوشة شادة رحمها سلات وحسات براسها فاشلة. شدات فلحيط خرجات من دوش. وقربات فوق سرير كلسات. ببطئ كتمسح وجها. وداتها كترعد بجهد كأنو تبوريشة وقلبها كيخفق حولات توقف. مقداتش بقات فاشلة
مريم: اش كيوقع ليا ياربي اش هاد حالة
رجعات تكات ترتاح على ضهرها شافت ساعة لقاتها عشرة ونس نعسات بزاف. غمضات عيونها كترجع نفس حتا حسات براسها مزيان وناضت تلبس بيجامتها. تمشي تعاون.
عند. رابحة فدارها مبقاتش غتمشي رشيدة لي غتجي بغات دوز نفاسها عند مها وسبوع واكيد توحد معارض ولا قال تا حاجة كولشي وافقو ليها حمد الله اول وحظة حماتها لي بغات تجي. توحشات لعروبية. من صباح رابحة كتوجد مسكينة معاوناها نسرين وجوج عيلات وعمات. عبد الله.
حتا دخلات واحد بنت كتنهج. جرات رابحة. جيهت. برا وراء دار. وبدات. كتفتف
رابحة: رجاء تي اش وااقع ليك تي ماالك لحتي فيا نص
رجاء: خالتي خالتي موصيبة ودارها عبد الله موصيبة
رابحة تخلعات: اشمن موصيبة اش واقع
رجاء: هنتي هدشي كنت غنقولو ليك من. ديك نوبة لكن نعلت شيطان شوفي عبد الله فليل فاش كيمشي جنان راه كتجي عندو حليمة بنت تهامي. وكيدخلهاا وشافهوم. ولد كبور جوج مرات وتلاتة
رابحة: اش هااد باطل حشومة عبد الله مشي ديالوو
رجاء: وحق مولانا ديالوو. وليوم. حليمة مها كتغوت وتقول دارها ولد رابحة دارها كافر. وراه حليمة حاملة. اخالتي من عبد الله
خرجات رابحة عيونها. قبل متهضر دخلات حليمة جيهتهوم. كتجري وتبكي. نيفها عامر كامل دم. بانت ليها رابحة وجرات جيهتها.
حليمة: خالتييي خااالتي اناا فعارك فين عبد الله ستريني راني حاملة من عبد الله شيطان شيطان دارها لينا بجوج ودباا خوتي غيقتلوني اناا حاملة اخالتي من ولدك حاملة من عبد الله
تسمع صوت كيسان. زاج تشخشخو فلأرض داروو بخلعة كتبان مريم مسمرة بلاصتهاا كتشوف فيهوم شهقات رجاء شادة فمها اما. رابحة حسات بدوخة وشدات راسهاا نزلات دمعة. من عيون مريم حسات كأنو خنجر. وتغرس فقببها خنجر قوي خلاها تشهق بحر باش حسات واقفة كيف جماد لا تحرك ساكن
بقلمي: رقية. عبير ( جنى نور الشريفي)
[ شريفة ]
__________بارت 412________________
أنت تقرأ
قصة شريفة 💕 بالدارجة المغربية 💕
Roman d'amour[ شريفة ] قصة عزيزة على قلبي وغتكون حصريا وبلسان انسانة حكاتها لياا ايه قصة بين جبال أطلس جات بين خنيفرة ازيلال وبوكماز وبني ملال قصة حقيقة اح تبوريشة شداتني الخوت فاش. طلباتني نحكيها لكن مغديش تكون كولها حقيقية غير بعض لقطات...
