عند البنات
شعيع : اف اشتقت لكم من زمان ماجيتو لديره
نورا : ياشيخه من سمعت ان بنجي لديره وانا متحمسه اقابلكم ونرجع جلسة قبل
بشرى : عاد نورا سوالفك اشتقنا لها
نورا : ابشري ببثركم
دينا : العيال وينهم
وعد : اتوقع عند جدي مسوي عزيمه للعيال وبكرا للحريم الله يعين
الجوري : يوه يعني بكرا فيه كرف كل عاده
ضحكوا البنات
بشرى : ماعليك حنا اكثر منكم انتي ماتدرين امي وش مسويه فينا مخليتنا نعلق الانارة قدام البيت قعدنا ساعتين وحنا نعلق
نورا وهي ميته ضحك : اف م اتخيل اشكالكم هههههه بموت
دينا : لا لا مو طبيعي جدي وجدتي اليوم بسيارة تخيلو حاطين لنا شيلات وحتى مكيف ما شغلوه
شعيع : عاد هيا خذلك قرف وحر يوه كيف تحملتو
ضحكو الجوري : الشكوى لله
فيه بيت الجد عبدالله
فارس : يوه الحين يجون جيش كل الحاره بيجون
تركي : يارجال خلها على الله وش نسوي عاد
رعد : يجي فيصل الغثيث وسوالفه النايمه كلها عن السفر
راشد : يحسسك ان انت ماتسافر وبس هم بالحياة
تركي : ههههههه عاد والله يضحكني شفيكم عليه
فزو من سمعو صوت الجد عبدالله : وجع انت وياه لي ساعه اناديكم تجهزون الدوانيه ولا واحد فيكم جاء
رعد : ياجدي ماسمعنا اعذرنا
الجد عبدالله : اخلصوا بسرعه
تركي : ياجدي والله انك افضل واحد شف كيف خليتهم يفزون من سمعوا صوتك
الجد عبدالله ضحك : قم اترك عنك السوالف
الكل قاموا يجهزون
الجدة هله : نهى و دليِل امشوا جهزوا الصاله و بخروا الدوانيه
موضي و الهنوف قوموا ساعدوني
الكل قام يساعد بعض
بالليل جاء سعيد وعياله و الجيران كلهم
احفاد عبدالله قامو يسلمون ويصبون القهوه
تركي : شلونك يعمي
سعيد : الحمدلله زين وانت شخبارك
تركي : على ماتحب
قام سعود يقهويهم
فيصل : سلام
فارس : وعليكم السلام
فيصل : شلونك فروس
فارس : زين الحمدلله لاتقول فروس اسمي فارس
فيصل ضحك : عادي فروسي
فارس تنرفز وراح جاء تركي : هلا والله بفيصل وش فيك على فارس
فيصل : مدري عنه جيت قلت فروس زعل ههههه
تركي : الله يسامحك اي وش مسوي
فيصل : والله ماسويت شي
تركي فطس ضحك : ياحمار
فيصل بعد ماستوعب : اييي روعتني ياخي
تركي : امش خلنا نقعد عند الرياجيل
عند البنات
نورا : بنات امشو خلونا نسوي شي طفشنا وحنا قاعدين
بشرى : شرايكم نروح نسوي كيك
وعد : والكيك الي جايبينه وين نحطه
بشرى : يوه طيب امشوا خلونا نلعب
الجوري : بليز بنات ماحب العب
دينا : انا جايبه مكياجي امشوا نسوي ميكب
شعيع : الله يلا قدام
قاموا يحطون مكياج ويصورون
عند العيال
سعيد : وشلونك ياعبدالله
الجد عبدالله : ياهلا والله الحمدلله زين
سعيد : بسألك لمتى بتقعدون هنا
الجد عبدالله : بنقعد شهر هنا دام اجازه ولا عند العيال دوام
سعيد : والله من زمان عنكم مبطي عنك خصوصا
الجد عبدالله : والله وش نسوي دوام واشغال خلتنا مانجي هنا ولا الود ودي نستقر هنا
سعيد : اجلس هنا
الجد عبدالله : صعبه ياسعيد العيال عندهم جامعات ولا احد فاضي
سعيد : بذي انت صادق وش تسوي عاد
قاموا العيال وراحو يتمشون بالحاره
