رجعت نورا للغرفه وجهها محمر وتشوف البنات يرقصون ويلعبون
وعد : نوير وين رحتي
ضحكت نورا لانها تحب ذا الدلع : كان عندي شغله خلصتها وجيتكم
دينا : اف بنات ماني مصدقه ابد اني بتزوج تركي
الجوري : صدقي عاد بس احس اني ببكي بالبيت اقعد مع مين انا ؟
نورا : افا دقي علينا وحنا نجيك
ضحكوا كلهم طق الباب و التفتوا لقو نهى
نهى : بنات جدكم يبغاكم بالخيمة بس البسوا جلالكم العيال برا
دينا :وشوله يمه جلال خلينا نلبس عباياتنا ونطلع
نهى : سوو اللي يريحكم
الجوري : تمام
وعد : غريبه جدو يبغانا
نورا وهي تقلدها : جدو انا بقول لخالي يرجعكم لجده
وعد : لا ياشيخه وانا بقول كمان لخالتي ترجعي للقصيم
الجوري : اخلصوا علينا يلا
بعد ماتجهزتو البنات طلعوا للخيمه
الجد عبدالله : ياهلا والله ببناتي
الجوري : ياهلا فيك جدو
الجوري كانت قاصدتها عشان تنرفز وعد
وعد : جدي شوف البنات كل ثانيه يضحكون علي عشان كذا ماقول جدو
الجد عبدالله : هههههههه جدو جدي مايفرق وانا ابوك
بعد ما تجمعو بالخيمه
الجد عبدالله : تعرفون اني احبكم كلكم صح؟
نورا وهي مستغربه : اكيد ياجدي
العيال وهم مستغربين رعد بهمس : غريبه وش فيه جدي
صقر : يايبه فيك شي
الجد عبدالله : ان شاء الله مافيني بس اقولكم ان ودي تقعدون عندي اسبوع
دليِل : ابشر يبه بنقعد اسبوع
الجدة هله وهي حاسه بإحساس غريب : خليكم حوالينا مانبغاكم تروحون بكرا
فلاح : تم
الحريم وهم يقومون ويطلعون الهنوف : شفيهم خالتي وخالي
نهى : والله مادري
موضي : الله يستر امشوا نجهز الفرش ننام
عند البنات وعد : مدري جاني احساس انو جدي فيه شي
الجوري : الله يعين يابنات بس جدي وجهه مسود واضح فيه شي
نورا : خلاص عاد قوموا روحوا للغرفه ناموا
وعد : انا بروح دقيقه وارجع
بعد ماراحت وعد للمطبخ تشرب مويه سمعت صوت طق باب
وعد : الظاهر ذا رعد
راحت فتحت الباب وعد : بسم الله من انت
فهد صد عنها : اسف بس العيال هنا؟
وعد : لا والله الظاهر برا
فهد : انتي مين
وعد : انا وعد
فهد : شلونك ياوعد
وعد : طيبه الحمدلله طيب بغيت شي
فهد : سلامتك
عند العيال اللي بالبر
تركي : يارجال خل عنك الهرج وامشوا نرجع البيت برد
حسين : ياليل تركي عاين قدامك شبة الضو مافي برد ان شاء الله امشوا خلونا نغني ونسهر اليوم من زمان عنكم
رعد : وينه فهد نبغى العود حقه
فهد : هذاني انا خذ العود
اخذ راشد العود وقام يعزف فيه وكان معروف ان راشد يعرف يعزف
وقاموا يغنون اغنيه خالد عبد الرحمن
كلهم بصوت واحد
صدقيني قلبي يحكي لك حقيقه
صدقيني مارى غيرك ملاك
من اجل وصلك باتخذ اية طريقه
ما ابالي لو طريقي هلاك
وقاموا يصفقون ويضحكون
بعد مانتهت السهره و الكل رجع للبيت ينام
بعد ماجاء الصباح
عند البنات بعد ما قاموا
الجدة هله : يلا يابنات افرشوا الفرشه وحطوا الفطور عليها
نورا : ياجدة الجو برا مو حلو ليش مانحط الفطور داخل
الجدة هله : يابنتي الجو حلو خلينا برا بس
الجوري : نورا ترى جدي اليوم بيودينا الاسطبل
نورا نقزت : احلفي
الجوري وهي تضحك : والله روحي اسأليه بعد
نورا وهي تضحك : اخيرا بروح اشوف الغيد
دينا : ههههههههه وش يفكنا الحين من نورا
الجدة هله : وانا وش قلت ماقلت افرشوا السفره فالحين بسوالف والله
وعد : اسفين امشوا بنات يلا
