عند الجد عبدالله : نبي نبات ليله هناك
فلاح : خلاص طيب خلونا نقول لحريمنا ويصير خير
عمر : انا استأذنكم
عند الجدة هله بعد ماوصل لها الخبر : ياحريم ترى بكرا بنطلع للمخيم و بنبات فيه ليله
الهنوف : والله ماعندي مانع
موضي : يمه تونا جايين امداكم
الجدة هله : والله الجو زين وذي الايام ما تنفوت
دلِيل : والله ياخاله انا بعد ماعندي مانع وش زينه المخيم
نهى : خلاص بقول للبنات عشان يجهزون
الجدة هله : اعجلوا
عند نهى و البنات
الجوري : الله يعني بننام هناك وناسه
دينا : يمه اخاف فيه عقارب
نهى : لا ان شاء الله وجهزوا اغراضكم
نورا : ابشري بنات يلا قومو نجهز
بعد ماطلعت نهى من غرفتهم
وعد : بنات كشته ووناسه يعني بنستانس نركب دباب و نتمشى
نورا : اي هذا الي متحمسه له دبابات
الجوري : بنات وش ناخذ الحين دام انه شتاء لازم ناخذ شي ثقيل
دينا : اكيد بناخذ شي ثقيل و بنجيب فروات
نورا : طولتوها اخلصوا
بدوانيه رعد : طيب ياجدي بنروح للمخيم ولا المزرعه
الجد عبدالله : لا المرا ذي مخيم
تركي : يالله وناسههه بنغير شوي عن المزرعه
فارس : اقول هد بس
راشد : ياعيال انا بروح اشوف المخيمات عشان نحجز
فارس : ورا ماتخليه على البنات عشان هم يعرفون اكثر
راشد : يارجال انا اعرف لكم مخيم حلو وزين خويي موصيني عليه
رعد : والله مدري كيفكم
صقر : ي راشد متأكد انه زين ؟؟
راشد : يبه ماعليك دام انا الي مختاره اكيد بيكون زين
ضحك الجد عبدالله : ههه الله يصلحكم روحوا شيكوا عليه قبل لانروح له
راشد : ابشر ماعليك بنروح له
بعد يوم بدون احداث مهمه
نورا : ياجدي حطينا كل الاغراض في السيارة خلاص خلونا نمشي نروح المخيم
الجد عبدالله : خلاص يابنتي بنمشي اذا الكل مشى عشان اقفل البيت
نورا : ابشر
عند العيال رعد : ياعيال جهزتوا كل شي حطيتوه بسياره مانبغى ننسى شي
تركي : اي خلاص جهزنا كل شي بس جدي بيروح اخر شي
راشد : اجل امشوا الحين نروح للمزرعه
فارس : يلا انا اللي بسوق اركبوا
بعد وصولهم كلهم للمخيم
الجدة هله : ياحلو هالمخيم زين والله جاز لي
الهنوف : اي والله ياخاله يهبل
دليِل : شرح يفتح النفس ما شاء الله على راشد
نهى : اي ولدي مايجيب الا الشي الزين
ضحكوا كلهم عند البنات وعد : يجنن المكان بس يابنات الدبابات وينها
الجوري : امشوا خلونا ناخذ دبابات قبل العيال يمسكونها
دينا : امشوا يلااا
راحو والا واجهوا العيال تركي : وش جابكم هنا روحوا
نورا : تركي مالك دخل جايين ناخذ دبابات
تركي : واذا قلت لك لا مراح تاخذونها
دينا : انت وش تبي ياخي خلنا ناخذ
راشد : تركي وراك تعاند عطهم فكنا من شرهم
تركي : بعطيكم بس بشرط
الجوري : وش ذا الشرط ان شاء الله
تركي : نلعب سباق واللي يفوز ياخذ الدبابات يوم كامل
وعد : ياليل ترى انت واثق انكم بتفوزون عشان كذا قاعد تتحدى عشان تاخذونها يوم كامل
فارس : طيب وافقوا خلاص
نورا : بنات مافيه حل ثاني امشوا نتسابق معهم
رعد وهو مركز على نورا : اجل امشوا يلا
