عند البنات بعد ماتجهزوا كل وحده احلا من الثانيه
نورا فستانها بيج وكعبها ذهبي واكسسورات الذهبيه
وعد فستانها لونه ابيض وكعبها ابيض واكسسوارات فضيه
الجوري فستانها لونه بنفسجي وكعبها ابيض واكسسوارات فضيه
دينا فستانها لونه فوشي وكعبها اسود واكسسوارات فضيه
عند نورا : بنات شكلي مضبوط ولا لا
دينا : يفتح النفس
الجوري : بنات ترى وصلوا
وعد راحت اول وحده تسلم والكل يمدح اشكال البنات
بشرى : بنات اشكالكم تجنن امشوا برا نصور
وعد : تم امشوا يلا
دينا : بنات لحظة بدخل الدوانيه اجيب جوالي حطيته هناك
الجوري : اخلصي انتظرك
عند دينا وهي داخله الدوانيه شافت اغراض العيال كانهم لسا موجودين
دينا اخذت جوالها وطلعت بسرعه
عند تركي دخل يجيب مفتاح سيارته ووقف وهو يشوف دينا داخله تجيب جوالها
تركي انهبل يوم شاف دينا
دينا اخذت جوالها وطلعت ولا شافت تركي
عند العيال جاهم تركي
تركي : اف ياعيال ترى تعبت وانا اراكض لعد توصوني بشي
رعد : ياليل بدا ياشيخ اسكت
تركي : رح بس ترى مزاجي متعكر
راشد : الحمدلله والشكر فيك شي
تركي وهو بداخله يقول فيني اشياء
عند الجدة هله تسلم على الحريم
أم فهد : ياهلا والله ي أم صقر
الجدة هله : هلا فيك وشلونك طمنيني
أم فهد : زينه والله على ماتحبين
الجدة هله ابتسمت وراحت تشوف البنات
البنات نورا : بنات امشوا داخل فيه بنات أم راكان
وعد : ياحلوهم احبهم
بشرى : دايم يزورونا
راحو عندهم وسلموا
الجوري : اهلاً
شوق : اهلين كيفكم
نورا : الحمدلله زينين وانتم كيفكم
ريناد : زينين ياقلبي
كانو منحرجين من بعض لانهم مو صديقات يعني فقط قرابه
وعد : بشرى ترى خالتي تناديك
بشرى : تم بروح اشوف
شعيع : نورا مو كأن احرجناهم امشوا
نورا ابتسمت وانسحبوا من عندهم
راحو البنات يحطون فرشه ورا البيت وقاعدين فيها يسولفون
عند العيال
رعد : ترى ابلشتونا انتم وسوالفكم البيض
فارس : ماعجبتك رح
تركي وهو مو معهم وكيف يقول ان يحب دينا
رعد : ولد تركي وش فيك انت
تركي : هلا ولا شي بس احس اني تعبان
راشد : تركي انت فيك شي قل الصدق ترى حنا اخوانك وش فيك
تركي : بقول بس ي راشد لا تتفاعل
راشد استغرب : خلاص زين قل
تركي : انا احب اختك دينا من زمان ولا علمت احد
راشد وهو مصدوم : ايش
رعد : تمزح صح
تركي : م امزح احبها من زمان ياخي ولا اعرف وش اسوي
راشد : ولد ابوي مستحيل يرضى فيك يشوفك عديم مسؤليه ترى مستحيل يعطيك اختي
تركي وهو متضايق : ادري عشان كذا مدري وش اسوي وشايل في قلبي من زمان
فارس : وانا اخوك ليش ماعلمتني من زمان طيب
رعد : ياولد ترى حنا اخوانك ليش ماقلت صدق من زمان
تركي : لا تسألوني
فهد : تركي طيب روح حاول تصلح سمعتك عند عمي صح ولا لا ياشباب
راشد : صح رح سو كل شي تقدر عليه عشان ابوي يشوفك تستحقها ولا ترى مافيه
تركي : طيب وش اسوي قولوا لي
رعد : ماعندنا افكار حالياً بس رح ساعد عمي بأي شي شف اذا يحتاج شي ولا لا
تركي : بروح اشوف عمي بس امنتكم ياعيال تكفون لاتقولون
راشد : ماعليك مراح نقول شي رح ترى اختي لك وغمز
تركي الضحكه شقت وجهه من سمع كلمة اختي لك
