عند الجد بعد ما جمع الكل بجلسه وحده وقدامهم شبت النار
الجد عبدالله : وش رايكم بالاجواء احسن من قعدتنا هناك بر و مخيم وش احلى من كذا
الهنوف : الله يخليك لنا ياعمي والله يجنن المخيم اعبجنا
نورا : ياجدي برد هنا ونسيت اجيب فروتي شرايكم ندخل
نقز رعد : اءءء شسمه انا ماني ب بردان خذي فروتي
وجاء بيعطيها وعد : خلاص رح اقعد انا اعطيها
تقلب وجه رعد
نورا : شكرا ماقصرت
الجوري وهي فرحانه تهمس لوعد : حيوانه انتي ليش ما خليتيه يعطيها
وعد : اص اص انا ابغى اشوف ردت فعله كذا ياخي شوفي لايقين مو
نورا وهي تقرصهم : وجع صوتكم عالي اص
الجد عبدالله : اسمعوا انا ودي اني استقر هنا يم ربايعي
الجدة هله : والله زين اصلاً الرياض انا مابيها هنا كل جاراتي واستانس معهم
وعد : ايش جدي يعني نستقر هنا تكفون لا
نورا : جدي و جامعتي انا شديت حيلي عشان ادخلها اخر شي نجلس هنا تكفى جدي لا
فارس : شوي شوي على جدي اسمع ياجد شرايك انت و جدتي تستقرون هنا
وحنا كل عطله نجيكم
فلاح : وانت من كلمك انطم
سكت فارس بأحراج
وعد : الا ياعمي فكرة حلوه وبنفس الوقت يعني نكون نكمل دراستنا
الجد عبدالله : حلو والله بس ماقدر ابعد عنكم
عمر : ياعم ماعليك حنا بنجيك كل يومين مو احسن من اننا نقطع دراسة البنات
صقر : اي والله اهم شي الدراسه
الجدة هله : والله ماعندي شي اقوله دام يابو صقر تبغانا نجلس هنا جلسنا وخل العيال يروحون يدرسون
الجد عبدالله : خلاص نشوف يانورا تعالي قيسي الضغط حقي
نورا : ابشر (للمعلوميه نورا تدرس طب وتعرف )
رعد كان يناظر نورا وهي تقيس وكان هايم فيها وحبها من اول مرا شافها
رعد بنفسه : اكيد ذا اعجاب لا لا مو حب
بعد مانتهت الجلسه راحوا البنات جلسوا ويناظرون القمر و معهم شاهي
نورا : ياحلو ذا المنظر يخليك تهوجسين
وعد : يالله قد ايش احب القمر
الجوري : بنات فيه واحد دايم يعلق على ستورياتي بالانستا مدري وش يبي؟
دينا : وش يبغى فيك
الجوري : مدري بس يحاول يفتح موضوع معي اسمه فيصل
نورا : قولي له وش تبغى
الجوري : قهرني ياخي مدري وش اسوي فيه و مابغى ابلك
وعد : اجل تحملي
الجوري : خلونا من ذا الطاري
دينا : بنات احس لازم نرجع الرياض حالاً
نورا : ليه؟
دينا : خلاص احس اشتقت لرياض ومليت من هنا اساسا شعيع و بشرى رجعوا لشرقيه ومحد عندنا على الاقل هناك فيه خوياتنا
الجوري : اقول اتركي ذا الطاري اصلاً جدي مراح يرضى وبيزعل
نورا : الجو غبار ياليل جدتي بتكرفنا اذا جاء العجاج بتخلينا نغسل البيت
وعد : افف عاد جدتي الحين تكرفنا كيف لو جاء العجاج
الجوري : الله يسهلها على العموم بدخل انام تبغون شي
نورا : لا ياقلبي سلامتك
بعد شهر بدون احداث مهمه
الكل رجع الرياض وكل وحده مشغوله بجامعتها راح اوضح لكم تخصصات البنات
نورا تخصصها طب
وعد تخصصها ادارة اعمال
الجوري تخصصها هندسه
دينا تخصصها طب
عند بيت ابو نورا
عمر : صباح الخير بتروحين لدوامك؟
نورا : صباح النور اي والله بروح الحين ليش تبغى شي
عمر : سلامتك انتبهي على عمرك
نورا : ابشر
عند بيت ابو راشد
دينا : يبه سيارتي خربت كيف اروح للجامعه و الجوري سابقتني و راشد المسكين تعبان
صقر : ودي اعطيك سيارتي بس ماضمنك روحي مع نورا شوفيها
دينا : تمام
عند نورا بسيارة وهو يرن تلفونها الو؟
دينا : هلا والله نورا اسمعي سيارتي خربت عادي تمريني
نورا : ابشري ماطلبتي شي
دينا : كفو وربي يلا انتطر
بعد ما مرتها نورا : ياهلا والله
دينا : شلونك
نورا : طيبه الحمدلله
دينا وهي تشوف ستاربكس : نورا نورا تكفين مري ستاربكس على طريقك خلينا ناخذ قهوه
نورا ضحكت : تم يلا
